“ನೀವು ಯಾರು?” ಮೆಟ್ ಗಾಲಾದಲ್ಲಿ ಶಾರುಖ್‌ಗೆ ಪತ್ರಕರ್ತರ ಪ್ರಶ್ನೆ! ಅಭಿಮಾನಿಗಳ ಆಕ್ರೋಶ

ನ್ಯೂಯಾರ್ಕ್‌ : ನ್ಯೂಯಾರ್ಕ್‌ನಲ್ಲಿ 2025ರ ʻಮೆಟ್‌ ಗಾಲಾʼ ಕಾರ್ಯಕ್ರಮ ಅದ್ದೂರಿಯಾಗಿ ನೆಡಯುತ್ತಿದೆ. ಸ್ಟಾರ್‌ ನಟ-ನಟಿಯರು ರೆಡ್‌ ಕಾರ್ಪೆಟ್‌ನಲ್ಲಿ ಭಾಗವಹಿಸುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ʻಮೆಟ್‌ ಗಾಲಾʼ ರೆಡ್‌ ಕಾರ್ಪೆಟ್‌ನಲ್ಲಿ ಹೆಜ್ಜೆ ಹಾಕಿದ್ದಾರೆ. ಈ ವೇಳೆ, ಪತ್ರಕರ್ತರು ಶಾರುಖ್‌ ಅವರಿಗೆ “ನೀವು ಯಾರೆಂದು” ಕೇಳಿದ್ದಾರೆ. ಇದು ಕಿಂಗ್‌ ಖಾನ್‌ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ.

ʻಮೆಟ್‌ ಗಾಲಾʼದಲ್ಲಿ ಹೆಜ್ಜೆ ಹಾಕಿದ ನಟ ಶಾರುಖ್‌ ಖಾನ್
ಮೊದಲ ಬಾರಿಗೆ ʻಮೆಟ್‌ ಗಾಲಾʼ ಬ್ಲ್ಯೂ ಕಾರ್ಪೆಟ್‌ ಮೇಲೆ ಶಾರುಖ್‌ ಖಾನ್‌ ಹೆಜ್ಜೆ ಹಾಕಿದ್ದಾರೆ. ಈ ಮೂಲಕ ರೆಡ್‌ ಕಾರ್ಪೆಟ್‌ ಮೇಲೆ ನಡೆದ ಮೊದಲ ಭಾರತೀಯ ನಟ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ನಿನ್ಯಾಸಕ ಸಬ್ಯಸಾಚಿ ಅವರು ಡಿಸೈನ್‌ ಮಾಡಿದ್ದ ಕಪ್ಪು ಸ್ಟೈಲೀಶ್‌ ಸೂಟ್‌ ಧರಿಸಿ, ಶಾರುಖ್‌ ಮಿಂಚಿದ್ದಾರೆ. ಈ ಕುರಿತ ಹಲವು ಫೋಟೋಗಳು ಮತ್ತು ವಿಡಿಯೋಗಳು ವೈರಲ್‌ ಆಗಿವೆ. ಇದೇ ಸಂದರ್ಭದಲ್ಲಿ, ಶಾರುಖ್‌ ಖಾನ್‌ ಅವರು ರೆಡ್‌ ಕಾರ್ಪೆಟ್‌ ಮೆಟ್ಟಿಲುಗಳ ಮೇಲೆ ನಡೆದುಕೊಂಡು ಹೋಗುತ್ತಿದ್ದಾಗ, ವಿದೇಶಿ ಪತ್ರಕರ್ತರು, “ನೀವು ಯಾರು, ನಿಮ್ಮನ್ನು ಪರಿಚಯಿಸಿಕೊಳ್ಳಿ” ಎಂದಿರುವುದು ಕಂಡು ಬಂದಿದೆ. ಈ ವಿಡಿಯೋ ಶಾರುಖ್‌ ಅವರ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ವಿದೇಶಿ ಪತ್ರಕರ್ತರ ಮೇಲೆ ಶಾರುಖ್‌ ಅಭಿಮಾನಿಗಳ ಆಕ್ರೋಶ.
ವಿದೇಶಿ ಪತ್ರಕರ್ತರ ಪ್ರಶ್ನೆಗೆ ಶಾರುಖ್‌ ಸಖತ್‌ ಕೂಲಾಗಿಯೇ ಉತ್ತರಿಸಿದ್ದಾರೆ. ಯೆಸ್‌.. “ಹಾಯ್‌, ನಾನು ಶಾರುಖ್” ಎನ್ನುತ್ತಾ ಪರಿಚಯಿಸಿಕೊಂಡಿದ್ದಾರೆ. ಈ ದೃಶ್ಯ ಸೋಶಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್‌ ಆಗಿದ್ದು, ಅವರ ಅಭಿಮಾನಿಗಳಿಗೆ ಆಘಾತ ತರಿಸಿದೆ. ಅಲ್ಲದೇ, “ಮನೆಗೆ ಹೋಗಿ ಅವರ ಹೆಸರನ್ನು ಗೂಗಲ್‌ ಮಾಡಿ ನೋಡಿ, ಅವರು ಯಾರೆಂದು ನಿಮಗೆ ಗೊತ್ತಾಗುತ್ತದೆ. ಭಾರತೀಯ ಚಿತ್ರರಂಗದ ಫೇಮಸ್‌ ನಟ ಅಲ್ಲದೇ ಶ್ರೀಮಂತ ನಟ ಕೂಡ ಹೌದು” ಎಂದಿದ್ದರೆ, ಇನ್ನೂ ಕೆಲವರು, “ಶಾರುಖ್‌ ಖಾನ್‌ ಮತ್ತು ಇತರ ಸಿನಿ ತಾರೆಯರು ಈ ಅಂತರಾಷ್ಟ್ರೀಯ ಕಾರ್ಯಕ್ರಮಗಳಿಗೆ ಹೋಗದರಿಲಿ ಎಂದು ಆಶಿಸುತ್ತೇವೆ” ಎಂದೆಲ್ಲಾ ನೆಟ್ಟಿಗರು ಕಾಮೆಂಟ್‌ಗಳ ಮೂಲಕ ಆಕ್ರೋಶವನ್ನು ಹೊರಹಾಕಿದ್ದಾರೆ.

