ಕುಬೇರ: ಧನುಷ್‌ನ ನಟನೆ ಮಿಂಚಿದ್ದು, ರಶ್ಮಿಕಾ ಮಿಡ್ಲ್ ಕ್ಲಾಸ್‌ ಲುಕ್‌ಗೆ ಫ್ಯಾನ್ಸ್ ಫಿದಾ

ನಟಿ ರಶ್ಮಿಕಾ ಮಂದಣ್ಣ ಅವರಂತೂ ಸದ್ಯ ಬಹುಬೇಡಿಕೆಯಲ್ಲಿ ಇರುವ ನಟಿ. ಅವರ ಕೈಯಲ್ಲಿ ಸಿನಿಮಾ ಇಲ್ಲ ಎಂಬ ಸ್ಥಿತಿಯೇ ಇಲ್ಲ. ಇತ್ತೀಚೆಗೆ ರಶ್ಮಿಕಾ ಅಭಿನಯದ ಛಾವಾ, ಸಿಕಂದರ್‌ ಬಾಲಿವುಡ್‌ ಸಿನಿಮಾಗಳು ಬಿಡುಗಡೆಯಾಗಿದ್ದವು. ಇದೀಗ ಧನುಷ್‌, ನಾಗಾರ್ಜುನ ನಟಿಸಿರುವ ಕುಬೇರ ಸಿನಿಮಾದಲ್ಲಿ ರಶ್ಮಿಕಾ ಇದ್ದಾರೆ.

ಕುಬೇರ ಸಿನಿಮಾದ ಟೀಸರ್‌ ರಿಲೀಸ್‌ ಆಗಿದ್ದು, ಚಿತ್ರವು ಜೂನ್‌ ತಿಂಗಳಲ್ಲಿ ರಿಲೀಸ್‌ ಆಗಲಿದೆ. ಕುಬೇರ ಸಿನಿಮಾದ 2 ನಿಮಿಷದ ಟೀಸರ್‌ ರಿಲೀಸ್‌ ಮಾಡಲಾಗಿದ್ದು, ಅದಕ್ಕೆ ಟ್ರಾನ್ಸ್‌ ಆಫ್‌ ಕುಬೇರಾ ಎಂದು ಟೈಟಲ್‌ ಕೊಡಲಾಗಿದೆ. ಟೀಸರ್‌ ನೋಡಿ ಫ್ಯಾನ್ಸ್‌ ಸಖತ್‌ ಖುಷಿಯಾಗಿದ್ದಾರೆ. ಅದರಲ್ಲೂ ಧನುಷ್‌ ನಟನೆ ಬಗ್ಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ. ಸಿನಿಮಾ ನೋಡೋಕೆ ಕಾತರತೆಯಿಂದ ಕಾಯ್ತಿದ್ದೇವೆ ಎಂದು ಹೇಳಿಕೊಳ್ಳುತ್ತಿದ್ದಾರೆ.ನಾಗಾರ್ಜುನ್‌, ಧನುಷ್‌ ಮತ್ತು ರಶ್ಮಿಕಾ ಮೂವರೂ ಕೂಡ ವಿಭಿನ್ನ ಲುಕ್‌ನಲ್ಲಿಯೇ ಕಾಣಿಸಿಕೊಂಡಿದ್ದಾರೆ. ಧನುಷ್‌ ಅವರ ನಟನೆ ನಿಜಕ್ಕೂ ಚೆನ್ನಾಗಿದೆ. ರಶ್ಮಿಕಾ ಈ ಸಿನಿಮಾದಲ್ಲಿ ಚೂಡಿದಾರ್‌ನಲ್ಲಿ..ಮಿಡ್ಲ್‌ ಕ್ಲಾಸ್‌ ಹುಡುಗಿಯ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಮೂವರ ಪಾತ್ರಗಳು ಒಂದಕ್ಕೊಂದು ಸಂಬಂಧ ಇದ್ದಂತೆ ಟೀಸರ್‌ನಲ್ಲಿ ಗೋಚರವಾದರೂ, ಅದೇನೆಂದು ಅರ್ಥವಾಗಲು ಸಿನಿಮಾವನ್ನೇ ನೋಡಬೇಕು. ದೇವಿಪ್ರಸಾದ್‌ ಅವರು ನೀಡಿರುವ ಹಿನ್ನೆಲೆ ಸಂಗೀತವೂ ಸಖತ್‌ ಆಗಿದೆ.

