ಇಂದು ಆಕಾಶದಲ್ಲಿ ಕೌತುಕ: ವರ್ಷದ ಮೊದಲ ‘ಬ್ಲಡ್ ಮೂನ್’ ಚಂದ್ರಗ್ರಹಣ; ಭಾರತದಲ್ಲಿ ವೀಕ್ಷಣೆಗೆ ಅವಕಾಶ

ಸೂರ್ಯಗ್ರಹಣಗಳಿಗೆ ಭಿನ್ನವಾಗಿ ಯಾವುದೇ ವಿಶೇಷ ಸಾಧನಗಳಿಲ್ಲದೆ ಚಂದ್ರಗ್ರಹಣವನ್ನು ವೀಕ್ಷಿಸಲು ಸಾಧ್ಯವಿದೆ.
ಇಂದು ಸೂರ್ಯ ಮುಳುಗುತ್ತಿದ್ದಂತೆ, ಭಾರತಾದ್ಯಂತ ವಿಜ್ಞಾನಿಗಳು ಮತ್ತು ಖಗೋಳ ಆಸಕ್ತರು ಆಗಸದತ್ತ ದೃಷ್ಟಿ ನೆಟ್ಟು ನಿಲ್ಲಲಿದ್ದಾರೆ. ಹುಣ್ಣಿಮೆಯ ದಿನ ಸಂಪೂರ್ಣ ಚಂದ್ರಗ್ರಹಣ ಸಂಭವಿಸಲಿದೆ. ಸಾಮಾನ್ಯವಾಗಿ ‘ಬ್ಲಡ್‌ ಮೂನ್ ಎಂದು ಕರೆಯಲಾಗುವ ಈ ಆಗಸ ದೃಶ್ಯವು ಭೂಮಿಯು ಸೂರ್ಯ ಮತ್ತು ಚಂದ್ರನ ನಡುವೆ ಜಾರಿದಾಗ ಸಂಭವಿಸುತ್ತದೆ. ಭೂಮಿಯ ನೆರಳು ಚಂದ್ರನ ಮೇಲೆ ಬೀಳುತ್ತದೆ ಮತ್ತು ದೃಶ್ಯವನ್ನು ಬರಿಗಣ್ಣಿನಲ್ಲಿ ವೀಕ್ಷಿಸಬಹುದಾಗಿದೆ. ಸೂರ್ಯಗ್ರಹಣಗಳಿಗೆ ಭಿನ್ನವಾಗಿ ಯಾವುದೇ ವಿಶೇಷ ಸಾಧನಗಳಿಲ್ಲದೆ ಇದನ್ನು ವೀಕ್ಷಿಸಲು ಸಾಧ್ಯವಿದೆ. ಹೀಗಾಗಿ ಕುಟುಂಬಗಳು ಮತ್ತು ಖಗೋಳ ಉತ್ಸಾಹಿಗಳಿಗೆ ಸೂಕ್ತ ಸಂದರ್ಭವಾಗಿದೆ.

