ರಾಜ್ಯದಲ್ಲಿ ಮನರೇಗಾ (MNREGA) ಅಕ್ರಮ ತಡೆಯಲು ಮುಖ್ಯಮಂತ್ರಿ ಆದೇಶ: ಐದು ಜಿಲ್ಲೆಗಳಲ್ಲಿ ಕಠಿಣ ಕ್ರಮ

ಕೊಪ್ಪಳ: ಮಹಾತ್ಮಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆ (ಮನರೇಗಾ)ಯಲ್ಲಿಭ್ರಷ್ಟಾಚಾರಕ್ಕೆ ಕಡಿವಾಣ ಹಾಕಲು ಕೇಂದ್ರ ಗ್ರಾಮೀಣಾಭಿವೃದ್ಧಿ ಮಂತ್ರಾಲಯ ಹೆಜ್ಜೆ ಇರಿಸಿದೆ. ಯೋಜನೆಯ ಎಲ್ಲಕೂಲಿಕಾರರ ಮುಖಚರ್ಯೆ ಗುರುತು ಪಡೆಯುವ ಜತೆಗೆ ಇ-ಕೆವೈಸಿ ಅಪ್‌ಡೇಟ್‌ ಮಾಡಲು ಮುಂದಾಗಿದೆ.

ಮೊದಲ ಹಂತದಲ್ಲಿರಾಜ್ಯದ ಕೊಪ್ಪಳ, ತುಮಕೂರು, ಕೋಲಾರ, ಹಾಸನ ಮತ್ತು ಹಾವೇರಿ ಜಿಲ್ಲೆಗಳಲ್ಲಿಈ ಪದ್ಧತಿಯನ್ನು ಪ್ರಾಯೋಗಿಕವಾಗಿ ಅನುಷ್ಠಾನಗೊಳಿಸಲು ಯೋಜಿಸಲಾಗಿದೆ. ಈ ಪದ್ಧತಿ ಅಳವಡಿಕೆ ನಂತರ ಕೆಲಸಕ್ಕೆ ಬಾರದೇ ಕೂಲಿ ಪಡೆಯುವುದು, ಮೃತರ ಖಾತೆಗೆ ಕೂಲಿ ಹಣ ಪಾವತಿ ಸೇರಿ ನಾನಾ ಅಕ್ರಮಗಳಿಗೆ ತಡೆ ಬೀಳುವ ನಿರೀಕ್ಷೆಯಿದೆ.

ಆಧಾರ್‌ ಮೂಲಕ ಇ-ಕೆಧಿವೈಸಿ ನಿರ್ವಹಿಸುವುದರಿಂದ ನೋಂದಾಯಿತ ಸಕ್ರಿಯ ಜಾಬ್‌ಕಾರ್ಡ್‌ಗಳು ಮಾತ್ರ ಸಕ್ರಿಯವಾಗಿರಲಿವೆ. ಇದರಿಂದ ಕೆಲಸಕ್ಕೆ ಬಂದವರ ಫೋಟೊ ಮಾತ್ರ ಸೆರೆಯಾಗಲಿದೆ. ಕೆಲಸ ಮಾಡಿದವರಿಗೆ ಮಾತ್ರ ಮನರೇಗಾ ಕೂಲಿ ಪಾವತಿಯಾಗಲಿದೆ. ಕೆಲಸ ಮಾಡದೇ ಹಣ ಪಡೆಯುವವರಿಗೆ ಹಾಗೂ ನಕಲಿ ಜಾಬ್‌ಕಾರ್ಡ್‌ ಸೃಷ್ಟಿಸಿ ಹಣ ಲಪಟಾಯಿಸುತ್ತಿದ್ದ ಸರಕಾರಿ ಸಿಬ್ಬಂದಿಯ ಕೈಚಳಕಕ್ಕೂ ಹೊಸ ಪದ್ಧತಿ ಕಡಿವಾಣ ಹಾಕಲಿದೆ ಎಂಬ ಭರವಸೆ ಮೂಡಿದೆ.

