“ಅಮೆರಿಕದ ಅಕ್ರಮ ಯುದ್ಧಕ್ಕೆ ಸಾಥ್ ನೀಡಬೇಡಿ: ಜಾಗತಿಕ ರಾಷ್ಟ್ರಗಳಿಗೆ ‘ದಿ ಎಲ್ಡರ್ಸ್’ ಗಂಭೀರ ಎಚ್ಚರಿಕೆ”

ಹೊಸದಿಲ್ಲಿ/ಲಂಡನ್: ಇರಾನ್ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅಮೆರಿಕಕ್ಕೆ ಸಹಾಯ ಮಾಡಲು ಹೋಗಿ ಯುದ್ಧದಲ್ಲಿ ಭಾಗವಹಿಸಬೇಡಿ. ಅಮೆರಿಕದ ಯುದ್ಧ ತಂತ್ರಕ್ಕೆ ಬಲಿಯಾಗಬೇಡಿ ಎಂದು ‘ದಿ ಎಲ್ಡರ್ಸ್’ ಗುಂಪು ಎಲ್ಲಾ ದೇಶಗಳಿಗೆ ಎಚ್ಚರಿಕೆ ನೀಡಿದೆ ಎಂದು Aljazeera ವರದಿ ಮಾಡಿದೆ.
ಹಾರ್ಮುಝ್ ಜಲಸಂಧಿಯಲ್ಲಿ ಹಡಗುಗಳ ಸುರಕ್ಷತೆಗೆ ಸಹಾಯ ಮಾಡುವಂತೆ ಅಮೆರಿಕ ಕೆಲವು ದೇಶಗಳನ್ನು ಒತ್ತಾಯಿಸುತ್ತಿದೆ ಎಂದು ‘ದಿ ಎಲ್ಡರ್ಸ್’ ಗುಂಪು ಉಲ್ಲೇಖಿಸಿದೆ.
“ಈ ಒತ್ತಡವನ್ನು ದೇಶಗಳು ಒಟ್ಟಾಗಿ ವಿರೋಧಿಸಬೇಕು. ಯುದ್ಧವನ್ನು ಆರಂಭಿಸಿದವರೇ ಅದರ ಪರಿಣಾಮಗಳಿಗೆ ಜವಾಬ್ದಾರರು ಎಂದು ಹೇಳಬೇಕು. ಯುದ್ಧವನ್ನು ಬೇಗನೆ ನಿಲ್ಲಿಸಲು ಒತ್ತಾಯಿಸಬೇಕು” ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ.

‘ದಿ ಎಲ್ಡರ್ಸ್’ ಎನ್ನುವುದು 2007ರಲ್ಲಿ ನೆಲ್ಸನ್ ಮಂಡೇಲಾ ಅವರ ಪ್ರೇರಣೆಯಿಂದ ಸ್ಥಾಪಿತವಾದ ಸ್ವತಂತ್ರ ಜಾಗತಿಕ ಹಿರಿಯ ನಾಯಕರ ಗುಂಪಾಗಿದೆ. ಮಾಜಿ ರಾಷ್ಟ್ರಾಧ್ಯಕ್ಷರು, ವಿಶ್ವಸಂಸ್ಥೆಯ ಮಾಜಿ ಮುಖ್ಯಸ್ಥರು ಮತ್ತು ನೊಬೆಲ್ ಪ್ರಶಸ್ತಿ ವಿಜೇತರು ಇದರ ಸದಸ್ಯರಾಗಿದ್ದು, ಶಾಂತಿ, ನ್ಯಾಯ ಮತ್ತು ಮಾನವ ಹಕ್ಕುಗಳ ರಕ್ಷಣೆಯನ್ನು ಮಾಡುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಯಾವುದೇ ಸರ್ಕಾರದ ಪ್ರಭಾವಕ್ಕೆ ಒಳಗಾಗದೆ, ಜಾಗತಿಕ ಸಂಘರ್ಷಗಳು, ಯುದ್ಧ ಪರಿಸ್ಥಿತಿಗಳು
ತ್ತು ಪ್ರಮುಖ ರಾಜಕೀಯ ವಿಷಯಗಳ ಕುರಿತು ಸ್ಪಷ್ಟ ಅಭಿಪ್ರಾಯ ವ್ಯಕ್ತಪಡಿಸಿ, ಸಂವಾದ ಮತ್ತು ಶಾಂತಿಯುತ ಹಾರಗಳನ್ನು ಉತ್ತೇಜಿಸುವುದು ಈ ಗುಂಪಿನ ಕಾರ್ಯವಾಗಿದೆ.

ಈ ಗುಂಪಿನಲ್ಲಿ ಐರ್ಲೆಂಡ್, ಲೈಬೀರಿಯಾ, ಕೊಲಂಬಿಯಾ, ನಾರ್ವೆ ಮತ್ತು ಮಂಗೋಲಿಯಾದ ಮಾಜಿ ನಾಯಕರು ಇದ್ದಾರೆ ಪಾಶ್ಚಿಮಾತ್ಯ ದೇಶಗಳು ಅಂತರರಾಷ್ಟ್ರೀಯ ಕಾನೂನನ್ನು ಎಲ್ಲರಿಗೂ ಸಮಾನವಾಗಿ ಅನ್ವಯಿಸುತ್ತಿಲ್ಲ ಎಂದು ಅವರು ಟೀಕಿಸಿದ್ದಾರೆ.
“ಈ ದ್ವಂದ್ವ ಧೋರಣೆ ಮಧ್ಯಪ್ರಾಚ್ಯ ಮತ್ತು ಜಾಗತಿಕ ದಕ್ಷಿಣದ ದೇಶಗಳಿಗೆ ಸ್ಪಷ್ಟವಾಗಿದೆ. ಪಾಶ್ಚಿಮಾತ್ಯ ದೇಶಗಳು ತಮ್ಮ ಅನುಕೂಲಕ್ಕೆ ತಕ್ಕಂತೆ ಮಾತ್ರ ನಿಯಮಗಳನ್ನು ಬಳಸುತ್ತವೆ ಎಂಬ ಅಭಿಪ್ರಾಯ ಹೆಚ್ಚುತ್ತಿದೆ” ಎಂದು ಅವರು ಹೇಳಿದ್ದಾರೆ.ಇರಾನ್ ನಲ್ಲಿ ಮಾನವ ಹಕ್ಕು ಉಲ್ಲಂಘನೆಗಳು ನಡೆದಿದ್ದರೂ, ಮಿಲಿಟರಿ ಕ್ರಮದಿಂದ ಶಾಂತಿ ಅಥವಾ ಕಾನೂನು ಸುವ್ಯವಸ್ಥೆ ಬರದು ಎಂದು ಗುಂಪು ಹೇಳಿದೆ.”2003ರಲ್ಲಿ ಇರಾಕ್ ನಲ್ಲಿ ನಡೆದ ಯುದ್ಧದ ಬಳಿಕ ಉಂಟಾದ ಅಸ್ಥಿರತೆಯಂತೆಯೇ ಪರಿಸ್ಥಿತಿ ಇರಾನ್ ನಲ್ಲೂ ಉಂಟಾಗಬಹುದು. ಅಮೆರಿಕದ ಸ್ಪಷ್ಟ ಯೋಜನೆಯ ಕೊರತೆಯು ಇದಕ್ಕೆ ಕಾರಣವಾಗಿರಬಹುದು” ಎಂದು ‘ದಿ ಎಲ್ಡರ್ಸ್’ ಎಚ್ಚರಿಸಿದೆ.