ಟೆಸ್ಲಾ ಕಾರುಗಳು ಅಧಿಕೃತವಾಗಿ ಭಾರತಕ್ಕೆ ಲಗ್ಗೆ: ಮುಂಬೈನಲ್ಲಿ ಅನಾವರಣ!

ಭಾರತಕ್ಕೆ ಎಲೋನ್ ಮಸ್ಕ್ ಮಾಲೀಕತ್ವದ ಟೆಸ್ಲಾ ಕಾರುಗಳ ಆಗಮನ ಅಧಿಕೃತವಾಗಿದೆ. ನಾಲ್ಕು ತಿಂಗಳ ಹಿಂದೆಯಷ್ಟೇ ಅಮೆರಿಕಾದಲ್ಲಿನ ಶ್ವೇತಭವನಕ್ಕೆ ತೆರಳಿದ್ದ ಮೋದಿ, ಅಧ್ಯಕ್ಷೀಯ ಚುನಾವಣೆಯಲ್ಲಿ ಗೆದ್ದು, ಎರಡನೇ ಬಾರಿಗೆ ಯುಸ್ ಅಧ್ಯಕ್ಷರಾದ ಡೊನಾಲ್ಡ್ ಟ್ರಂಪ್ರನ್ನು ಭೇಟಿಯಾಗಿ, ಶುಭಕೋರಿದ್ದರು.

ಈ ವೇಳೆ ಎರಡು ದೇಶಗಳ ಸಂಬಂಧವನ್ನು ಉತ್ತಮ ರೀತಿಯಲ್ಲಿ ಕೊಂಡೊಯ್ಯುವತ್ತ ಗಮನಹರಿಸಿದ ಪ್ರಧಾನಿ, ಎಲೋನ್ ಮಸ್ಕ್ ಟೆಸ್ಲಾ ಕಾರುಗಳನ್ನು ಭಾರತಕ್ಕೆ ತರುವ ಯೋಚನೆಯನ್ನು ಪ್ರಸ್ತಾಪಿಸಿದ್ದರು. ಅಂತೆಯೇ ಇದೀಗ ಮಸ್ಕ್ ಸಂಸ್ಥೆಯ ಕಾರು ಭಾರತದ ಮುಂಬೈಗೆ ಲಗ್ಗೆಯಿಟ್ಟಿದೆ.

ನೂತನ ಟೆಸ್ಲಾ ಇವಿ ಕಾರು ಭಾರತೀಯ ಮಾರುಕಟ್ಟೆಗೆ ಬಂದಿಳಿದಿದೆ. ಮುಂಬೈನ ಎಕ್ಸ್‌ಪೀರಿಯೆನ್ಸ್ ಸೆಂಟರ್‌ನಲ್ಲಿ ಟೆಸ್ಲಾ ಮಾಡೆಲ್ ವೈ ಕಾರು ಅನಾವರಣಗೊಂಡಿದೆ. ಎಲಾನ್ ಮಸ್ಕ್ ಅವರ ಟೆಸ್ಲಾ ಅಧಿಕೃತವಾಗಿ ಭಾರತೀಯ ಎಲೆಕ್ಟ್ರಿಕ್ ವಾಹನ (ಇವಿ) ಮಾರುಕಟ್ಟೆಯನ್ನು ಪ್ರವೇಶಿಸಿರುವುದು ಸದ್ಯ ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಹೊಸ ಪೈಪೋಟಿಯನ್ನು ಹೆಚ್ಚಿಸಿದೆ. ಇದು ಇತರೆ ಕಾರು ತಯಾರಿಕಾ ಸಂಸ್ಥೆಗಳಿಗೆ ಸವಾಲನ್ನು ತಂದೊಡ್ಡಿದೆ.

ದೆಹಲಿಯಲ್ಲಿರುವ ಅಮೇರಿಕನ್ ಆಟೋಮೋಟಿವ್ ಕಂಪನಿಯ ಹೊಸ ಮಾಡೆಲ್ ಕಾರಿನ ಆನ್-ರೋಡ್ ಬೆಲೆ ಸುಮಾರು 61 ಲಕ್ಷ ರೂ. ಇದೆ. ಇದಲ್ಲದೆ, ಐಓಎಸ್ (iOS) ಟೆಸ್ಲಾ ಅಪ್ಲಿಕೇಶನ್ ಭಾರತ್ ಆಯಪ್ ಸ್ಟೋರ್‌ನಲ್ಲಿಯೂ ಲಭ್ಯವಿದೆ. ಟೆಸ್ಲಾ ಮಾಲೀಕರು ಈ ಅಪ್ಲಿಕೇಶನ್ ಮೂಲಕ ತಮ್ಮ ಟೆಸ್ಲಾ ಇವಿ ಕಾರನ್ನು ನಿಯಂತ್ರಿಸಬಹುದು. ಅವರು ಬ್ಯಾಟರಿ, ಚಾರ್ಜಿಂಗ್ ಮತ್ತು ಟ್ರಿಪ್‌ಗಳನ್ನು ಇದರಲ್ಲಿ ಟ್ರ್ಯಾಕ್ ಮಾಡಬಹುದಾಗಿದೆ.

