ಮಸ್ತಪ್ಪಾ ನಾಯಕರ ಕ್ರಾಂತಿಕಾರಿ ಹೆಜ್ಜೆ: ವ್ಯಾಪಕ ಜನಬೆಂಬಲ

ಸಾಂಪ್ರದಾಯಿಕ ರಾಜಕೀಯ ಮತ್ತು ಹೋರಾಟದ ಶೈಲಿಯನ್ನು ಬದಿಗಿರಿಸಿ, ಹೊನ್ನಾವರ-ಭಟ್ಕಳ ವಿಧಾನಸಭಾ ಕ್ಷೇತ್ರದ ರಾಜಕೀಯದ ಹೊಸ ಆಶಾಕಿರಣ ಶ್ರೀ ಮಾಸ್ತಪ್ಪ ನಾಯಕ ಬಲಸೆ ಅವರು ಶುಕ್ರವಾರದಂದು ತಮ್ಮ ಆಕಾಂಕ್ಷೆಯ ಗಂಭೀರತೆಯನ್ನು ಪ್ರದರ್ಶಿಸಿದ್ದಾರೆ.

ಜನಪರ ಬೇಡಿಕೆಗಳನ್ನು ಸರ್ಕಾರದ ಗಮನಕ್ಕೆ ತರಲು ಅವರು ರಕ್ತದಲ್ಲಿ ಪೋಸ್ಟ್‌ಕಾರ್ಡ್ ಪತ್ರ ಬರೆಯುವ ವಿಭಿನ್ನ ಅಭಿಯಾನಕ್ಕೆ ಚಾಲನೆ ನೀಡಿದ್ದಾರೆ.

ಮಾಸ್ತಪ್ಪ ನಾಯಕರು ಮತ್ತು ಅವರ ಬೆಂಬಲಿಗರು ಮೊದಲು ಸ್ವಯಂಪ್ರೇರಿತರಾಗಿ ರಕ್ತದಾನ ಮಾಡಿದರು. ನಂತರ, ತಾವು ದಾನ ಮಾಡಿದ ರಕ್ತವನ್ನೇ ಬಳಸಿ ಪೋಸ್ಟ್‌ಕಾರ್ಡ್‌ಗಳ ಮೇಲೆ ಜನರ ಬೇಡಿಕೆಗಳು ಮತ್ತು ಮನವಿಗಳನ್ನು ಬರೆದು ಮೇಲಾಧಿಕಾರಿಗಳಿಗೆ ಕಳುಹಿಸಿದ್ದಾರೆ. ಇದು ಕೇವಲ ಸಾಂಕೇತಿಕ ಹೋರಾಟವಲ್ಲ, ಬದಲಿಗೆ ಜನರ ಸಮಸ್ಯೆಗಳ ಕುರಿತು ನಾವು ಹೊಂದಿರುವ ಬದ್ಧತೆ ಮತ್ತು ಸಂಕಲ್ಪವನ್ನು ಪ್ರದರ್ಶಿಸುತ್ತದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಕ್ಷೇತ್ರದಲ್ಲಿ ಸಾರ್ವಜನಿಕ ಸೇವೆಗಾಗಿ ಹಲವಾರು ಹೋರಾಟಗಳನ್ನು ಮಾಸ್ತಪ್ಪ ನಾಯಕರು ನಿರಂತರವಾಗಿ ನಡೆಸುತ್ತಾ ಬಂದಿದ್ದಾರೆ. ಅವರ ಹೋರಾಟದ ಪ್ರಮುಖ ಬೇಡಿಕೆಗಳಲ್ಲಿ, ಕ್ಷೇತ್ರದಲ್ಲಿ ಬಹುನಿರೀಕ್ಷಿತ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ನಿರ್ಮಾಣಕ್ಕೆ ತಕ್ಷಣದ ಅನುಮೋದನೆ ಮತ್ತು ಶರಾವತಿ ಕೋಲ್ಡ್ ಸ್ಟೋರೇಜ್ (ಅಥವಾ ಪಂಪ್ ಸ್ಟೋರೇಜ್) ಯೋಜನೆಗೆ ಸಂಬಂಧಿಸಿದಂತೆ ಸ್ಥಳೀಯ ಜನರ ಹಕ್ಕುಗಳ ರಕ್ಷಣೆ ಮುಖ್ಯವಾಗಿವೆ.

ಜೊತೆಗೆ ತಮ್ಮ ಗ್ರಾಮಗಳಲ್ಲಿನ ಮೂಲಭೂತ ಸೌಕರ್ಯ ಮತ್ತು ಅಭಿವೃದ್ಧಿ ಕಾರ್ಯಗಳ ಕುರಿತು ಅವರು ದನಿ ಎತ್ತಿದ್ದಾರೆ. ಮಾಸ್ತಪ್ಪ ನಾಯಕ ಬಲಸೆ ಅವರು ಮುಂಬರುವ ವಿಧಾನಸಭಾ ಚುನಾವಣೆಗೆ ಹೊನ್ನಾವರ-ಭಟ್ಕಳ ಕ್ಷೇತ್ರದಿಂದ ಹಿಂದೂ ಪಕ್ಷದ ಸಂಭಾವ್ಯ ಅಭ್ಯರ್ಥಿಯಾಗಿ ಸ್ಪರ್ಧಿಸಲಿದ್ದಾರೆ.. “ನಾನು ಕೇವಲ ರಾಜಕೀಯ ಆಕಾಂಕ್ಷಿಯಲ್ಲ, ಬದಲಿಗೆ ಜನರ ನೋವುಗಳನ್ನು ಆಡಳಿತದ ಮಟ್ಟಕ್ಕೆ ಕೊಂಡೊಯ್ಯಲು ಸಿದ್ಧನಾಗಿರುವ ಒಬ್ಬ ಹೋರಾಟಗಾರ” ಎಂದು ಅವರು ಹೇಳಿದ್ದಾರೆ. ಇಂತಹ ವಿಭಿನ್ನ ಕಾರ್ಯಕ್ರಮಗಳ ಮೂಲಕ ಅವರು ಕ್ಷೇತ್ರದ ಪ್ರತಿ ಮನೆಗೂ ತಮ್ಮ ಮುಖ ಮತ್ತು ಬದ್ಧತೆಯನ್ನು ತಲುಪಿಸುವ ಗುರಿ ಹೊಂದಿದ್ದಾರೆ. ಮಾಸ್ತಪ್ಪ ನಾಯಕರ ಈ ಕ್ರಾಂತಿಕಾರಿ ಹೋರಾಟವು ಕ್ಷೇತ್ರದ ರಾಜಕೀಯದಲ್ಲಿ ಹೊಸ ಆಯಾಮವನ್ನು ಸೃಷ್ಟಿಸಿದ್ದು, ಜನರು ನಿರೀಕ್ಷೆಗೂ ಮೀರಿ ಬೆಂಬಲಿಸುತ್ತಿದ್ದಾರೆ