ಕೇರಳ: ವಿದ್ಯಾರ್ಥಿಗಳನ್ನು ಡ್ರಗ್​ ಜಾಲದೊಳಗೆ ಸಿಲುಕಿಸುವ ಮಾಫಿಯಾ ಹೊಸ ತಂತ್ರದೊಂದಿಗೆ ಕೇರಳದಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದು ಬೆಳಕಿಗೆ ಬಂದಿದೆ. ಈ ದಂಧೆಯ ಹೆಸರು ‘ಸ್ವೀಟ್​ ಡ್ರಗ್’​.

ಕೇರಳ : ವಿದ್ಯಾರ್ಥಿಗಳನ್ನು ಡ್ರಗ್​ ಜಾಲದೊಳಗೆ ಸಿಲುಕಿಸುವ ಮಾಫಿಯಾ ಹೊಸ ತಂತ್ರದೊಂದಿಗೆ ಕೇರಳದಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದು ಬೆಳಕಿಗೆ ಬಂದಿದೆ. ಈ ದಂಧೆಯ ಹೆಸರು ‘ಸ್ವೀಟ್​ ಡ್ರಗ್’​.

ಇಂತಹ ‘ಗಾಂಜಾ ಸ್ವೀಟ್’​​ಗಳನ್ನು ಕೋಯಿಕ್ಕೋಡ್​ನ ಪೆಟ್ಟಮ್ಮಲ್​ನ ಅಂಗಡಿಯಿಂದ ಅಬಕಾರಿ ಇಲಾಖೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಬುಧವಾರ ಅಬಕಾರಿ ಇಲಾಖೆ ಅಧಿಕಾರಿಗಳು ಓರ್ವನನ್ನು ವಶಕ್ಕೆ ಪಡೆದಿದ್ದಾರೆ. ಆರೋಪಿಯನ್ನು ಉತ್ತರ ಪ್ರದೇಶದ ಆಕಾಶ್​ ಎಂದು ಗುರುತಿಸಲಾಗಿದೆ. ಗಾಂಜಾ ಮಿಶ್ರಿತ 31 ಗಾಂಜಾ ಸ್ವೀಟ್​ಗಳನ್ನು ಈತನಿಂದ ಜಪ್ತಿ ಮಾಡಲಾಗಿದೆ. ಪ್ರತೀ ಗಾಂಜಾ ಸ್ವೀಟ್​ 96 ಗ್ರಾಂ ಇದ್ದು, ಒಂದಕ್ಕೆ 30ರಿಂದ 50 ರೂ ಬೆಲೆಯಲ್ಲಿ ಮಾರಾಟ ಮಾಡಲಾಗುತ್ತಿತ್ತು. ಯಾವುದೇ ಅನುಮಾನ ಮೂಡದಂತೆ ಶಾಲೆ ಮತ್ತು ಕಾಲೇಜಿನ ಹತ್ತಿರದ ಸಣ್ಣ ಅಂಗಡಿಗಳಲ್ಲಿ ಮಾರಾಟ ಮಾಡಲಾಗುತ್ತಿತ್ತು.

ಸ್ವೀಟ್​ನೊಳಗೆ ಗಾಂಜಾ ಮಿಶ್ರಣ ಮಾಡಿದ ಕಾರಣಕ್ಕೆ ಇದು ವಿದ್ಯಾರ್ಥಿಗಳನ್ನು ಆಕರ್ಷಿಸುತ್ತಿತ್ತು. ಹಾಗೆಯೇ ಇತರರೂ ಕೂಡ ಇದರ ಆಕರ್ಷಣೆಗೊಳಗಾಗುತ್ತಿದ್ದರು. ಉತ್ತರಾಖಂಡ್​ನಿಂದ ಈ ಸಿಹಿಯನ್ನು ಕೇರಳಕ್ಕೆ ತರಿಸಲಾಗಿದೆ. ಸಗಟಿನಲ್ಲಿ ಕೇರಳಕ್ಕೆ ತರಿಸಿ, ಅನೇಕ ಚಿಲ್ಲರೆ ಅಂಗಡಿಗಳಲ್ಲಿ ಮಾರಾಟ ಮಾಡಲಾಗುತ್ತಿತ್ತು ಎಂದು ಅಧಿಕಾರಿಗಳು ಹೇಳಿದ್ದಾರೆ.