ವರ್ಷದ ಮೊದಲ ಚಂದ್ರಗ್ರಹಣ
ಇದು ವರ್ಷದ ಮೊದಲ ಚಂದ್ರಗ್ರಹಣವಾಗಿದ್ದು, ಸಂಜೆ ಭಾರತದಲ್ಲಿ ಗ್ರಹಣದ ನಂತರದ ಹಂತಗಳನ್ನು ವೀಕ್ಷಿಸುವ ಅವಕಾಶ ದೊರೆಯಲಿದೆ.
ಚಂದ್ರನು ಭೂಮಿಯ ನೆರಳಿನಲ್ಲಿ ಚಲಿಸಿದಾಗ ಚಂದ್ರಗ್ರಹಣ ಸಂಭವಿಸುತ್ತದೆ. ಸಂಪೂರ್ಣ ಸೂರ್ಯನ ಬೆಳಕು ಭೂಮಿಯ ವಾತಾವರಣದ ಮೂಲಕ ಶೋಧಿಸಿ ನೀಲಿ ಬೆಳಕನ್ನು ಹರಡುತ್ತದೆ ಮತ್ತು ಕೆಂಪು ಬಣ್ಣದ ಹೊಳಪನ್ನು ಬಿಡುತ್ತದೆ. ಈ ನಿರ್ದಿಷ್ಟ ಗ್ರಹಣವು 1.155ರ ತೀವ್ರತೆಯನ್ನು ಹೊಂದಿದ್ದು, ಒಂದು ಗಂಟೆಗೂ ಹೆಚ್ಚು ಕಾಲ ಉಳಿಯುವ, ಬಹಳ ಎದ್ದು ಕಾಣುವ ಕೆಂಪು ಬಣ್ಣವನ್ನು ಬಿಡುತ್ತದೆ.

ಚಂದ್ರ ಗ್ರಹಣ ವೀಕ್ಷಿಸುವುದು ಹೇಗೆ?
ಸಮಯ ಬಹಳ ಮುಖ್ಯವಾಗಿರುತ್ತದೆ. ಗ್ರಹಣದ ಭಾಗಶಃ ಹಂತವು ಭಾರತೀಯ ಕಾಲಮಾನ ಮಧ್ಯಾಹ್ನ 3:20ಕ್ಕೆ ಪ್ರಾರಂಭವಾಗುತ್ತದೆ. ಸಂಪೂರ್ಣ ಗ್ರಹಣವು ಸಂಜೆ 4:30ಕ್ಕೆ ಪ್ರಾರಂಭವಾಗಿ ಹೊಸದಿಲ್ಲಿಯಂತಹ ಸ್ಥಳಗಳಲ್ಲಿ ಸಂಜೆ 5:21ರ ಸುಮಾರಿಗೆ ತಲುಪುತ್ತದೆ. ಸಂಜೆ 6.23ರವರೆಗೂ ಇರುತ್ತದೆ. ಸ್ಥಳವನ್ನು ಆಧರಿಸಿ ಚಂದ್ರಗ್ರಹಣ ಗೋಚರವಾಗಲಿದೆ.
ಕೋಲ್ಕತ್ತಾ ಮತ್ತು ಗುವಾಹಟಿಯಂತಹ ಪೂರ್ವ ಪ್ರದೇಶದ ನಗರಗಳಲ್ಲಿ ಚಂದ್ರನು ಮೊದಲೇ ಉದಯಿಸುವ ಕಾರಣದಿಂದ ಒಟ್ಟು ಹಂತದ ಹೆಚ್ಚಿನ ಭಾಗ ನೋಡಲು ಸಿಗುತ್ತದೆ. ಆದರೆ ಪಶ್ಚಿಮದ ಪ್ರದೇಶಗಳು ಅಂತ್ಯವನ್ನು ಮಾತ್ರ ನೋಡಬಹುದು. ಸೂರ್ಯಾಸ್ತದ ನಂತರ ದೇಶದ ಹೆಚ್ಚಿನ ಭಾಗಗಳಲ್ಲಿ ಚಂದ್ರ ಗೋಚರಿಸುತ್ತದೆ. ಚಂದ್ರ ದಿಗಂತದಲ್ಲಿ ಕೆಳಮಟ್ಟದಲ್ಲಿ ಕಾಣಿಸಿಕೊಳ್ಳಲಿದೆ.

