ಇಸ್ರೇಲ್ ಅನ್ನು ಪುಡಿ ಮಾಡಲು ಹೇಳುತ್ತಿದ್ದಾಗಲೇ ಇರಾನ್ ನ ನ್ಯೂಸ್ ಚಾನೆಲ್ ಪುಡಿ ಪುಡಿ

ಇರಾನ್:ಇಸ್ರೇಲಿ ಪಡೆಗಳು ಸೋಮವಾರ IRIB ನಿರ್ವಹಿಸುವ ಇಸ್ಲಾಮಿಕ್ ರಿಪಬ್ಲಿಕ್ ಆಫ್ ಇರಾನ್ ನ್ಯೂಸ್ ನೆಟ್‌ವರ್ಕ್ (IRINN) ನ ಪ್ರಧಾನ ಕಚೇರಿಯ ಮೇಲೆ ದಾಳಿ ಮಾಡಿ, ಅದರ ನೇರ ಪ್ರಸಾರವನ್ನು ಹಠಾತ್ತನೆ ನಿಲ್ಲಿಸಿವೆ ಎಂದು ವರದಿಗಳು ತಿಳಿಸಿವೆ.

“ಇರಾನಿನ ಪ್ರಚಾರ ಮತ್ತು ಪ್ರಚೋದನೆಯ ಮುಖವಾಣಿ ಕಣ್ಮರೆಯಾಗುವ ಹಾದಿಯಲ್ಲಿದೆ” ಎಂದು ಇಸ್ರೇಲ್ ರಕ್ಷಣಾ ಸಚಿವ ಇಸ್ರೇಲ್ ಕಾಟ್ಜ್ ಹೇಳಿದ ನಂತರ ಇದು ಬಂದಿದೆ.

ನಿರೂಪಕಿಯೊಬ್ಬರು ಇಸ್ರೇಲ್ ಬಗ್ಗೆ ನೇರಪ್ರಸಾರದಲ್ಲಿ ಟೀಕೆ ಮಾಡುತ್ತಿದ್ದಾಗ ಸ್ಫೋಟ ಸಂಭವಿಸಿದೆ ಎಂದು ಇರಾನಿನ ಮಾಧ್ಯಮಗಳು ತಿಳಿಸಿವೆ. ಕೆಲವೇ ಕ್ಷಣಗಳ ನಂತರ, ಅವರು ಪ್ರಸಾರದಿಂದ ನಿರ್ಗಮಿಸುವುದು ಕಂಡುಬಂದಿದ್ದು, ಘಟನೆಯ ದೃಶ್ಯಗಳು ಆನ್‌ಲೈನ್‌’ನಲ್ಲಿ ವ್ಯಾಪಕವಾಗಿ ಪ್ರಸಾರವಾಗುತ್ತಿವೆ.