ಕೇರಳದಲ್ಲಿ ದೇಶದ ಮೊದಲ ಹಿರಿಯ ನಾಗರಿಕರ ಆಯೋಗ ಸ್ಥಾಪನೆ

ತಿರುವನಂತಪುರಂ – ಹಿರಿಯ ನಾಗರಿಕರ ಹಕ್ಕುಗಳನ್ನು ರಕ್ಷಿಸಲು ಕೇರಳ ಸರಕಾರವು ದೇಶದ ಮೊದಲ ಹಿರಿಯ ನಾಗರಿಕರ ಆಯೋಗವನ್ನು ಸ್ಥಾಪಿಸಿದೆ. ಕೆ. ಸೋಮಪ್ರಸಾದ್ ಅವರನ್ನು ಈ ಆಯೋಗದ ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಗಿದೆ ಎಂದು ರಾಜ್ಯ ಉನ್ನತ ಶಿಕ್ಷಣ ಮತ್ತು ಸಾಮಾಜಿಕ ನ್ಯಾಯ ಸಚಿವೆ ಆರ್.

ಬಿಂದು ಅವರು ತಮ್ಮ ಫೇಸ್‌ಬುಕ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಅಮರವಿಳ ರಾಮಕೃಷ್ಣನ್, ಇ.ಎಂ. ರಾಧಾ, ಕೆ.ಎನ್.ಕೆ. ನಂಬೂದಿರಿ ಮತ್ತು ಲೋಪ್ಸ್ ಮ್ಯಾಥ್ಯೂ ಅವರನ್ನು ಆಯೋಗದ ಸದಸ್ಯರನ್ನಾಗಿ ನೇಮಿಸಲಾಗಿದೆ.

ವೃದ್ಧರಿಗೆ ಮನೆಯವರು ನಿರ್ಲಕ್ಷಿಸುವುದು, ಅವರ ಮೇಲೆ ದೌರ್ಜನ್ಯ ಎಸಗುವುದು ಅಥವಾ ವೃದ್ಧಾಪ್ಯದಲ್ಲಿ ಅವರನ್ನು ನೋಡಿಕೊಳ್ಳಲು ಯಾರೂ ಇಲ್ಲದಿರುವಂತಹ ಸಮಸ್ಯೆಗಳು ಎದುರಾಗುತ್ತವೆ. ಈ ಹೆಚ್ಚುತ್ತಿರುವ ಸಮಸ್ಯೆಗಳಿಗೆ ಈ ಆಯೋಗವು ಪರಿಹಾರವನ್ನು ಕಂಡುಕೊಳ್ಳಲಿದೆ. ಈ ಆಯೋಗವು ವೃದ್ಧರ ಕಲ್ಯಾಣ ಮತ್ತು ರಕ್ಷಣೆಗಾಗಿ ಕೆಲಸ ಮಾಡಲಿದೆ ಮತ್ತು ಅವರ ಪುನರ್ವಸತಿಗಾಗಿ ಮಾರ್ಗಸೂಚಿಗಳು ಹಾಗೂ ಸಹಾಯವನ್ನು ಒದಗಿಸುತ್ತದೆ. ರಾಜ್ಯ ಶಾಸಕಾಂಗವು ಮಾರ್ಚ್‌ನಲ್ಲಿ ಅಂಗೀಕರಿಸಿದ ಕೇರಳ ಹಿರಿಯ ನಾಗರಿಕರ ಆಯೋಗ ಕಾಯಿದೆ, 2025ರ ಅಡಿಯಲ್ಲಿ ‘ಕೇರಳ ರಾಜ್ಯ ಹಿರಿಯ ನಾಗರಿಕರ ಆಯೋಗ’ವನ್ನು ಸ್ಥಾಪಿಸಲಾಗಿದೆ.