ನವದೆಹಲಿ ನಾರ್ತ್ ಬ್ಲಾಕ್‌ನಲ್ಲಿ ಬೆಂಕಿ ಅವಘಡ: ಸ್ಥಳಕ್ಕೆ ಆರು ಅಗ್ನಿಶಾಮಕ ವಾಹನಗಳು!

ನವದೆಹಲಿ: ದೆಹಲಿಯ ರೈಸಿನಾ ಬೆಟ್ಟದಲ್ಲಿರುವ ಐತಿಹಾಸಿಕ, ಕೆಂಪು ಮರಳುಗಲ್ಲಿನ ಆಡಳಿತ ಕಟ್ಟಡವಾದ ನಾರ್ತ್ ಬ್ಲಾಕ್‌ನ ಮೇಲ್ಯಾವಣಿಯಲ್ಲಿ ಅಳವಡಿಸಲಾದ ಎಸಿ ಬಾಯರ್‌ನಲ್ಲಿ ಶಾರ್ಟ್ ಸರ್ಕ್ಯೂಟ್‌ನಿಂದ ಬೆಂಕಿ ಕಾಣಿಸಿಕೊಂಡ ನಂತರ ಬೆಳಗಿನ ಜಾವ ದಟ್ಟವಾದ ಕಪ್ಪು ಹೊಗೆ ಆಕಾಶಕ್ಕೆ ಅಪ್ಪಳಿಸಿತು.

ಆರು ಅಗ್ನಿಶಾಮಕ ವಾಹನಗಳು ಸ್ಥಳಕ್ಕೆ ದೌಡಾಯಿಸಿದ್ದು, ಬೆಳಿಗ್ಗೆ 11 ಗಂಟೆ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದೆ ಎಂದು ತಿಳಿದುಬಂದಿದೆ.

“ನಾರ್ತ್ ಬ್ಲಾಕ್‌ನ ಮೇಲ್ಮಾವಣಿಯಲ್ಲಿ ಅಳವಡಿಸಲಾದ ಎಸಿ ಬಾಯರ್‌ನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ವೆಲ್ಡಿಂಗ್ ಕೆಲಸ ನಡೆಯುತ್ತಿರುವಾಗ ಹಠಾತ್ ಶಾರ್ಟ್ ಸರ್ಕ್ಯೂಟ್‌ನಿಂದ ಎಸಿ ಬಾಯರ್‌ಗಳಲ್ಲಿ ಒಂದರಲ್ಲಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ವರದಿಯಾಗಿದೆ. ಬೆಂಕಿಯನ್ನು ನಿಯಂತ್ರಣಕ್ಕೆ ತರಲಾಗಿದೆ” ಎಂದು ಅಗ್ನಿಶಾಮಕ ಇಲಾಖೆ ಹೇಳಿಕೆಯಲ್ಲಿ ತಿಳಿಸಿದೆ.

ಸಂಸತ್ತಿಗೆ ಹೋಗುವ ದಾರಿಯಲ್ಲಿ ನಾರ್ತ್ ಬ್ಲಾಕ್‌ನ ಹಿಂದಿನಿಂದ ಹೊಗೆ ಏರುತ್ತಿರುವುದನ್ನು ಗಮನಿಸಿರುವುದಾಗಿ ಸಂಸದ ಮಿಲಿಂದ್ ದಿಯೋರಾ ಹೇಳಿದ್ದಾರೆ.”ನಾನು ಸಂಸತ್ತಿಗೆ ಹೋಗುವಾಗ ನಾರ್ತ್ ಬ್ಲಾಕ್‌ನ ಹಿಂದಿನಿಂದ ದಟ್ಟ ಹೊಗೆ ಏರುತ್ತಿರುವುದನ್ನು ಗಮನಿಸಿದೆ. ಬೆಂಕಿ ಇರಬಹುದು ಎಂದು ತೋರುತ್ತದೆ. ಎಲ್ಲರೂ ಸುರಕ್ಷಿತವಾಗಿದ್ದಾರೆ ಮತ್ತು ತುರ್ತು ಸೇವೆಗಳು ತ್ವರಿತವಾಗಿ ಪ್ರತಿಕ್ರಿಯಿಸುತ್ತಿವೆ ಎಂದು ಭಾವಿಸುತ್ತೇನೆ” ಎಂದು ದಿಯೋರಾ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.