ಶಾಂಘೈ ಸಹಕಾರ ಶೃಂಗಸಭೆ: ಚೀನಾದಲ್ಲಿ ಮೋದಿ ಪ್ರಯಾಣಕ್ಕೆ ‘ಹಾಂಗ್ಕಿ’ ಕಾರು

ಶಾಂ ಘೈ ಸಹಕಾರ ಶೃಂಗಸಭೆಯ ನಿಮಿತ್ತ ಚೀನಾದ ಟಿಯಾಂಜಿನ್‌ ನಗರಕ್ಕೆ ಭೇಟಿ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಚೀನ ಸರ್ಕಾರವು ಅಧ್ಯಕ್ಷ ಜಿನ್‌ಪಿಂಗ್‌ ಅವರ ನೆಚ್ಚಿನ “ಹಾಂಗ್ಕಿ ‘ ಕಾರನ್ನು ಒದಗಿಸಿದೆ. ಚೀನಾದಲ್ಲೇ ನಿರ್ಮಾಣಗೊಂಡ ಕಾರು ಇದಾಗಿದೆ. “ರೆಡ್‌ ಫ್ಲ್ಯಾಗ್‌’ ಎಂದೂ ಕರೆಯಲ್ಪಡುವ ಹಾಂಗ್ಕಿ ಎಲ್‌5 ಕಾರನ್ನು ಜಿನ್‌ಪಿಂಗ್‌ 2019ರಲ್ಲಿ ಮಹಾಬಲಿಪುರಂಗೆ ಭೇಟಿ ನೀಡಿದ್ದಾಗ ಬಳಸಿದ್ದರು.

ಹಾಂಗ್ಕಿ ಕಾರು ಮೊದಲು ತಯಾರಾದದ್ದು 1958ರಲ್ಲಿ. ಆಗ ಕಮ್ಯುನಿಸ್ಟ್‌ ಪಾರ್ಟಿ ಆಫ್‌ ಚೈನಾದ ಗಣ್ಯರಿಗಾಗಿ ಸರ್ಕಾರಿ ಸ್ವಾಮ್ಯದ ಫಸ್ಟ್‌ ಆಟೋಮೋಟಿವ್‌ ವರ್ಕ್ಸ್ ಇದನ್ನು ಪ್ರಾರಂಭಿಸಿತು. ಇನ್ನು ರಷ್ಯಾ ಅಧ್ಯಕ್ಷ ಪುಟಿನ್‌ ಅವರು ಟಿಯಾಂಜಿನ್‌ ನಗರದಲ್ಲಿ ಚೀನೀ ರಾಜತಾಂತ್ರಿಕ ನೋಂದಣಿ ಫಲಕಗಳನ್ನು ಹೊಂದಿರುವ ತಮ್ಮ ಅಧ್ಯಕ್ಷೀಯ “ಆರಸ್‌’ ಎಂಬ ಐಷಾರಾಮಿ ಕಾರಿನಲ್ಲೇ ಸಂಚರಿಸಲಿದ್ದಾರೆ.