ಇವಿಯಾಗಿ ಬರುತ್ತಾ ರಾಯಲ್ ಎನ್‌ಫೀಲ್ಡ್! ಫ್ಲೈಯಿಂಗ್ ಫ್ಲಿ C6 ಪರಿಚಯ

ಇವಿ ವಿಭಾಗದಲ್ಲಿ ನೀವು ಗಣನೀಯ ವಾಹನಗಳನ್ನು ಕಾಣಬಹುದಾಗಿದೆ. ಅದರಲ್ಲೂ ಭಾರತಕ್ಕೆ ಇವು ಈ ಸಮಯದಲ್ಲಿ ಅತ್ಯಂತ ಅಗತ್ಯವಾದ ವಾಹನವಾಗಿದ್ದು, ಈ ಮೊದಲು ಸ್ಕೂಟರ್‌ಗಳನ್ನು ಮಾತ್ರ ಇವಿ ವೇರಿಯಂಟ್‌ ನಲ್ಲಿ ಪರಿಚಯಿಸಲಾಗುತ್ತಿತ್ತು.

ಆದರೆ ಈಗ ಪ್ರಮುಖ ಹಾಗೂ ರಸ್ತೆಯಲ್ಲಿ ಧೂಳೆಬ್ಬಿಸಿದ್ದ ಬೈಕ್‌ಗಳು ಇನ್ಮುಂದೆ ಇವಿ ವೇರಿಯಂಟ್‌ ಆಯ್ಕೆಯಲ್ಲಿ ಬರ್ತಾ ಇವೆ. ಹೌದು,ರಾಯಲ್ ಎನ್‌ಫೀಲ್ಡ್ ತನ್ನ ಮೊದಲ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್, ಫ್ಲೈಯಿಂಗ್ ಫ್ಲೀ C6 ಅನ್ನು EICMA 2024 ರಲ್ಲಿ ಅನಾವರಣಗೊಳಿಸಿದೆ. ಈಗ ಬ್ರ್ಯಾಂಡ್ ಬೈಕ್‌ನ ಬಿಡುಗಡೆ ಸಮಯವನ್ನು ದೃಢಪಡಿಸಿದ್ದು, ಯುವಕರು ಸಂಸತ ಹೊರಹಾಕುತ್ತಿದ್ದಾರೆ, ಅಲ್ಲದೆ ಬಹಳ ಕುತೂಹಲದಿಂದ ಇದ್ದಾರೆ. ರಾಯಲ್ ಎನ್‌ಫೀಲ್ಡ್ ತನ್ನ ಮೊದಲ ಎಲೆಕ್ಟ್ರಿಕ್ ಬೈಕ್ ಫ್ಲೈಯಿಂಗ್ ಫ್ಲೀ C6 (Royal Enfield Electric Bike Flying Flea C6) ಅನ್ನು 2026 ರ ಆರಂಭಿಕ ತಿಂಗಳುಗಳಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡುವುದಾಗಿ ತಿಳಿಸಲಾಗಿದೆ. ತನ್ನ ಎಲ್ಲಾ ಎಲೆಕ್ಟ್ರಿಕ್ ಬೈಕ್‌ಗಳನ್ನು ‘ಫ್ಲೈಯಿಂಗ್ ಫ್ಲೀ’ ಬ್ರ್ಯಾಂಡಿಂಗ್ ಅಡಿಯಲ್ಲಿ ಮಾರಾಟ ಮಾಡಲಾಗುವುದು ಎಂದು ಬ್ರ್ಯಾಂಡ್ ಈ ಹಿಂದೆ ಘೋಷಣೆ ಮಾಡಿತ್ತು. ಮತ್ತೊಂದು ಎಲೆಕ್ಟ್ರಿಕ್ ಬೈಕ್, ಫ್ಲೈಯಿಂಗ್ ಫ್ಲೀ S6, ಶೀಘ್ರದಲ್ಲೇ ರಾಯಲ್ ಎನ್‌ಫೀಲ್ಡ್‌ನ ಎಲೆಕ್ಟ್ರಿಕ್ ಲೈನ್‌ಅಪ್‌ಗೆ ಸೇರಲಿದೆ.

