ರನ್‌ವೇ ಮುಟ್ಟುವ ಮುನ್ನವೇ ವಿಮಾನಕ್ಕೆ ಬಡಿದ ಬಲವಾದ ಗಾಳಿ: ಲ್ಯಾಂಡಿಂಗ್ ಕೈಬಿಟ್ಟು ಮತ್ತೆ ಆಕಾಶಕ್ಕೆ ಹಾರಿದ ಪೈಲಟ್

ಟೋಕಿಯೋದ ನರಿಟಾ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕೊರಿಯನ್ ಏರ್ ವಿಮಾನವೊಂದು ಇಳಿಯುವ ಸಂದರ್ಭದಲ್ಲಿ ತೀವ್ರ ಗಾಳಿ ಮತ್ತು ಟರ್ಬ್ಯುಲೆನ್ಸ್‌ನಿಂದಾಗಿ ಕೊನೆಯ ಕ್ಷಣದಲ್ಲಿ ಲ್ಯಾಂಡಿಂಗ್ ಕೈಬಿಟ್ಟ ಘಟನೆ ನಡೆದಿದೆ. ರನ್‌ವೇಗೆ ಕೇವಲ ಕೆಲವೇ ಮೀಟರ್‌ಗಳ ಅಂತರದಲ್ಲಿದ್ದಾಗ ಬಲವಾದ ಗಾಳಿಗೆ ಸಿಲುಕಿದ ವಿಮಾನವು ಭೀಕರವಾಗಿ ಅಲುಗಾಡುತ್ತಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋಗಳಲ್ಲಿ ಕಂಡುಬಂದಿದೆ. ವಿಮಾನವು ಅಕ್ಕಪಕ್ಕಕ್ಕೆ ವಾಲುತ್ತಿದ್ದನ್ನು ಗಮನಿಸಿದ ಪೈಲಟ್‌ಗಳು ತಕ್ಷಣವೇ ನಿಯಂತ್ರಣಕ್ಕೆ ಪಡೆದು, ‘ಗೋ-ಅರೌಂಡ್’ (go-around) ಕುಶಲತೆಯ ಮೂಲಕ ವಿಮಾನವನ್ನು ಮತ್ತೆ ಆಕಾಶಕ್ಕೆ ಹಾರಿಸುವಲ್ಲಿ ಯಶಸ್ವಿಯಾದರು.
ಟೋಕಿಯೋ ಸುತ್ತಮುತ್ತಲಿನ ಪ್ರತಿಕೂಲ ಹವಾಮಾನ ಮತ್ತು ಬಲವಾದ ಅಡ್ಡಗಾಳಿಯ (crosswinds) ನಡುವೆ ಈ ಘಟನೆ ನಡೆದಿದೆ. ಸಂಭವನೀಯ ಅನಾಹುತವನ್ನು ತಪ್ಪಿಸಿ ಪ್ರಯಾಣಿಕರ ಜೀವ ಉಳಿಸಿದ ವಿಮಾನದ ಸಿಬ್ಬಂದಿಯ ಸಮಯಪ್ರಜ್ಞೆ ಮತ್ತು ಕೌಶಲಕ್ಕೆ ನೆಟ್ಟಿಗರು ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಘಟನೆಯಲ್ಲಿ ಯಾವುದೇ ಸಾವು-ನೋವು ಅಥವಾ ಹಾನಿ ಸಂಭವಿಸಿಲ್ಲ ಎಂದು ವರದಿಯಾಗಿದ್ದು, ವಿಮಾನವು ನಂತರ ಸುರಕ್ಷಿತವಾಗಿ ಕೆಳಗಿಳಿಯುವಲ್ಲಿ ಯಶಸ್ವಿಯಾಗಿದೆ.