ಪೋಲೀಸರ ಸಮಯ ಪ್ರಜ್ಞೆ ಹಿಂದೂಮಹಾಸಭಾ ಸಲಾಂ

ಮಂಗಳೂರು:ರಾಜೇಶ್ 7 ವರ್ಷಗಳ ಹಿಂದೆ ಬಜ್ಪೆ ಪ್ರದೇಶದ ಯುವತಿಯನ್ನು ಪ್ರೀತಿಸಿ ಮದುವೆಯಾಗಿದ್ದರು, ಆದರೆ ಇತ್ತೀಚೆಗೆ ದಂಪತಿ ನಡುವೆ ಜಗಳಗಳು ಹೆಚ್ಚಾಗಿದ್ದವು.

ರಾಜೇಶ್ ಮೊದಲು ತನ್ನ ಮಗಳೊಂದಿಗೆ ತಣ್ಣೀರುಬಾವಿ ಬೀಚ್‌ಗೆ ಹೋಗಿದ್ದರು. ಅಲ್ಲಿ, ಮಗಳು ಬೇಡಿಕೊಂಡಾಗಲೂ, ಸಮುದ್ರಕ್ಕೆ ಇಳಿಯುವ ಮೊದಲು ತನ್ನ ಅಕ್ಕ ಮತ್ತು ಸಂಬಂಧಿಕರಿಗೆ ತಾನು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ವೀಡಿಯೋ ಮಾಡಿ ಕಳುಹಿಸಿದ್ದರು.

ಈ ವೈರಲ್ ವೀಡಿಯೋ ಸುಳಿವಿನಿಂದ ಕಾರ್ಯಪ್ರವೃತ್ತರಾದ ಪಣಂಬೂರು ಪೊಲೀಸರು ಮೊದಲು ಬೀಚ್‌ನಲ್ಲಿ ಹುಡುಕಾಟ ನಡೆಸಿದರು. ಸುಳಿವು ಸಿಗದೆ ಇದ್ದಾಗ, ಮೊಬೈಲ್ ಲೊಕೇಷನ್ ಪತ್ತೆಹಚ್ಚಿ ಕಾವೂರು ಶಾಂತಿನಗರದ ರಾಜೇಶ್ ಮನೆಗೆ ತೆರಳಿದರು.

ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಯತ್ನಿಸುತ್ತಿದ್ದ ರಾಜೇಶ್‌ರನ್ನು ಪೊಲೀಸರು ಸಿನಿಮೀಯ ರೀತಿಯಲ್ಲಿ ಮನೆ ಬಾಗಿಲು ಮುರಿದು ಒಳನುಗ್ಗಿ ರಕ್ಷಿಸಿದ್ದರು. ತಂದೆ ಮತ್ತು ಮಗಳು ಇಬ್ಬರ ಜೀವವನ್ನು ಉಳಿಸಲಾಗಿತ್ತು.

ಪೊಲೀಸರ ಸೇವಾ ಕಾರ್ಯಕ್ಕೆ ನೆರವಾದ ಪೊಲೀಸರಿಗೆ ಹಿಂದೂ ಮಹಾಸಭಾದಿಂದ ಅಭಿನಂದನೆ ಸಲ್ಲಿಸುವ ಮೂಲಕ ಗೌರವಿಸಲಾಯಿತು.
ಈ ಸಂಧರ್ಬದಲ್ಲಿ ರಾಷ್ಟ್ರೀಯ ನಾಯಕರಾದ ಶ್ರೀ ರಾಜೇಶ್ ಪವಿತ್ರನ್ ರವರ ಉಪಸ್ಥಿತಿಯಲ್ಲಿ, ರಾಜ್ಯಾಧ್ಯಕ್ಷರಾದ ಡಾ. ಎಲ್.ಕೆ. ಸುವರ್ಣ ರವರ ನೇತೃತ್ವದಲ್ಲಿ ಸನ್ಮಾನ ಕಾರ್ಯಕ್ರಮ ನಡೆಯಿತು.

ಕಾರ್ಯಕ್ರಮದಲ್ಲಿ ರಾಜ್ಯ ನಾಯಕರಾದ ಲೋಕೇಶ್ ಉಳ್ಳಾಲ, ಹಿಂದೂ ಮುಖಂಡರಾದ ಪ್ರಮೋದ್ ಉಚಿಲ್ಲ ಮತ್ತು ಇತರರು ಭಾಗವಹಿಸಿದರು.