ಟೆಸ್ಲಾ ಮಾಡೆಲ್ ವೈ ರಿಯರ್-ವೀಲ್ ಡ್ರೈವ್ (RWD) ರೂಪಾಂತರವು ದೇಶೀಯ ಮಾರುಕಟ್ಟೆಯಲ್ಲಿ 59.89 ಲಕ್ಷ ರೂ. (ಎಕ್ಸ್-ಶೋರೂಂ) ಬೆಲೆಯನ್ನು ಹೊಂದಿದೆ. ದೀರ್ಘ-ಶ್ರೇಣಿಯ RWD ಮಾದರಿಯು 67.89 ಲಕ್ಷ ರೂ.ನಿಂದ (ಎಕ್ಸ್-ಶೋರೂಂ) ಪ್ರಾರಂಭವಾಗುತ್ತದೆ. ಕಾರಿನ ಬೆಲೆ ಹೊರತುಪಡಿಸಿ, ಇತರ ಬಣ್ಣ ಆಯ್ಕೆಗಳ ಶುಲ್ಕಗಳು 95,000ರಿಂದ ಪ್ರಾರಂಭವಾಗಿ 1.85 ಲಕ್ಷದವರೆಗೆ ಇರಲಿದೆ.

ಸಂಸ್ಥೆಯ ಪ್ರಕಾರ, ಟೆಸ್ಲಾ ಮಾಡೆಲ್ Y ಸಂಪೂರ್ಣ ಸ್ವಯಂ-ಚಾಲನಾ ಸಾಮರ್ಥ್ಯಗಳನ್ನು (FSD) ಅನ್‌ಲಾಕ್ ಮಾಡಲು 6 ಲಕ್ಷ ರೂ. ವೆಚ್ಚವಾಗುತ್ತದೆ. ಇದರಲ್ಲಿ ನ್ಯಾವಿಗೇಟ್ ಆನ್ ಆಟೋಪೈಲಟ್, ಆಟೋಪಾರ್ಕ್, ಸಮ್ಮನ್, ಟ್ರಾಫಿಕ್ ಮತ್ತು ಸ್ಟಾಪ್ ಸೈನ್ ಕಂಟ್ರೋಲ್‌ನಂತಹ ವೈಶಿಷ್ಟ್ಯಗಳು ಈ ಕಾರಿನಲ್ಲಿವೆ. ಹೊಸ ಟೆಸ್ಲಾ ಎಕ್ಸ್‌ಪೀರಿಯೆನ್ಸ್ ಸೆಂಟರ್ ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ (BKC)ನಲ್ಲಿರುವ ಮೇಕರ್ ಮ್ಯಾಕ್ಸ್‌ಸಿಟಿಯಲ್ಲಿದೆ.

ಇಲ್ಲಿ, ಗ್ರಾಹಕರು ಇವಿ ಕಾರನ್ನು ಪ್ರಯತ್ನಿಸಬಹುದು. ಈ ಕೇಂದ್ರವೂ ಈಗಾಗಲೇ ತೆರೆಯಲಾಗಿದೆ. ಟೆಸ್ಲಾ ಕಾರನ್ನು ಪ್ರಸ್ತುತ ದೆಹಲಿ, ಗುರುಗ್ರಾಮ್ ಮತ್ತು ಮುಂಬೈನಲ್ಲಿ ಖರೀದಿಸಬಹುದು ಮತ್ತು ನೋಂದಾಯಿಸಿಕೊಳ್ಳಬಹುದು.

ಎಲಾನ್ ಮಸ್ಕ್ ಒಡೆತನದ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಟೆಸ್ಲಾ ಮಾಡೆಲ್ Y ಬಿಡುಗಡೆ ಮಾಡಲು ಟೆಸ್ಸಿ ಆಯಪ್ನ ಪರಿಚಯಿಸಲಾಗಿದೆ. ಇದು ಪ್ರಸ್ತುತ iOSನಲ್ಲಿ ಮಾತ್ರ ಲಭ್ಯವಿದೆ. ಈ ಅಪ್ಲಿಕೇಶನ್ ಟೆಸ್ಲಾ ಮಾಲೀಕರಿಗೆ. ಟೆಸ್ಸಿ ಅಪ್ಲಿಕೇಶನ್ ಮೂಲಕ ಬಳಕೆದಾರರು ಪ್ರತಿ ಟ್ರಿಪ್ ಅನ್ನು ಟ್ರ್ಯಾಕ್ ಮಾಡಬಹುದು. ಬ್ಯಾಟರಿಯನ್ನು ಚಾರ್ಜ್ ಮಾಡಬಹುದು. ಇದನ್ನು ಇತರ ಕಾರುಗಳೊಂದಿಗೆ ಹೋಲಿಸಿ ನೋಡಬಹುದು. ಚಾರ್ಜಿಂಗ್ ಸ್ಥಿತಿ ಮತ್ತು ಫ್ಯಾಂಟಮ್ ಡ್ರೈನ್ ಅನ್ನು ಸಹ ಟ್ರ್ಯಾಕ್ ಮಾಡಬಹುದಾಗಿದೆ.

ಆದಾಗ್ಯೂ, ಟೆಸ್ಸಿ ಆಯಪ್ ಚಂದಾದಾರಿಕೆ ಅಗತ್ಯವಿದೆ. ಲೆಗಸಿ ಯೋಜನೆ ತಿಂಗಳಿಗೆ 499 ರೂ.ನಿಂದ ಪ್ರಾರಂಭವಾಗುತ್ತದೆ. ಪ್ರೊ ಯೋಜನೆ ತಿಂಗಳಿಗೆ 1,499 ರೂ.ವರೆಗೆ ಹೋಗಬಹುದು. ಟೆಸ್ಲಾ ಮಾಲೀಕರು ವಾರ್ಷಿಕ ಚಂದಾದಾರಿಕೆ ಅಥವಾ ಜೀವಮಾನದ ಚಂದಾದಾರಿಕೆಯನ್ನೂ ಖರೀದಿಸಬಹುದು