ಧನುಷ್‌ ಪಾತ್ರವೇ ಹೈಲೈಟ್

ಧನುಷ್‌ ಪಾತ್ರ ಮತ್ತು ಅದಕ್ಕೆ ತಕ್ಕ ಅವರ ಅಭಿನಯ ನಿಜಕ್ಕೂ ಟೀಸರ್‌ನ ಹೈಲೈಟ್‌ ಆಗಿದೆ. ಮೊದಲು ಹರಿದ-ಕೊಳೆಯಾದ ಬಟ್ಟೆ ತೊಟ್ಟು ಕಾಣಿಸಿಕೊಳ್ಳುವ ಧನುಷ್‌ ನಂತರ ಬಿಳಿ ಪಂಚೆ-ಶರ್ಟ್‌ ತೊಟ್ಟು ಕಾಣಿಸಿಕೊಳ್ಳುತ್ತಾರೆ. ಯಾರದ್ದೋ ಮೇಲೆ ದ್ವೇಷ ತೀರಿಸಿಕೊಳ್ಳುವವರಂತೆ ಗೋಚರಿಸುತ್ತದೆ. ಅವರ ಮುಖದಲ್ಲಿ ಅಳು-ಕೋಪವನ್ನ ಕಾಣಬಹುದು. ಟೀಸರ್‌ನಲ್ಲಿ ಜಿಮ್‌ ಸರ್ಭ್‌ ಕೂಡ ಕಾಣಿಸಿಕೊಂಡಿದ್ದಾರೆ. ಅವರೊಬ್ಬ ಬ್ಯುಸಿನೆಸ್‌ ಮ್ಯಾನ್‌ ಅನ್ನೋದು ಗೊತ್ತಾಗುತ್ತದೆ. ರಶ್ಮಿಕಾ ಅವರು ಕುಬೇರ ಸಿನಿಮಾದ ಟೀಸರ್‌ನ್ನ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು ʼನಾವು ತುಂಬಾ ಪ್ರೀತಿಯಿಂದ ಮಾಡಿದ ಈ ಪ್ರಯಾಣವನ್ನು ನೀವೆಲ್ಲರೂ ಖಂಡಿತ ನೋಡಬೇಕು. ನಿಮಗೆಲ್ಲರಿಗೂ ಕುಬೇರನ ಜಗತ್ತಿಗೆ ಸ್ವಾಗತ ಎಂದು ಕ್ಯಾಪ್ಷನ್‌ ಬರೆದಿದ್ದಾರೆ.

ಫ್ಯಾನ್ಸ್‌ ಪ್ರತಿಕ್ರಿಯೆ

ಟೀಸರ್‌ ಬಗ್ಗೆ ಅಭಿಮಾನಿಗಳು ಪ್ರತಿಕ್ರಿಯೆ ನೀಡಿದ್ದಾರೆ. ʼಟೀಸರ್‌ನಲ್ಲಿ ಧನುಷ್‌ ಅದ್ಭುತ ನಟನೆ ಕಾಣುತ್ತದೆʼ ಎಂದು ಒಬ್ಬರು ಹೇಳಿಕೊಂಡಿದ್ದಾರೆ. ಇನ್ನೊಬ್ಬರು ಕಮೆಂಟ್‌ ಮಾಡಿ ʼಧನುಷ್‌ ಅವರಿಂದ ಇನ್ನೊಂದು ಅತ್ಯದ್ಭುತ ನಟನೆʼ ಎಂದು ಹೇಳಿದ್ದಾರೆ. ʼಟೀಸರ್‌ ನಿಜಕ್ಕೂ ಪ್ರಾಮಿಸಿಂಗ್‌ ಆಗಿದೆʼ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಒಟ್ನಲ್ಲಿ ಕುಬೇರ ಸಿನಿಮಾವು ಪಾಸಿಟಿವ್‌ ವೈಬ್‌ ಕೊಟ್ಟಿದೆ. ಅದರಲ್ಲೂ ಧನುಷ್‌ ನಟನೆ ಇನ್ನಷ್ಟು ಭರವಸೆ ಹುಟ್ಟಿಸಿದೆ.