ಯುದ್ಧದ ಸಮಯದಲ್ಲಿ ಪ್ರತಿ ಭಾರತೀಯರ ಮನೆಯಲ್ಲಿ ಇರಬೇಕಾದ ವಸ್ತುಗಳಿವು

ದೆಹಲಿ:ಪಾಕಿಸ್ತಾನದ ಭಯೋತ್ಪಾದಕ ದಾಳಿಗೆ ಪ್ರತೀಕಾರವಾಗಿ ಭಾರತ ಭಯೋತ್ಪಾದಕ ಶಿಬಿರಗಳ ಮೇಲೆ ವೈಮಾನಿಕ ದಾಳಿ ನಡೆಸಿದೆ. ಭಯೋತ್ಪಾದಕರು ನೆಲೆಸಿದ್ದ ನೆಲೆಗಳನ್ನು ನೆಲಸಮ ಮಾಡಿದೆ. ಏಪ್ರಿಲ್ 22 ರಂದು ನಡೆದ ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ, ಭಾರತ ‘ಆಪರೇಷನ್ ಸಿಂಧೂರ’ ಮೂಲಕ ಸೇಡು ತೀರಿಸಿಕೊಂಡಿದೆ.

ಆಪರೇಷನ್​ ಸಿಂಧೂರ ಬಳಿಕ ಭಾರತ ಮತ್ತು ಪಾಕಿಸ್ತಾನದ ನಡುವೆ ಉದ್ವಿಗ್ನತೆ ಉಂಟಾಗಿದೆ. ಭಾರತೀಯ ನಾಗರಿಕರು, ವಿಶೇಷವಾಗಿ ಗಡಿ ಪ್ರದೇಶಗಳಲ್ಲಿ ವಾಸಿಸುವವರು ಬಹಳ ಜಾಗರೂಕರಾಗಿರಬೇಕಾದ ಸಮಯ ಇದು. ಯಾವುದೇ ಕ್ಷಣದಲ್ಲಿ ಏನಾಗಬಹುದು ಎಂದು ತಿಳಿಯದ ಪರಿಸ್ಥಿತಿ ಎದುರಾಗಿದೆ.

ಗಡಿಗಳಲ್ಲಿ ಸಶಸ್ತ್ರ ಪಡೆಗಳು ಸಿದ್ಧವಾಗಿದ್ದರೂ, ಭಾರತೀಯ ನಾಗರಿಕರು ಯಾವುದೇ ತುರ್ತು ಪರಿಸ್ಥಿತಿಗೆ ಸಿದ್ಧರಾಗಿರಬೇಕು. ಸಂವಹನ, ಸುರಕ್ಷತೆ ಮತ್ತು ಬದುಕುಳಿಯುವಿಕೆಗಾಗಿ ಪ್ರತಿ ಭಾರತೀಯ ಮನೆಯಲ್ಲೂ ಇರಬೇಕಾದ ಕೆಲವು ಗ್ಯಾಜೆಟ್‌ಗಳಿವೆ. ಅದರ ಬಗ್ಗೆ ನಾವೀಗ ವಿವರವಾಗಿ ತಿಳಿದುಕೊಳ್ಳೋಣ.

ಬ್ಯಾಟರಿ ರೇಡಿಯೋ ಅಥವಾ ತುರ್ತು ಕ್ರ್ಯಾಂಕ್ ರೇಡಿಯೋ

ಯುದ್ಧದ ಸಮಯದಲ್ಲಿ ಅಥವಾ ವಿದ್ಯುತ್ ಕಡಿತದ ಸಮಯದಲ್ಲಿ ಮೊಬೈಲ್ ನೆಟ್‌ವರ್ಕ್‌ಗಳು ಮತ್ತು ಇಂಟರ್ನೆಟ್ ಸ್ಥಗಿತಗೊಂಡಾಗ, ಬ್ಯಾಟರಿ ಚಾಲಿತ ಅಥವಾ ಹ್ಯಾಂಡ್-ಕ್ರ್ಯಾಂಕ್ ರೇಡಿಯೋ ನಿಮ್ಮ ಜೀವಸೆಲೆಯಾಗಬಹುದು. ನೀವು ಆಲ್ ಇಂಡಿಯಾ ರೇಡಿಯೋ ಅಥವಾ ಇತರ ತುರ್ತು ಪ್ರಸಾರಗಳ ಮೂಲಕ ಸರ್ಕಾರ ಮತ್ತು ಮಿಲಿಟರಿ ಮೂಲಗಳಿಂದ ನೇರವಾಗಿ ಅಪ್​ಡೇಟ್​ಗಳನ್ನು ಪಡೆಯಬಹುದು. ಹೆಚ್ಚಿನ ಅನುಕೂಲಕ್ಕಾಗಿ, ಸೌರ ಚಾರ್ಜಿಂಗ್, ಫ್ಲ್ಯಾಷ್‌ಲೈಟ್ ಮತ್ತು USB ಬೆಂಬಲವುಳ್ಳ ರೇಡಿಯೋ ಆಧರಿಸಿ.

