ಪ್ರಯಾಗರಾಜ್‌ನಲ್ಲಿ ಭಾರೀ ಹಣ ಪತ್ತೆ: ಹೊಲದಲ್ಲಿ ಅಡಗಿಸಿಟ್ಟಿದ್ದ 3 ಡ್ರಮ್‌ಗಳ ತುಂಬಾ ನೋಟುಗಳು!

ಪ್ರಯಾಗರಾಜ್‌: ಪ್ರಯಾಗರಾಜ್ ಜಿಲ್ಲೆಯ ನವಾಬ್‌ ಗಂಜ್ ಪ್ರದೇಶದ ಬರೈಪುರ್ ರಾಂಪುರ ಗ್ರಾಮದಲ್ಲಿ ಬುಧವಾರ ರಾತ್ರಿ ಪೊಲೀಸರು ಕರೆನ್ಸಿ ನೋಟುಗಳಿಂದ ತುಂಬಿದ ಮೂರು ಡ್ರಮ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಇಬ್ಬರು ಪುರುಷರಿಗೆ ಸೇರಿದ ಹೊಲದಲ್ಲಿ ಡ್ರಮ್‌ ಗಳನ್ನು ಬಚ್ಚಿಡಲಾಗಿತ್ತು ಎಂದು ಡಿಸಿಪಿ (ಟ್ರಾನ್ಸ್-ಗಂಗಾ) ಸೋನಮ್ ಕುಮಾ‌ರ್ ತಿಳಿಸಿದ್ದಾರೆ. ಪೊಲೀಸರು ಡ್ರಮ್‌ ಗಳ ಬಗ್ಗೆ ರಾಕೇಶ್ ಯಾದವ್ ಮತ್ತು ರಾಜೇಶ್ ಯಾದವ್ ಎಂದು ಗುರುತಿಸಲಾದ ಭೂಮಾಲೀಕರನ್ನು ಪ್ರಶ್ನಿಸುತ್ತಿದ್ದಾರೆ.ಆದಾಗ್ಯೂ, ‘ಪೊಲೀಸರು ವಶಪಡಿಸಿಕೊಂಡ ನೋಟುಗಳ

ಎಣಿಕೆಗಾಗಿ ಪೊಲೀಸರು ಈಗಾಗಲೇ ಸಂಬಂಧಪಟ್ಟ ಇಲಾಖೆಗೆ ಮಾಹಿತಿ ನೀಡಿದ್ದಾರೆ ಮತ್ತು ಹಣದ ನಿಜವಾದ ಮಾಲೀಕರನ್ನು ಕಂಡುಹಿಡಿಯಲು ಭೂಮಾಲೀಕರನ್ನು ಪ್ರಶ್ನಿಸುತ್ತಿದ್ದಾರೆ” ಎಂದು ಅವರು ಹೇಳಿದರು.

ಇಬ್ಬರು ವ್ಯಕ್ತಿಗಳು ತಮ್ಮ ಹೊಲಗಳಲ್ಲಿ ಅಪಾರ ಪ್ರಮಾಣದ ಕದ್ದ ಕರೆನ್ಸಿಯನ್ನು ಹೂತಿಟ್ಟಿದ್ದಾರೆ ಎಂಬ ಮಾಹಿತಿ ಪಡದ ನಂತರ, ಪೊಲೀಸ್ ತಂಡಗಳು ಶೋಧ ಕಾರ್ಯಾಚರಣೆಯನ್ನು ನಡೆಸಿದವು ಎಂದು ಡಿಸಿಪಿ ಹೇಳಿದರು.

ಎಸಿಪಿ ಫುಲ್ಪುರ್ ಮತ್ತು ಎಸಿಪಿ ಸೊರಾನ್ ನೇತೃತ್ವದ ಜಂಟಿ ಪೊಲೀಸ್ ತಂಡಗಳು ಸಂಪೂರ್ಣ ಕಾರ್ಯಾಚರಣೆಯ ವೀಡಿಯೊ ಚಿತ್ರೀಕರಣದ ಸಮಯದಲ್ಲಿ ಕರನ್ಸಿ ನೋಟುಗಳಿಂದ ತುಂಬಿದ ಮೂರು ಡ್ರಮ್ ಗಳನ್ನು ವಶಪಡಿಸಿಕೊಂಡವು. ವಶಪಡಿಸಿಕೊಂಡ ಹಣವನ್ನು ಮುಚ್ಚಿದ ನಂತರ ಸಂಬಂಧಪಟ್ಟ ಪೊಲೀಸ್ ಮಾನಾ (ಗೋದಾಮು)ದಲ್ಲಿ ಠೇವಣಿ ಇಡಲಾಯಿತು.

“ಇಲಾಖೆಯು ಕರೆನ್ಸಿ ಎಣಿಕೆಯನ್ನು ಪೂರ್ಣಗೊಳಿಸಿದ ನಂತರ ವಶಪಡಿಸಿಕೊಂಡ ಒಟ್ಟು ಮೊತ್ತವು ಸ್ಪಷ್ಟವಾಗುತ್ತದೆ” ಎಂದು ಡಿಸಿಪಿ ಹೇಳಿದರು.

ರಾಕೇಶ್ ಯಾದವ್ ಅಲಿಯಾಸ್ ಮಹಾಕಲ್ ಅವರ ಜಮೀನಿನಲ್ಲಿ ಕೋಟ್ಯಂತರ ರೂಪಾಯಿ ಮೌಲ್ಯದ ನೋಟುಗಳಿಂದ ತುಂಬಿದ ಡ್ರಮ್‌ ಗಳನ್ನು ಬಚ್ಚಿಟ್ಟಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ ಎಂದು ತಿಳಿಸಿದ್ದಾರೆ.ಇದರ ಬೆನ್ನಲ್ಲೇ, ಎರಡು ವಿಶೇಷ ಪೊಲೀಸ್ ತಂಡಗಳು ಕಾರ್ಯಾಚರಣೆ ಆರಂಭಿಸಿ, ಇಡೀ ಗ್ರಾಮವನ್ನು ಸುತ್ತುವರೆದು ದಾಳಿ ನಡೆಸಿ, ಹಣವನ್ನು ವಶಪಡಿಸಿಕೊಳ್ಳಲು ನಾಲ್ಕು ಗಂಟೆಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡವು.