ನರ್ಸ್ ಬದಲಿಗೆ ಸಿರಿಂಜ್‌ಗೆ ಔಷಧಿ ತುಂಬಿದ ಸೆಕ್ಯುರಿಟಿ ಗಾರ್ಡ್: ಆಸ್ಪತ್ರೆಯ ಸಿಬ್ಬಂದಿ ವಜಾ!

ನೋಯ್ತಾ: ಸೆಕ್ಟರ್ 39 ರಲ್ಲಿರುವ ಜಿಲ್ಲಾ ಆಸ್ಪತ್ರೆಯ ಭದ್ರತಾ ಸಿಬ್ಬಂದಿಯೊಬ್ಬರು ರೋಗಿಗಳಿಗೆ ಸಿರಿಂಜ್‌ಗಳಿಗೆ ಔಷಧಿ ತುಂಬಿಸುತ್ತಿರುವುದನ್ನು ತೋರಿಸುವ ವೀಡಿಯೊದ ವಿಚಾರಣೆಯ ನಂತರ ಆಸ್ಪತ್ರೆಯ ಭದ್ರತಾ ಸಿಬ್ಬಂದಿ ಮತ್ತು ಸ್ಟಾಫ್ ನರ್ಸ್ ಅನ್ನು ವಜಾಗೊಳಿಸಲಾಗಿದೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ಕಾಣಿಸಿಕೊಂಡಿರುವ ಈ ವೀಡಿಯೊದಲ್ಲಿ, ಆಸ್ಪತ್ರೆಯ ಐದನೇ ಮಹಡಿಯಲ್ಲಿ ನೀಲಿ ಸಮವಸ್ತ್ರ ಧರಿಸಿದ ಭದ್ರತಾ ಸಿಬ್ಬಂದಿಯೊಬ್ಬರು, ಸ್ಟಾಫ್ ನರ್ನ್ ಕರ್ತವ್ಯದಲ್ಲಿದ್ದಾಗ ಕೌಂಟರ್‌ನಲ್ಲಿ ಸಿರಿಂಜ್‌ಗಳನ್ನುತುಂಬಿಸುತ್ತಿರುವುದನ್ನು ತೋರಿಸಲಾಗಿದೆ.ಅಧಿಕಾರಿಗಳ ಪ್ರಕಾರ, ಈ ಘಟನೆ ಆಗಸ್ಟ್ 14 ರ ತಡರಾತ್ರಿ ವೈದ್ಯಕೀಯ ವಾರ್ಡ್‌ನಲ್ಲಿ ನಡೆದಿದ್ದು, ಅಲ್ಲಿ ಸ್ಟಾಫ್ ನರ್ಸ್ ನಿಯೋಜಿಸಲಾಗಿತ್ತು.
ಈ ವಿಡಿಯೋ ವೈರಲ್ ಆಗಿ ರೋಗಿಗಳ ಸುರಕ್ಷತೆ ಮತ್ತು ರೋಗಿಗಳಿಗೆ ಮೀಸಲಾದ ಔಷಧಿಗಳನ್ನು ನಿರ್ವಹಿಸುವಲ್ಲಿ ತರಬೇತಿ ಪಡೆಯದ ಭದ್ರತಾ ಸಿಬ್ಬಂದಿಯ ಪಾತ್ರದ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದಾಗ ಆಸ್ಪತ್ರೆ ಅಧಿಕಾರಿಗಳು ತನಿಖೆಯನ್ನು ಪ್ರಾರಂಭಿಸಿದರು.
“ಈ ವಿಷಯದಲ್ಲಿ ಕ್ರಮ ಕೈಗೊಂಡು, ಸ್ಟಾಫ್ ನರ್ಸ್ ರಿಚಾ ಕುಮಾರಿ ಮತ್ತು ಸೆಕ್ಯುರಿಟಿ ಗಾರ್ಡ್ ಸುನಿಲ್‌ ಕುಮಾ‌ರ್ ಅವರನ್ನು ಅಮಾನತುಗೊಳಿಸಲಾಗಿದೆ” ಎಂದು ಆಸ್ಪತ್ರೆಯ ಮುಖ್ಯ ವೈದ್ಯಕೀಯ ಅಧೀಕ್ಷಕ ಡಾ. ಅಶೋಕ್ ಕುಮಾರ್ ಝಾ ಹೇಳಿದ್ದಾರೆ.
ಇಬ್ಬರೂ ಸಿಬ್ಬಂದಿಯನ್ನು ಹೊರಗುತ್ತಿಗೆ ಮೂಲಕ ನೇಮಿಸಲಾಗಿದ್ದು, ಒಪ್ಪಂದದ ಆಧಾರದ ಮೇಲೆ ನೇಮಿಸಿಕೊಳ್ಳಲಾಗಿದೆ.
ಸುನಿಲ್ ಕುಮಾ‌ರ್ ಅವರನ್ನು ಅಲಿಘ‌ರ್ ಮೂಲದ ಖಾಸಗಿ ಏಜೆನ್ಸಿಯ ಮೂಲಕ ನಿಯೋಜಿಸಲಾಗಿತ್ತು. ಆಸ್ಪತ್ರೆಯು ಹೊರಗುತ್ತಿಗೆ ಏಜೆನ್ಸಿಗೆ ವಿವರಣೆ ಕೋರಿ ನೋಟಿಸ್ ಜಾರಿ ಮಾಡಿದೆ.