₹400–₹500 ಬೆಲೆಯ ಪಾನೀಯಕ್ಕೆ ಬಳಸಿದ ಕಪ್‌ಗಳ ಮರುಬಳಕೆ? PVR ವಿರುದ್ಧ ಗಂಭೀರ ಆರೋಪ

ಬೆಂಗಳೂರು: ನಗರದ ಖ್ಯಾತ ಮಲ್ಟಿಪ್ಲೆಕ್ಸ್ ಒಂದರಲ್ಲಿ ದುಬಾರಿ ಬೆಲೆಯ ಪಾನೀಯಗಳನ್ನು ನೀಡಲು ಬಳಸಿದ ಪ್ಲಾಸ್ಟಿಕ್ ಅಥವಾ ಪೇಪರ್ ಕಪ್‌ಗಳನ್ನೇ ಮತ್ತೆ ಮರುಬಳಕೆ (Reused) ಮಾಡುತ್ತಿರುವ ಗಂಭೀರ ಆರೋಪ ಕೇಳಿಬಂದಿದೆ. ಈ ಘಟನೆಯು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.ಗುರುವಾರ ಮಿಥಿಲ್ ಎಂಬ ಇನ್‌ಸ್ಟಾಗ್ರಾಮ್ ಬಳಕೆದಾರರು ವಿಡಿಯೋ ಒಂದನ್ನು ಹಂಚಿಕೊಳ್ಳುವ ಮೂಲಕ ಈ ವಿಷಯವನ್ನು ಹೊರಹಾಕಿದ್ದಾರೆ. ಕನಕಪುರ ರಸ್ತೆಯಲ್ಲಿರುವ ‘ಫೋರಂ ಸೌತ್ ಮಾಲ್’ನ (Forum South Mall) ಪಿವಿಆರ್ ಸಿನಿಮಾಸ್‌ನಲ್ಲಿ (PVR Cinemas) ತಮ್ಮ ಮಗನ ಕ್ರಿಕೆಟ್ ಕೋಚ್ ಈ ಸಮಸ್ಯೆಯನ್ನು ಎದುರಿಸಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.
ಹಂಚಿಕೊಳ್ಳಲಾದ ವಿಡಿಯೋದಲ್ಲಿ, ಗ್ರಾಹಕರೊಬ್ಬರು ಸಾಫ್ಟ್ ಡ್ರಿಂಕ್ಸ್‌ನ ಉಳಿದುಕೊಂಡಿರುವ ಭಾಗವಿರುವ, ಈಗಾಗಲೇ ಬಳಸಿದಂತಹ ಡಿಸ್ಪೋಸಬಲ್ ಕಪ್‌ಗಳ ಸ್ಟ್ಯಾಕ್ ಅನ್ನು ತೋರಿಸಿ ಮಲ್ಟಿಪ್ಲೆಕ್ಸ್ ಸಿಬ್ಬಂದಿಯನ್ನು ತರಾಟೆಗೆ ತೆಗೆದುಕೊಳ್ಳುತ್ತಿರುವುದು ಸೆರೆಯಾಗಿದೆ. ಆರಂಭದಲ್ಲಿ ಸಿಬ್ಬಂದಿ ಕಪ್‌ಗಳನ್ನು ಬಳಸಿಲ್ಲ ಎಂದು ವಾದಿಸಿದರೂ, ಗ್ರಾಹಕರು ಬಿಡದೆ ಮ್ಯಾನೇಜರ್ ಅನ್ನು ಕರೆಸುವಂತೆ ಆಗ್ರಹಿಸಿದ್ದಾರೆ. ಮ್ಯಾನೇಜರ್ ಕೂಡ ಆರೋಪವನ್ನು ಅಲ್ಲಗಳೆದಿದ್ದಾರೆ. ಸಿಬ್ಬಂದಿ ಕಪ್ ಬದಲಾಯಿಸಿ ಹೊಸ ಪಾನೀಯ ನೀಡುವುದಾಗಿ ಹೇಳಿದರೂ, ಗ್ರಾಹಕರು ಅದನ್ನು ಸ್ವೀಕರಿಸಲು ನಿರಾಕರಿಸಿದ್ದಾರೆ. ಈ ವಿಡಿಯೋಗೆ ಈಗಾಗಲೇ 1.2 ದಶಕಕ್ಕೂ ಅಧಿಕ ವೀಕ್ಷಣೆಗಳು ಬಂದಿವೆ.ವೀಡಿಯೊ ವೈರಲ್ ಆದ ತಕ್ಷಣವೇ ಎಚ್ಚೆತ್ತ ಆರೋಗ್ಯ ಇಲಾಖೆ
ಆಹಾರ ಸುರಕ್ಷತಾ ಅಧಿಕಾರಿಗಳು ನಡೆಸಿದ ದಿಢೀರ್ ತಪಾಸಣೆಯ ವೇಳೆ ನಿಯಮಗಳ ಗಂಭೀರ ಉಲ್ಲಂಘನೆ ಪತ್ತೆಯಾದ ಹಿನ್ನೆಲೆಯಲ್ಲಿ, ಸದರಿ PVR ನ ಜ್ಯೂಸ್ ಕೌಂಟರ್ ಅನ್ನು ತಕ್ಷಣವೇ ಮುಚ್ಚಿಸಲಾಗಿದೆ. ಆಹಾರ ಸುರಕ್ಷತಾ ಅಧಿಕಾರಿಗಳು ನಡೆಸಿದ ದಿಢೀರ್ ತಪಾಸಣೆಯ ವೇಳೆ ನಿಯಮಗಳ ಗಂಭೀರ ಉಲ್ಲಂಘನೆ ಪತ್ತೆಯಾದ ಹಿನ್ನೆಲೆಯಲ್ಲಿ, ಸದರಿ PVR ನ ಜ್ಯೂಸ್ ಕೌಂಟರ್ ಅನ್ನು ತಕ್ಷಣವೇ ಮುಚ್ಚಿಸಲಾಗಿದೆ.