30ರೊಳಗೆ ಪೂರ್ಣ:
ಮುಖಚರ್ಯೆ ಗುರುತು ಪಡೆಯುವ ಜತೆಗೆ ಇ-ಕೆವೈಸಿ ಅಪ್‌ಡೇಟ್‌ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಜಿಲ್ಲಾಮತ್ತು ತಾಲೂಕು ಹಂತದಲ್ಲಿಈಗಾಗಲೇ ತರಬೇತಿ ನೀಡಲಾಗಿದೆ. ಕೆಲವೆಡೆ ಇ-ಕೆವೈಸಿ ಪ್ರಕ್ರಿಯೆಯನ್ನು ಈಗಾಗಲೇ ಆರಂಭಿಸಲಾಗಿದೆ. ಕೊಪ್ಪಳ ಜಿಲ್ಲೆಯ 5,22,583 ಜಾಬ್‌ ಕಾರ್ಡ್‌ಗಳು, ತುಮಕೂರು 3,81,962, ಹಾವೇರಿ 2,89,779, ಕೋಲಾರ 2,07,264 ಮತ್ತು ಹಾಸನ ಜಿಲ್ಲೆಯ 2,96,816 ಜಾಬ್‌ ಕಾರ್ಡ್‌ಗಳಿಗೆ ಸೆ.30ರೊಳಗಾಗಿ ಇ-ಕೆಧಿವೈಸಿ ಪೂರ್ಣಗೊಳಿಸಲು ಸೂಚಿಸಲಾಗಿದೆ. ಮನರೇಗಾ ಯೋಜನೆಯಡಿ ನೋಂದಾಯಿತ ಕೂಲಿಕಾರರಲ್ಲಿಸಕ್ರಿಯ ಕೂಲಿಕಾರರ ಮಾಹಿತಿಯನ್ನು ಎನ್‌ಎಂಎಂಎಸ್‌ ಇ-ಕೆವೈಸಿ ಆ್ಯಪ್‌ನಲ್ಲಿಅಪ್‌ಡೇಟ್‌ ಮಾಡುವ ಬಗ್ಗೆ ಜನಜಾಗೃತಿ ಮೂಡಿಸಲಾಗುತ್ತಿದೆ. ಗ್ರಾಮ ಪಂಚಾಯಿತಿ ಮಟ್ಟದಲ್ಲಿಅಗತ್ಯ ಸಿಬ್ಬಂದಿ ನಿಯೋಜಿಸಲಾಗುತ್ತಿದೆ. ಈ ಸಿಬ್ಬಂದಿಗೆ ಪಿಪಿಟಿ ಮತ್ತು ಟ್ಯುಟೋರಿಯಲ್‌ ವಿಡಿಯೊ ಮೂಲಕ ತರಬೇತಿ ನೀಡಲಾಗುತ್ತಿದೆ.

ಕೊಪ್ಪಳ ಜಿಲ್ಲೆಯ ಎಲ್ಲಗ್ರಾಮ ಪಂಚಾಯತಿಗಳಲ್ಲಿಮನರೇಗಾ ಯೋಜನೆಯಡಿ ಸಕ್ರಿಯ ಕೂಲಿಕಾರರ ಜಾಬ್‌ಕಾರ್ಡ್‌ಗಳನ್ನು ಇ-ಕೆಧಿವೈಸಿ ಮುಖಾಂತರ ವ್ಯಾಲಿಡೇಶನ್‌ ಮಾಡಲಾಗುತ್ತಿದೆ. ರಾಜ್ಯದಲ್ಲಿಪ್ರಾಯೋಗಿಕವಾಗಿ 5 ಜಿಲ್ಲೆಗಳು ಆಯ್ಕೆಯಾಗಿವೆ ಎಂದಿದ್ದಾರೆ ವರ್ಣಿತ್‌ ನೇಗಿ ಸಿಇಒ, ಜಿಪಂ, ಕೊಪ್ಪಳ