ಪವರ್​ ಬ್ಯಾಂಕ್​, ಚಾರ್ಜರ್‌ಗಳು

ದಾಳಿಗಳು ಅಥವಾ ನೈಸರ್ಗಿಕ ವಿಕೋಪಗಳ ಸಮಯದಲ್ಲಿ ವಿದ್ಯುತ್ ಕಡಿತವು ಸಾಮಾನ್ಯವಾಗಿದೆ. ಹೆಚ್ಚಿನ ಸಾಮರ್ಥ್ಯದ ಸೋಲಾರ್​ ಪವರ್ ಬ್ಯಾಂಕ್ ನಿಮಗೆ ಫೋನ್‌ಗಳು, ರೇಡಿಯೋಗಳು ಅಥವಾ ಟಾರ್ಚ್‌ಗಳಂತಹ ಪ್ರಮುಖ ಸಾಧನಗಳನ್ನು ಚಾರ್ಜ್ ಮಾಡಲು ಅನುಮತಿಸುತ್ತದೆ. ಮಲ್ಟಿ-ಯುಎಸ್‌ಬಿ ಪೋರ್ಟ್‌ಗಳು ಮತ್ತು ಸ್ಪೀಡ್ ಚಾರ್ಜಿಂಗ್‌ನಂತಹ ವಸ್ತುಗಳನ್ನು ಹತ್ತಿರದಲ್ಲಿ ಇರಿಸಿ.

ಪೋರ್ಟಬಲ್ ವಾಟರ್ ಪ್ಯೂರಿಫೈಯರ್ ಅಥವಾ ಲೈಫ್‌ಸ್ಟ್ರಾ

ತುರ್ತು ಸಂದರ್ಭಗಳಲ್ಲಿ ಶುದ್ಧ ಕುಡಿಯುವ ನೀರಿನ ಪ್ರವೇಶ ಕಷ್ಟವಾಗಬಹುದು. ಲೈಫ್‌ಸ್ಟ್ರಾ ಅಥವಾ ಯಾವುದೇ UV ಆಧಾರಿತ ಶುದ್ಧೀಕರಣ ಯಂತ್ರದಂತಹ ಪೋರ್ಟಬಲ್ ನೀರಿನ ಫಿಲ್ಟರ್ ಅನ್ನು ನಿಮ್ಮ ಮನೆಯಲ್ಲಿ ಇಡಬೇಕು. ನೀರಿನಿಂದ ಹರಡುವ ರೋಗಗಳಿಂದ ನಿಮ್ಮ ಕುಟುಂಬವನ್ನು ನೀವು ಸುರಕ್ಷಿತವಾಗಿರಿಸಿಕೊಳ್ಳಬಹುದು. ನೀರು ಸರಬರಾಜಿನಲ್ಲಿ ಅಡಚಣೆ ಉಂಟಾದಾಗ ಈ ನೀರಿನ ಫಿಲ್ಟರ್ ವಿಶೇಷವಾಗಿ ಉಪಯುಕ್ತವಾಗಿದೆ.