ಸಚಿವರ ಕಡಕ್ ಎಚ್ಚರಿಕೆ: “ಆಹಾರ ಸುರಕ್ಷತೆಯ ವಿಷಯದಲ್ಲಿ ದೊಡ್ಡ ಬ್ರ್ಯಾಂಡ್ ಇರಲಿ ಅಥವಾ ಸಣ್ಣ ವ್ಯಾಪಾರಿಯೇ ಇರಲಿ, ಕಾನೂನು ಎಲ್ಲರಿಗೂ ಒಂದೇ. ಸಾರ್ವಜನಿಕರ ಆರೋಗ್ಯದ ಜೊತೆ ಆಟವಾಡುವ ವ್ಯವಹಾರ ಸಹಿಸುವುದಿಲ್ಲ” ಎಂದು ಸಚಿವರು ಸ್ಪಷ್ಟಪಡಿಸಿದ್ದಾರೆ.ಮಲ್ಟಿಪ್ಲೆಕ್ಸ್ ಸ್ಪಷ್ಟನೆ ಮತ್ತು ಸಾರ್ವಜನಿಕ ಆಕ್ರೋಶ:
ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ‘ಫೋರಂ ಸೌತ್ ಮಾಲ್’ ಗ್ರಾಹಕರಲ್ಲಿ ಕ್ಷಮೆ ಯಾಚಿಸಿದ್ದು, ಈ ಬಗ್ಗೆ ತನಿಖೆ ನಡೆಸುತ್ತಿರುವುದಾಗಿ ತಿಳಿಸಿದೆ. “ಪಿವಿಆರ್ ತಂಡವು ಈ ವಿಷಯದ ಬಗ್ಗೆ ತನಿಖೆ ನಡೆಸುತ್ತಿದ್ದು, ಸಮಸ್ಯೆ ಮರುಕಳಿಸದಂತೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು” ಎಂದು ಮಾಲ್ ತನ್ನ ಇನ್‌ಸ್ಟಾಗ್ರಾಮ್‌ ಪ್ರತ್ಯುತ್ತರದಲ್ಲಿ ತಿಳಿಸಿದೆ.
ಮಲ್ಟಿಪ್ಲೆಕ್ಸ್‌ನ ಈ ವರ್ತನೆಗೆ ನೆಟ್ಟಿಗರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ₹40 ಪಾನೀಯಕ್ಕೆ ₹400 ರಿಂದ ₹500 ವರೆಗೆ ಹಣ ಪಡೆದರೂ ನೈರ್ಮಲ್ಯ ಕಾಪಾಡುತ್ತಿಲ್ಲ ಎಂದು ಆಕ್ಷೇಪಿಸಿದ್ದಾರೆ. ಮುಂದುವರಿದು, ಹಿಂದಿನ ಕಪ್ ಬಳಸಿದವರಿಗೆ ಯಾವುದಾದರೂ ಸಾಂಕ್ರಾಮಿಕ ಕಾಯಿಲೆಗಳಿದ್ದರೆ ಏನು ಗತಿ? ಎಂದು ಹಲವರು ಆರೋಗ್ಯದ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಡಿಸ್ಪೋಸಬಲ್ ಕಪ್ ಮತ್ತು ತಬಲೆಗಳನ್ನು ಬಳಸಿದ ಬಳಿಕ ಅವುಗಳನ್ನು ಪುಡಿಮಾಡಿ (Crush ಮಾಡಿ) ಎಸೆಯುವಂತೆ ಕೆಲವರು ಸಿನಿಮಾ ವೀಕ್ಷಕರಿಗೆ ಸಲಹೆ ನೀಡಿದ್ದಾರೆ.