ಅಮೆರಿಕ ಮತ್ತು ಯುರೋಪ್‌ನಿಂದ ಇಸ್ಲಾಂ ನಿರ್ಮೂಲನೆ ಮಾಡುವುದು ನಮ್ಮ ಉದ್ದೇಶ: ವ್ಯಾಲೆಂಟಿನಾ ಗೊಮೆಜ್

ವಾಷಿಂಗ್ಟನ್ (ಅಮೆರಿಕ) – ಕಳೆದ ತಿಂಗಳು ಕುರಾನ್ ಸುಟ್ಟು, ಅದರ ವಿಡಿಯೊ ಮಾಡಿದ ಅಮೆರಿಕಾದ ರಿಪಬ್ಲಿಕನ್ ಪಕ್ಷದ ನಾಯಕಿ ವ್ಯಾಲೆಂಟಿನಾ ಗೊಮೆಜ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಬೆಂಬಲಿಗೆಯಾಗಿರುವ ಗೊಮೆಜ್, ಬ್ರಿಟನ್‌ನಲ್ಲಿ ನಡೆದ ಸಭೆಯೊಂದರಲ್ಲಿ ಮಾತನಾಡಿ, “ಅಮೆರಿಕ ಮತ್ತು ಯುರೋಪ್‌ನಿಂದ ಇಸ್ಲಾಂ ಧರ್ಮವನ್ನು ನಿರ್ಮೂಲನೆ ಮಾಡುವುದು ನಮ್ಮ ಉದ್ದೇಶವಾಗಿದೆ” ಎಂದು ಹೇಳಿದರು.

ಅಲ್ಲಿನ ಪ್ರಖರ ಮುಸ್ಲಿಂ ವಿರೋಧಿ ನಾಯಕ ಟಾಮಿ ರಾಬಿನ್ಸನ್ ಅವರನ್ನು ಬೆಂಬಲಿಸಿ ಆಯೋಜಿಸಲಾಗಿದ್ದ ಸಭೆಯಲ್ಲಿ ಅವರು ಮಾತನಾಡುತ್ತಿದ್ದರು. “ಬ್ರಿಟನ್ ಪ್ರಧಾನಿ ಕೀರ್ ಸ್ಟಾರ್ಮರ್, ‘ಪೀಡೋಫೈಲ್’ಗಳನ್ನು (ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗುವವರು) ರಕ್ಷಿಸುವ ಪ್ರಧಾನಿ” ಎಂದು ಗೊಮೆಜ್ ಗಂಭೀರ ಆರೋಪ ಮಾಡಿದರು.

ಗೊಮೆಜ್ ನೀಡಿದ ಹೇಳಿಕೆಗಳು!

೧. ಮುಸ್ಲಿಮರು ಅತ್ಯಾಚಾರಿಗಳು. ನಾವು ಅವರ ವಿರುದ್ಧ ಹೋರಾಡಲು ನಿಲ್ಲಬೇಕು. ಈಗ ಆಗದಿದ್ದರೆ ಇನ್ನೆಂದಿಗೂ ಆಗದು, ಇದು ತುರ್ತು ಸಮಯವಾಗಿದೆ.

೨. ಈ ಅತ್ಯಾಚಾರಿ ಮುಸ್ಲಿಮರು ಬ್ರಿಟನ್ ಅನ್ನು ನಿಯಂತ್ರಿಸಿದರೆ, ನಿಮ್ಮ ಮಹಿಳೆಯರ ಮೇಲೆ ಅತ್ಯಾಚಾರ ಮಾಡುವುದು ಮಾತ್ರವಲ್ಲ, ನಿಮ್ಮ ಮಕ್ಕಳ ತಲೆ ಕತ್ತರಿಸುತ್ತಾರೆ. ೨೦೨೩ರ ಅಕ್ಟೋಬರ್ ೭ರಂದು ಇಸ್ರೇಲ್‌ನಲ್ಲಿ ಮಾಡಿದಂತೆ ಇಲ್ಲಿಯೂ ಸಹ ಅವರು ಮಾಡುತ್ತಾರೆ. ಆದ್ದರಿಂದ ನಾವು ಹೋರಾಡಬೇಕು, ಇಲ್ಲವಾದರೆ ಮರಣವನ್ನು ಸ್ವೀಕರಿಸಬೇಕು. ನಾವು ಯೋಧರು. ನಾವು ಯೇಸು ಕ್ರಿಸ್ತನ ಯೋಧರಾಗಿದ್ದೇವೆ.

೩. ಬ್ರಿಟಿಷ್ ಜನರ ಪರವಾಗಿ ನಿಲ್ಲುವ ಧೈರ್ಯ ಇರುವ, ಮತ್ತು ಈ ಅತ್ಯಾಚಾರಿ ಮುಸ್ಲಿಮರನ್ನು ಅವರ ಷರಿಯಾ ದೇಶಗಳಿಗೆ ವಾಪಸ್ ಕಳುಹಿಸುವ ಪ್ರಧಾನಿ ಬ್ರಿಟನ್‌ಗೆ ಈಗ ಬೇಕಾಗಿದೆ.