ಶಾರುಖ್‌ ಖಾನ್‌ ಹೇಳಿದ್ದೇನು?
ಮಾಧ್ಯಮಗಳೊಂದಿಗಿನ ಸಂವಾದದ ಸಮಯದಲ್ಲಿ, ಶಾರುಖ್‌ ಖಾನ್‌ ತಮ್ಮ ಚೊಚ್ಚಲ ʻಮೆಟ್‌ ಗಾಲಾʼ ಪ್ರವೇಶಕ್ಕೂ ಮುನ್ನ, “ನಾನು ಆತಂಕದಲ್ಲಿದ್ದೆ, ಡಿಸೈನರ್‌ ಸಬ್ಯಸಾಚಿ ನನ್ನ ಮೊದಲ ಪ್ರವೇಶಕ್ಕೆ ಮನವೊಲಿಸಿದವರು” ಎಂದಿದ್ದಾರೆ. ಮುಂದುವರೆದು, “ನಾನು ತುಂಬಾ ಉತ್ಸುಕನಾಗಿದ್ದೇನೆ. ನಾನು ಹೆಚ್ಚು ರೆಡ್‌ ಕಾರ್ಪೆಟ್‌ಗಳನ್ನು ಬಳಸಿಲ್ಲ, ನನಗೆ ನಾಚಿಕೆ ಸ್ವಭಾವ ತುಂಬಾ ಇದೆ” ಎಂದು ಹೇಳಿದ್ದರು.

ʻಮೆಟ್‌ ಗಾಲಾʼ ಇದೊಂದು ಫ್ಯಾಷನ್‌ ಕಾರ್ಯಕ್ರಮ. ಪ್ರತೀ ವರ್ಷವೂ ಈ ಕಾರ್ಯಕ್ರಮ ನಡೆಯಲಿದೆ. ನ್ಯೂಯಾರ್ಕ್‌ನ ಮೆಟ್ರೋಪಾಲಿಟನ್‌ ಮ್ಯೂಸಿಯಂ ಆಫ್‌ ಆರ್ಟ್‌ನಲ್ಲಿ ನಡೆಯುತ್ತಿದೆ. ಹಾಲಿವುಡ್‌ ಮತ್ತು ಬಾಲಿವುಡ್‌ ಸೇರಿದಂತೆ ಹಲವು ತಾರೆಯರು ಈ ಫ್ಯಾಷನ್‌ ವೀಕ್‌ನಲ್ಲಿ ಭಾಗಿಯಾಗಿದ್ದಾರೆ.