ಬೆಂಗಳೂರಿಂನಂತೆ ಮೈಸೂರಲ್ಲೂ ಹೊರರಾಜ್ಯದವರ ಅಟ್ಟಹಾಸ

ಬೆಂಗಳೂರು: ಬೆಂಗಳೂರಿನ ಬೈಯ್ಯಪ್ಪನಹಳ್ಳಿಯಲ್ಲಿ ನಡೆದ ರೋಡ್ ರೇಜ್ ಪ್ರಕರಣದಲ್ಲಿ ವಿಂಗ್ ಕಮ್ಯಾಂಡರ್ ಶಿಲಾದಿತ್ಯ ನಡೆದುಕೊಂಡ ರೀತಿಗೆ ಕನ್ನಡಿಗರು ಕೆರಳಿ ಕೆಂಡವಾಗಿದ್ದು, ಈ ಘಟನೆ ತಣ್ಣಗಾಗುವ ಮುನ್ನ ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ಅಂಥದ್ದೇ ಮತ್ತೊಂದು ಪ್ರಕರಣ ಬೆಳಕಿಗೆ ಬಂದಿದೆ.

ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ಹೊರ ರಾಜ್ಯದ ಯುವಕರು ಅನುಚಿತವಾಗಿ ವರ್ತಿಸಿದ್ದು ಸಾವ್ರಜನಿಕರ ಕೆಂಗಣ್ಣಿಗೆ ಗುರಿಯಾಗಿದೆ. ಸುಮಾರು 5-6 ಮಂದಿ ಯುವಕರು ಸಾರ್ವಜನಿಕ ಸ್ಥಳದಲ್ಲಿ ತಮ್ಮ ಬಟ್ಟೆ ಕಳಚಿ ಅನುಚಿತವಾಗಿ ವರ್ತಿಸಿದ್ದಾರೆ. ಇದರಿಂದ ಬೆಟ್ಟಕ್ಕೆ ಬಂದಿದ್ದು ಜನರಿಗೆ ಕಿರಿಕಿರಿಯಾಗಿದೆ.

ಹೀಗಾಗಿ ಯುವಕರ ಈ ದುರ್ವರ್ತನೆ ವಿರುದ್ಧ ಸಾರ್ವಜನಿಕರು ದೂರು ದಾಖಲಿಸಿದ್ದಾರೆ.ಸಾರ್ವಜನಿಕರ ದೂರಿನ ಮೇರೆಗೆ ಚಾಮುಂಡಿಬೆಟ್ಟ ಉಪ ಪೊಲೀಸ್‌ ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಹೊರ ರಾಜ್ಯದ ಯುವಕರನ್ನು ಸದ್ಯ ವಶಕ್ಕೆ ಪಡೆದಿದ್ದಾರೆ.

ಈ ರೀತಿ ಹೊರ ರಾಜ್ಯದಿಂದ ಬಂದು ಧಾರ್ಮಿಕ ಸ್ಥಳದಲ್ಲಿ ಅನುಚಿತವಾಗಿ ವರ್ತಿಸಿದ ಯುವಕರಿಗೆ ಪೊಲೀಸರು ನಯವಾಗಿ ಬುದ್ಧಿ ಹೇಳಿದ್ದು, ಸಾಮಾನ್ಯ ಬಳಿಕ ಪ್ರಕರಣ ದಾಖಲಿಸಿದ್ದಾರೆ.