ದೊಡ್ಡ ಮಾರುಕಟ್ಟೆಯಲ್ಲಿ ಬೆಂಕಿ: ರಷ್ಯಾದಲ್ಲಿ ಅಗ್ನಿ ಅನಾಹುತ; ಒಬ್ಬರು ಬಲಿ

ರಷ್ಯಾ: ರಷ್ಯಾದ ಸೇಂಟ್ ಪೀಟರ್ಸ್​​ಬರ್ಗ್​ನ ಒಳ ಮಾರುಕಟ್ಟೆಯಲ್ಲಿ ಭಾರಿ ಅಗ್ನಿ ಅವಘಡ ಸಂಭವಿಸಿದ್ದು, ಓರ್ವ ಸಾವನ್ನಪ್ಪಿದ್ದಾರೆ. ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿಯನ್ನು ನಂದಿಸುವಲ್ಲಿ ನಿರತರಾಗಿದ್ದರು, ಸೇಂಟ್ ಪೀಟರ್ಸ್‌ಬರ್ಗ್‌ನ ನೆವ್ಸ್ಕಿ ಜಿಲ್ಲೆಯ ಪ್ರಾವೊಬೆರೆಜ್ನಿ ಮಾರುಕಟ್ಟೆಯಿಂದ ಸುಮಾರು 100 ಜನರನ್ನು ಸ್ಥಳಾಂತರಿಸಲಾಗಿದೆ.
ಐತಿಹಾಸಿಕ ಸೋವಿಯತ್ ಇರಾ ಸಂಕೀರ್ಣದ ಅಂದಾಜು 1,500 ಚದರ ಮೀಟರ್, ಅಲ್ಲಿನ ಛಾವಣಿಯ ಮೂಲಕ ಬೆಂಕಿಯ ಜ್ವಾಲೆ ಮುಗಿಲೆತ್ತರಕ್ಕೆ ಹಾರುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.

ಬುಧವಾರ ಸಂಜೆ 5 ಗಂಟೆ ಸುಮಾರಿಗೆ ಉಲಿಟ್ಸಾ ಡೈಬೆಂಕೊದಲ್ಲಿರುವ ಎರಡು ಅಂತಸ್ತಿನ ಮಾರುಕಟ್ಟೆ ಕಟ್ಟಡದಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಕ್ರಿಸ್​ಮಸ್ ಸಮಯವಾಗಿರುವುದರಿಂದ ಪಟಾಕಿಗಳಂತಹ ಸ್ಫೋಟಕಗಳನ್ನು ಸಂಗ್ರಹಿಸಿಡಲಾಗಿತ್ತು ಎನ್ನಲಾಗಿದೆ. ಬೆಂಕಿಗೆ ಕಾರಣವೇನು ಅಥವಾ ಯಾವುದೇ ಸುರಕ್ಷತಾ ಉಲ್ಲಂಘನೆಗಳು ಕಟ್ಟಡದಾದ್ಯಂತ ಬೆಂಕಿ ವೇಗವಾಗಿ ಹರಡಲು ಕಾರಣವಾಗಿವೆಯೇ ಎಂಬುದಿನ್ನೂ ಸ್ಪಷ್ಟವಾಗಿಲ್ಲ.