ಮೊದಲ ಹಂತವೆಂದರೆ ಪ್ರತಿ ನಗರಗಳು ತಮ್ಮ ಪ್ರದೇಶಗಳ ಸ್ಥಳೀಯ ಚಂದ್ರೋದಯ ಸಮಯ ಪರಿಶೀಲಿಸಬೇಕು. ದಿಲ್ಲಿಗೆ ಇದು ಸಂಜೆ 6 ಗಂಟೆಯ ಸುಮಾರಿಗೆ ಅಂದರೆ ಮುಸ್ಸಂಜೆಯ ಮೊದಲು ಕಾಣಿಸಿಕೊಳ್ಳುತ್ತದೆ.
ಚಂದ್ರಗ್ರಹಣಕ್ಕೆ ಸಿದ್ಧತೆ ಹೇಗೆ ಮಾಡಿಕೊಳ್ಳುವುದು?
ಪೂರ್ಣಚಂದ್ರಗ್ರಹಣಕ್ಕೆ ಮೊದಲು ವೀಕ್ಷಣೆಗೆ ಸಿದ್ಧತೆ ಮಾಡಿಕೊಳ್ಳಿ ನಗರದಲ್ಲಿ ದೀಪಗಳಿಂದ ದೂರವಿರುವ, ಮೇಲ್ಬಾವಣಿ, ಉದ್ಯಾನವನ ಅಥವಾ ಬೆಟ್ಟದ ತುದಿಯಂತಹ ಸ್ಪಷ್ಟ ಪೂರ್ವ ದಿಗಂತ ಕಾಣುವ ಸ್ಥಳ ಹುಡುಕಿ. ಚಂದ್ರನ ಮಾರ್ಗವನ್ನು ಪತ್ತೆ ಮಾಡಲು ಸೈ ಸಫಾರಿ ಅಥವಾ ಸ್ಟೆಲ್ಲೇರಿಯಮ್ನಂತಹ ಅಪ್ಲಿಕೇಶನ್ಗಳನ್ನು ಡೌಗ್ಲೋಡ್ ಮಾಡಬಹುದು. ಬೈನಾಕ್ಯುಲರ್ ಅಥವಾ ದೂರದರ್ಶಕವಿದ್ದರೆ ಕೆಂಪು ಹಂತದಲ್ಲಿ ಕುಳಿಗಳಂತಹ ವಿವರಗಳನ್ನು ಗಮನಿಸಬಹುದು. ನಿಮ್ಮ ಬರಿಗಣ್ಣಿನಿಂದಲೇ ಚಂದ್ರಗ್ರಹಣ ನೋಡಬಹುದು ಎಂದು ನೆನಪಿಟ್ಟುಕೊಳ್ಳಿ. ಹವಾಮಾನ ಮುನ್ಸೂಚನೆ ಗಮನಿಸಿಕೊಳ್ಳಿ. ಒಂದು ಗಂಟೆಯ ಗ್ರಹಣದ ಸಮಯದಲ್ಲಿ ಆಕಾಶ ಸ್ಪಷ್ಟವಾಗಿ ಕಾಣಿಸುತ್ತಿರಬೇಕು.

ಚಂದ್ರಗ್ರಹಣ ಕಣ್ಣಿಗೆ ಹಾನಿಯಲ್ಲ
ಸೂರ್ಯಗ್ರಹಣಗಳಿಗಿಂತ ಭಿನ್ನವಾಗಿ ಚಂದ್ರಗ್ರಹಣಗಳು ನಿಮ್ಮ ಕಣ್ಣುಗಳಿಗೆ ಹಾನಿ ಮಾಡುವುದಿಲ್ಲ. ನೇರವಾಗಿ ದಿಟ್ಟಿಸಿ ನೋಡಬಹುದು ಅಥವಾ ಫೋನ್ನಿಂದ ಫೋಟೋ ತೆಗೆಯಬಹುದು. ವೈಜ್ಞಾನಿಕವಾಗಿ ಚಂದ್ರಗ್ರಹಣ ನೋಡಲು ಸುರಕ್ಷಿತವಾಗಿದೆ. ಯಾವುದೇ ಸುರಕ್ಷಾ ಸಲಕರಣೆಗಳ ಅಗತ್ಯವಿಲ್ಲ.