ಬಿಗ್ ಬಿ ಅಮಿತಾಭ್ ಬಚ್ಚನ್ ಫಿಟ್‌ನೆಸ್ ರಹಸ್ಯ: ಮಾಂಸಾಹಾರ, ಅನ್ನ, ಸಿಹಿತಿಂಡಿ, ಮದ್ಯಪಾನವನ್ನು ಸಂಪೂರ್ಣವಾಗಿ ಬಿಟ್ಟ ನಟ!

ವೃದ್ಧಾಪ್ಯಕ್ಕೆ ಕಾಲಿಡುತ್ತಿದ್ದಂತೆ, ಅಮಿತಾಭ್​ ಬಚ್ಚನ್ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿವಹಿಸುತ್ತಿದ್ದಾರೆ. ಅವರು ಕೆಲವು ಅಭ್ಯಾಸಗಳು ಮತ್ತು ವಿಷಯಗಳಿಂದ ದೂರ ಉಳಿದರು. ಅದು ಎಷ್ಟೇ ಪ್ರೀತಿಯದ್ದಾದರೂ ಆರೋಗ್ಯಕ್ಕೆ ಗಮನ ನೀಡುತ್ತಾರೆ. ಅಮಿತಾಭ್ ಯಾವ ವಿಷಯಗಳಿಂದ ದೂರವಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಿ.

ಅಮಿತಾಭ್ ಬಚ್ಚನ್ ಅವರಿಗೆ ಈಗ 83 ವರ್ಷ ವಯಸ್ಸು. ಈ ಏಜ್​ನಲ್ಲೂ ಅವರು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ‘ಕೌನ್ ಬನೇಗಾ ಕರೋಡ್ಪತಿ’ ಶೋನ ಅಮಿತಾಭ್ ಬಚ್ಚನ್ ಅವರೇ ನಡೆಸಿಕೊಡುತ್ತಿದ್ದಾರೆ. ಇದು ದೇಶದ ಜನಪ್ರಿಯ ಶೋಗಳಲ್ಲಿ ಒಂದು. ಅಮಿತಾಭ್ ಬಚ್ಚನ್​ಗೆ ಸಾಕಷ್ಟು ಕಾಯಿಲೆಗಳು ಇವೆ. ಅವುಗಳನ್ನು ಮೆಟ್ಟಿ ನಿಂತಿದ್ದಾರೆ ಅವರು. ಈ ಕಾರಣಕ್ಕೆ ಅವರು ಪ್ರಮುಖ ವಿಚಾರಗಳನ್ನು ಅವಾಯ್ಡ್ ಮಾಡುತ್ತಾರೆ. ಆ ಬಗ್ಗೆ ಇಲ್ಲಿದೆ ವಿವರ.

ವೃದ್ಧಾಪ್ಯಕ್ಕೆ ಕಾಲಿಡುತ್ತಿದ್ದಂತೆ, ಅಮಿತಾಭ್​ ಬಚ್ಚನ್ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿವಹಿಸುತ್ತಿದ್ದಾರೆ. ಅವರು ಕೆಲವು ಅಭ್ಯಾಸಗಳು ಮತ್ತು ವಿಷಯಗಳಿಂದ ದೂರ ಉಳಿದರು. ಅದು ಎಷ್ಟೇ ಪ್ರೀತಿಯದ್ದಾದರೂ ಆರೋಗ್ಯಕ್ಕೆ ಗಮನ ನೀಡುತ್ತಾರೆ. ಅಮಿತಾಭ್ ಯಾವ ವಿಷಯಗಳಿಂದ ದೂರವಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಿ.

ಅಮಿತಾಭ್​ ಬಚ್ಚನ್ ಅವರಿಗೆ ಆಹಾರದ ಬಗ್ಗೆ ವಿಶೇಷ ಪ್ರೀತಿ ಇತ್ತು. ಅದರಲ್ಲೂ ಮಾಂಸಾಹಾರ ಇಷ್ಟವಾಗಿತ್ತು. ಆದರೆ ಅವರು ಮಾಂಸಾಹಾರ ತಿನ್ನುವುದನ್ನು ಸಂಪೂರ್ಣವಾಗಿ ಬಿಟ್ಟುಬಿಟ್ಟರು. ಇದಲ್ಲದೆ ಅನ್ನ ಊಟ ಮಾಡುವುದರಿಂದ ದೂರವಿದ್ದಾರೆ. ಮಧ್ಯಾಹ್ನ ಅಥವಾ ರಾತ್ರಿ ಊಟ ಇರಲಿ, ಅವರು ಅನ್ನ ತಿನ್ನುವುದೇ ಇಲ್ಲ.

ಅಮಿತಾಬ್ ಬಚ್ಚನ್ ಮದ್ಯಪಾನ ಅಥವಾ ಯಾವುದೇ ರೀತಿಯ ಜಂಕ್ ಫುಡ್ ಸೇವಿಸುವುದಿಲ್ಲ. ಅವರು ತಮ್ಮ ಕುಟುಂಬದಲ್ಲಿ ಯಾರಿಗೂ ಜಂಕ್ ಫುಡ್ ತಿನ್ನಲು ಬಿಡುವುದಿಲ್ಲ. ಅದು ದೇಹಕ್ಕೆ ತುಂಬಾನೇ ಹಾನಿ ಮಾಡುತ್ತದೆ ಎಂಬುದನ್ನು ಅವರು ಅರಿತಿದ್ದಾರೆ. ಈ ಕಾರಣದಿಂದಲೇ ಅವರು ಇದನ್ನು ತೊರೆಯುವ ನಿರ್ಧಾರ ಮಾಡಿದ್ದಾರೆ.

ಅಮಿತಾಭ್ ಅವರು ಯಾವಾಗಲೂ ಮನೆಯಲ್ಲಿ ಮಾಡಿದ ಆಹಾರವನ್ನು ತಿನ್ನುತ್ತಾರೆ. ಅವರ ಆಹಾರದಲ್ಲಿ ಯಾವುದೇ ಸಿಹಿತಿಂಡಿಗಳಿಲ್ಲ. ಅವರು ಹಲವು ವರ್ಷಗಳ ಹಿಂದೆಯೇ ಸಿಹಿ ತಿನ್ನುವುದನ್ನು ನಿಲ್ಲಿಸಿದ್ದರು. ಅವರಿಗೆ ಸಕ್ಕರೆ ಕಾಯಿಲೆ ಇದೆ. ಈ ಕಾರಣದಿಂದ ಸ್ವೀಟ್ ತಿನ್ನುವುದೇ ಇಲ್ಲ.

ಅಮಿತಾಭ್ ತಮ್ಮ ದಿನಚರಿಯಲ್ಲಿ ಯೋಗ, ಧ್ಯಾನ ಮತ್ತು ವ್ಯಾಯಾಮಕ್ಕೆ ವಿಶೇಷ ಪ್ರಾಮುಖ್ಯತೆ ನೀಡಿದ್ದಾರೆ. ಬಿಗ್ ಬಿ ಪ್ರತಿದಿನ ಬೇಗನೆ ಮಲಗುತ್ತಾರೆ ಮತ್ತು ಬೇಗನೆ ಏಳುತ್ತಾರೆ. ಇದು ಮಾತ್ರವಲ್ಲದೆ, ಅವರು ತಮ್ಮ ಬಿಡುವಿಲ್ಲದ ವೇಳಾಪಟ್ಟಿಯಿಂದ ತಮ್ಮ ಕುಟುಂಬಕ್ಕೂ ಸಮಯ ಮೀಸಲಿಡುತ್ತಾರೆ