ಎಲ್‌ಇಡಿ ತುರ್ತು ದೀಪಗಳು, ಹೆಡ್‌ಲ್ಯಾಂಪ್‌ಗಳು

ಬಾಂಬ್ ಸ್ಫೋಟಗಳು, ವಿದ್ಯುತ್ ಕಡಿತ ಅಥವಾ ಕರ್ಫ್ಯೂ ಸಮಯದಲ್ಲಿ, ದೀರ್ಘಕಾಲದವರೆಗೆ ವಿದ್ಯುತ್ ಕಡಿತವಾಗಬಹುದು. ನಿಮ್ಮ ಮನೆಯಲ್ಲಿ ಪುನರ್ಭರ್ತಿ ಮಾಡಬಹುದಾದ ಎಲ್‌ಇಡಿ ದೀಪಗಳು ಅಥವಾ ಸೌರಶಕ್ತಿ ಚಾಲಿತ ಲ್ಯಾಂಟರ್ನ್‌ಗಳನ್ನು ಇರಿಸಿ. ಕತ್ತಲೆಯಲ್ಲಿ ನಡೆಯುವಾಗ ಅಥವಾ ಇತರರಿಗೆ ಸಹಾಯ ಮಾಡುವಾಗ ಹೆಡ್‌ಲ್ಯಾಂಪ್‌ಗಳು ತುಂಬಾ ಉಪಯುಕ್ತವಾಗಿವೆ.

ಮನೆಯಲ್ಲಿ ಔಷಧಿಗಳು, ಬ್ಯಾಂಡೇಜ್‌ಗಳು, ಪ್ರಿಸ್ಕ್ರಿಪ್ಷನ್ ಔಷಧಿಗಳು, ಡಿಜಿಟಲ್ ಥರ್ಮಾಮೀಟರ್, ಪಲ್ಸ್ ಆಕ್ಸಿಮೀಟರ್‌ನಂತಹ ಗ್ಯಾಜೆಟ್‌ಗಳೊಂದಿಗೆ ಸಂಪೂರ್ಣ ಪ್ರಥಮ ಚಿಕಿತ್ಸಾ ಕಿಟ್ ಅನ್ನು ಇಟ್ಟುಕೊಳ್ಳುವುದು ಅತ್ಯಗತ್ಯ. ಯುದ್ಧದ ಸಮಯದಲ್ಲಿ, ಆಸ್ಪತ್ರೆಗಳಿಗೆ ಹೋಗದೆ ಮನೆಯಲ್ಲಿ ಮೂಲಭೂತ ಆರೋಗ್ಯ ಸಮಸ್ಯೆಗಳನ್ನು ನಿವಾರಿಸಲು ಅವು ಉಪಯುಕ್ತವಾಗಬಹುದು.

26 ಜೀವಗಳನ್ನು ಬಲಿತೆಗೆದುಕೊಂಡ ವಿನಾಶಕಾರಿ ಪಹಲ್ಗಾಮ್ ಭಯೋತ್ಪಾದಕ ದಾಳಿಯು ರಾಷ್ಟ್ರವನ್ನು ಬೆಚ್ಚಿಬೀಳಿಸಿತು. ಪಾಕ್​ ಬೆಂಬಲಿತ ಉಗ್ರದ ದಾಳಿಗೆ ಪ್ರತೀಕಾರವಾಗಿ, ಭಾರತ ಆಪರೇಷನ್ ಸಿಂಧೂರ್ ಅನ್ನು ಪ್ರಾರಂಭಿಸಿತು. ಪಾಕಿಸ್ತಾನವು ಪಿಒಜೆಕೆಯಲ್ಲಿನ 9 ಪ್ರಮುಖ ಭಯೋತ್ಪಾದಕ ಶಿಬಿರಗಳ ಮೇಲೆ ದಾಳಿ ಮಾಡಿದ್ದು, 80ಕ್ಕೂ ಅಧಿಕ ಉಗ್ರರನ್ನು ಉಡೀಸ್​ ಮಾಡಿದೆ.

ಗಡಿಯಲ್ಲಿ ಉದ್ವಿಗ್ನತೆ ಹೆಚ್ಚುತ್ತಿರುವಂತೆ, ಭಾರತೀಯ ಕುಟುಂಬಗಳು ಹೆಚ್ಚಿನ ಜಾಗರೂಕರಾಗಿರಬೇಕು. ಸಂವಹನ ಕಡಿತ, ಕರ್ಫ್ಯೂ ಮತ್ತು ವಿದ್ಯುತ್ ಕಡಿತದ ವಿರುದ್ಧ ಪ್ರತಿಯೊಂದು ಕುಟುಂಬವೂ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕಿದೆ