ಇತಿಹಾಸ ಸೃಷ್ಟಿಸಿದ ಇಸ್ರೋ: 4,410 ಕೆ.ಜಿ. ತೂಕದ ಅತಿ ಭಾರದ ಸಂವಹನ ಉಪಗ್ರಹ CMS-03 ಯಶಸ್ವಿಯಾಗಿ ಕಕ್ಷೆಗೆ!

ನವದೆಹಲಿ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಭಾನುವಾರ ಭಾರತದ ನೆಲದಿಂದ ಅತ್ಯಂತ ಭಾರವಾದ ಸಂವಹನ ಉಪಗ್ರಹವನ್ನು ಉಡಾವಣೆ ಮಾಡಿದ್ದು, ಸಿಎಂಎಸ್ -03 ಸಂವಹನ ಉಪಗ್ರಹವನ್ನು ಯಶಸ್ವಿಯಾಗಿ ಕಕ್ಷೆಯಲ್ಲಿ ಇರಿಸಲಾಗಿದೆ

4,410 ಕೆಜಿ ತೂಕದ ಈ ಉಪಗ್ರಹವು ಹೊಸ ತಲೆಮಾರಿನ ಎಲ್ವಿಎಂ 3-ಎಂ5 ‘ಬಾಹುಬಲಿ’ ರಾಕೆಟ್ನಲ್ಲಿ ಹಾರಾಟ ನಡೆಸಿತು.

ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಸಂಜೆ 5:26 ಕ್ಕೆ ಉಡಾವಣೆ ನಡೆಯಿತು.

ಇಸ್ರೋ ‘ಬಾಹುಬಲಿ’ ಉಡಾವಣೆ: ಟಾಪ್ ಪಾಯಿಂಟ್ಸ್

ಸಂವಹನ ಉಪಗ್ರಹ ಸಿಎಂಎಸ್ -03 ಅನ್ನು ಎಲ್ವಿಎಂ 3-ಎಂ5 ರಾಕೆಟ್ ನಲ್ಲಿ ಹಾರಿಸಲಾಯಿತು. ಇಸ್ರೋ ಪ್ರಕಾರ, ಸಿಎಂಎಸ್ -03 ಮಲ್ಟಿ-ಬ್ಯಾಂಡ್ ಸಂವಹನ ಉಪಗ್ರಹವಾಗಿದ್ದು, ಭಾರತೀಯ ಭೂಪ್ರದೇಶ ಸೇರಿದಂತೆ ವಿಶಾಲ ಸಾಗರ ಪ್ರದೇಶದಲ್ಲಿ ಸೇವೆಗಳನ್ನು ಒದಗಿಸುತ್ತದೆ.

ಉಡಾವಣಾ ವಾಹನವು ಸಂವಹನ ಉಪಗ್ರಹವನ್ನು ಅಗತ್ಯ ಕಕ್ಷೆಗೆ ಯಶಸ್ವಿಯಾಗಿ ಇಟ್ಟಿದೆ ಎಂದು ಇಸ್ರೋ ಅಧ್ಯಕ್ಷ ವಿ ನಾರಾಯಣನ್ ಹೇಳಿದರು. ರಾಕೆಟ್ ನ ಹಿಂದಿನ ಉಡಾವಣೆಯು “ಅತ್ಯಂತ ಪ್ರತಿಷ್ಠಿತ ಚಂದ್ರಯಾನ 3 ಆಗಿದ್ದು, ಇದು ರಾಷ್ಟ್ರಕ್ಕೆ ಹೆಮ್ಮೆ ತಂದಿದೆ” ಎಂದು ಅವರು ನೆನಪಿಸಿಕೊಂಡರು. ಭಾನುವಾರ ಭಾರವಾದ ಉಪಗ್ರಹದೊಂದಿಗೆ ಯಶಸ್ವಿಯಾದ ನಂತರ ರಾಕೆಟ್ “ಮತ್ತೊಂದು ಹೆಮ್ಮೆಯನ್ನು” ಸಾಧಿಸಿದೆ ಎಂದು ಅವರು ಹೇಳಿದರು.

ಭಾರೀ ಉಡಾವಣಾ ಸಾಮರ್ಥ್ಯದ ಕಾರಣದಿಂದಾಗಿ ‘ಬಾಹುಬಲಿ’ ಎಂದು ಕರೆಯಲ್ಪಡುವ ಎಲ್ವಿಎಂ3-ಎಂ5 ಮೂರು ಹಂತದ ಉಡಾವಣಾ ವಾಹನವಾಗಿದೆ