ಮಹಿಳೆಯರ ಹಾರ್ಮೋನ್ ಅಸ್ವಸ್ಥತೆಯ ಹೆಸರನ್ನು ಬದಲಿಸಿದ ವಿಶ್ವ ಆರೋಗ್ಯ ಸಂಸ್ಥೆಗಳು

ಜಾಗತಿಕ ಒಮ್ಮತದ ಮೇರೆಗೆ, ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ (PCOS) ಅನ್ನು ಈಗ ಪಾಲಿಎಂಡೋಕ್ರೈನ್ ಮೆಟಬಾಲಿಕ್ ಓವೇರಿಯನ್ ಸಿಂಡ್ರೋಮ್ (PMOS) ಎಂದು ಮರುನಾಮಕರಣ ಮಾಡಲಾಗಿದೆ. ರೋಗನಿರ್ಣಯ ಮತ್ತು ಆರೈಕೆಯನ್ನು ಸುಧಾರಿಸುವ ಉದ್ದೇಶದಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದ್ದು, ಪ್ರಾಗ್‌ನಲ್ಲಿ ನಡೆದ ಯುರೋಪಿಯನ್ ಕಾಂಗ್ರೆಸ್ ಆಫ್ ಎಂಡೋಕ್ರೈನಾಲಜಿಯಲ್ಲಿ ಮಂಗಳವಾರ, ಮೇ 12 ರಂದು ಈ ಘೋಷಣೆ ಮಾಡಲಾಯಿತು.

ಪ್ರಪಂಚದಾದ್ಯಂತ ಸುಮಾರು 17 ಕೋಟಿಗೂ ಹೆಚ್ಚು ಮಹಿಳೆಯರಲ್ಲಿ ಕಂಡುಬರುವ ಈ ಹಾರ್ಮೋನ್ ಸಮಸ್ಯೆಯು ಅನಿಯಮಿತ ಮುಟ್ಟಿನ ಚಕ್ರ, ಅಸಹಜ ಅಂಡೋತ್ಪತ್ತಿ, ಬಂಜೆತನ, ತೂಕ ಮತ್ತು ಮನಸ್ಥಿತಿಯ ಏರಿಳಿತಗಳು, ಮುಖದ ಮೇಲೆ ಅತಿಯಾದ ಕೂದಲು ಮತ್ತು ಮೊಡವೆಗಳಂತಹ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.

PCOS ಅನ್ನು PMOS ಎಂದು ಮರುನಾಮಕರಣ ಮಾಡಲು ಮುಖ್ಯ ಕಾರಣವೆಂದರೆ, ಹೆಚ್ಚಿನ ಸಂದರ್ಭಗಳಲ್ಲಿ ರೋಗನಿರ್ಣಯ ಮತ್ತು ಚಿಕಿತ್ಸೆಯು ಕೇವಲ ಅಂಡಾಶಯದ ಗೆಡ್ಡೆಗಳ (cysts) ಮೇಲೆ ಕೇಂದ್ರೀಕೃತವಾಗಿರುತ್ತದೆ. ಆದರೆ ಈ ಕಾಯಿಲೆಯಿಂದ ಬಳಲುತ್ತಿರುವ ಅನೇಕ ಮಹಿಳೆಯರಲ್ಲಿ ಅಂಡಾಶಯದ ಗೆಡ್ಡೆಗಳು ಇರುವುದಿಲ್ಲ