ಪಾಕಿಸ್ತಾನ ಆಟಗಾರನಿಗೆ ಹಸರಂಗನ ‘ಸ್ಲೆಡ್ಜಿಂಗ್‌’ ತಿರುಗೇಟು; ತಣ್ಣಗಾದ ಪಾಕ್ ಆಟಗಾರ!

ಏಷ್ಯಾಕಪ್​ನ 15ನೇ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಪಾಕಿಸ್ತಾನ್ ತಂಡ ಜಯ ಸಾಧಿಸಿದೆ. ಅಬುಧಾಬಿಯ ಶೇಕ್ ಝಾಯೆದ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದ ವೇಳೆ ಆಟಗಾರಿಬ್ಬರ ನಡುವೆ ಸೆಲೆಬ್ರೇಷನ್ ಫೈಟ್ ಕಂಡು ಬಂದಿತ್ತು. ಈ ಪಂದ್ಯದ 13ನೇ ಓವರ್​ನ ಮೊದಲ ಎಸೆತದಲ್ಲಿ ಪಾಕ್ ಸ್ಪಿನ್ನರ್ ಅಬ್ರಾರ್ ಅಹ್ಮದ್ ವನಿಂದು ಹಸರಂಗ ಅವರನ್ನು ಬೌಲ್ಡ್ ಮಾಡಿದ್ದರು. ಅಲ್ಲದೆ ಹಸರಂಗ ಅವರ ಶೈಲಿಯಲ್ಲಿ ಬೆರಳು ಕುಲುಕುವ ಮೂಲಕ ಅಬ್ರಾರ್ ಅಹ್ಮದ್ ಬೀಳ್ಕೊಟ್ಟಿದ್ದರು.

ಇದಾದ ಬಳಿಕ ಸೈಮ್ ಅಯ್ಯೂಬ್ ಅವರನ್ನು ಬೌಲ್ಡ್ ಮಾಡುವ ಮೂಲಕ ವನಿಂದು ಹಸರಂಗ ಅಬ್ರಾರ್ ಅಹ್ಮದ್ ಅವರಕಣ್ಸನ್ನೆ ಶೈಲಿಯಲ್ಲಿ ಸಂಭ್ರಮಿಸಿದರು. ಅಲ್ಲದೆ ಆ ಬಳಿಕ ಅದ್ಭುತ ಕ್ಯಾಚ್ ಹಿಡಿಯುವ ಮೂಲಕ ಕೂಡ ಅಬ್ರಾರ್ ಅವರ ಸೆಲೆಬ್ರೇಷನ್ ಸ್ಟೈಲ್​ ಅನ್ನು ತೋರಿಸುವ ಮೂಲಕ ಪಾಕ್ ಸಿನ್ನರ್​ಗೆ ವನಿಂದು ಹಸರಂಗ ತಿರುಗೇಟು ನೀಡಿದರು. ಇದೀಗ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಇನ್ನು ಈ ಪಂದ್ಯದಲ್ಲಿ ಪಾಕಿಸ್ತಾನ್ ತಂಡವು ಬೌಲಿಂಗ್ ಆಯ್ದುಕೊಂಡಿತು. ಅದರಂತೆ ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡ 20 ಓವರ್​ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 133 ರನ್ ಕಲೆಹಾಕಿದ್ದರು. ಈ ಗುರಿಯನ್ನು 18 ಓವರ್​ಗಳಲ್ಲಿ ಚೇಸ್ ಮಾಡುವ ಮೂಲಕ ಪಾಕಿಸ್ತಾನ್ ತಂಡ 5 ವಿಕೆಟ್​ಗಳ ಜಯ ಸಾಧಿಸಿದೆ.