‘ನೆಲ್ಲಾಚನ್’ ಖ್ಯಾತಿಯ ಪದ್ಮಶ್ರೀ ಪುರಸ್ಕೃತ ಚೆರುವಾಯಲ್ ರಾಮನ್ ನಿಧನ!

ಕೋಝಿಕೋಡ್: 50 ಕ್ಕೂ ಹೆಚ್ಚು ಸಾಂಪ್ರದಾಯಿಕ ಅಕ್ಕಿ ಪ್ರಭೇದಗಳನ್ನು ಸಂರಕ್ಷಿಸಿದ್ದಕ್ಕಾಗಿ ‘ನೆಲ್ಲಾಚನ್’ (ಅಕ್ಕಿಯ ಪಿತಾಮಹ) ಎಂದು ಕರೆಯಲ್ಪಡುವ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಚೆರುವಾಯಲ್ ರಾಮನ್ ಬುಧವಾರ ಇಲ್ಲಿನ ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ನಿಧನರಾದರು. ಅವರಿಗೆ 74 ವರ್ಷ ವಯಸ್ಸಾಗಿತ್ತು.

‘ಜೀವಂತ ಭತ್ತದ ಜೀನ್ ಬ್ಯಾಂಕ್’ ಎಂದು ಪ್ರಶಂಸಿಸಲ್ಪಟ್ಟ ಕುರಿಚಿಯಾ ಬುಡಕಟ್ಟು ರೈತ, ವಯನಾಡಿನ ಕಮ್ಮನದಲ್ಲಿರುವ ತನ್ನ ಮೂರು ಎಕರೆ ಭತ್ತದ ಗದ್ದೆಯಲ್ಲಿ ಸ್ಥಳೀಯ ಭತ್ತದ ಪ್ರಭೇದಗಳನ್ನು ಪತ್ತೆಹಚ್ಚಲು ಮತ್ತು ಅವುಗಳ ಬೀಜಗಳನ್ನು ಸಂರಕ್ಷಿಸಲು ತನ್ನ ಜೀವನವನ್ನು ಕಳೆದರು.ಗುರುವಾರ ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಚರುವಾಯಲ್ ಕುರಿಚಿಯಾ ಸಮುದಾಯ ಸ್ಮಶಾನದಲ್ಲಿ ಸರ್ಕಾರಿ ಗೌರವಗಳೊಂದಿಗೆ ಅಂತ್ಯಕ್ರಿಯೆ ನಡೆಯಲಿದೆ.