ಫ್ಲೈಯಿಂಗ್ ಫ್ಲಿಯಾ C6 ವೈಶಿಷ್ಟ್ಯಗಳು

ಇನ್ನು ಈ ರಾಯಲ್ ಎನ್‌ಫೀಲ್ಡ್ ಫ್ಲೈಯಿಂಗ್ ಫ್ಲಿಯಾ C6 ನ ವೈಶಿಷ್ಟ್ಯಗಳ ಕುರಿತು ಯಾವುದೇ ವಿವರಗಳನ್ನು ಅಧಿಕೃತವಾಗಿ ಒದಗಿಸಿಲ್ಲ, ಆದಾಗ್ಯೂ, ಕ್ರೂಸರ್ ಬೈಕ್ ತಯಾರಕರು ದೃಢಪಡಿಸಿದ ಕೆಲವು ವೈಶಿಷ್ಟ್ಯಗಳಿವೆ. ಇವುಗಳಲ್ಲಿ ಕಾರ್ನರಿಂಗ್ ಎಇಎಸ್‌, ಕ್ರೂಸ್ ಕಂಟ್ರೋಲ್, ಟ್ರಾಕ್ಷನ್ ಕಂಟ್ರೋಲ್, ಜೊತೆಗೆ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಎಲ್ಲಾ ಎಲ್‌ಇಡಿ ಲೈಟಿಂಗ್‌ನಂತಹ ಸಮಗ್ರ ತಾಂತ್ರಿಕ ಫೀಚರ್ಸ್‌ ಅನ್ನು ಇದರಲ್ಲಿ ಕಾಣಬಹುದು ಎನ್ನಲಾಗಿದೆ.

ಫ್ಲೈಯಿಂಗ್ ಫ್ಲಿಯಾ C6 ಬ್ಯಾಟರಿ ಮತ್ತು ರೆಂಜ್‌

ಫ್ಲೈಯಿಂಗ್ ಫ್ಲಿಯಾ C6 ಬೈಕ್ ಅನ್ನು ನಗರ ಚಲನಶೀಲತೆಗಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ ಎಂದು ತಿಳಿದುಬಂದಿದೆ. ಆದ್ದರಿಂದ ಈ ಬೈಕ್ ಹಗುರವಾಗಿರುತ್ತದೆ ಎಂದು ಊಹಿಸಬಹುದು. ಬ್ರ್ಯಾಂಡ್ ಈ ಬೈಕ್‌ನ VCU (ವಾಹನ ನಿಯಂತ್ರಣ ಘಟಕ) ಅನ್ನು ಸ್ವತಃ ಅಭಿವೃದ್ಧಿಪಡಿಸಿದೆ ಮತ್ತು ಇದು ವಾಹನದ ಸವಾರಿ ಅನುಭವ, ಬ್ರೇಕಿಂಗ್ ಮತ್ತು ಪುನರುತ್ಪಾದನೆಯನ್ನು ಸುಧಾರಿಸುತ್ತದೆ ಎಂದು ಹೇಳಲಾಗಿದೆ. ಬ್ಯಾಟರಿ ಮತ್ತು ಮೋಟಾರ್ ಬಗ್ಗೆ ಬ್ರ್ಯಾಂಡ್ ಇನ್ನೂ ಅಧಿಕೃತವಾಗಿ ಏನನ್ನೂ ಹೇಳಿಲ್ಲವಾದರೂ, ಫ್ಲೈಯಿಂಗ್ ಫ್ಲಿಯಾ C6 ಮಧ್ಯಮ ಗಾತ್ರದ ಬ್ಯಾಟರಿಯನ್ನು ಹೊಂದಿರುತ್ತದೆ ಮತ್ತು ಅತ್ಯುತ್ತಮ ರೇಂಜ್‌ ಅನ್ನು ನೀಡಲಿದೆ ಎಂದು ನಿರೀಕ್ಷಿಸಲಾಗಿದೆ

ಹೀರೋ ಸ್ಪ್ಲೆಂಡರ್ ಇವಿ ಬೈಕ್

ಈ ನಡುವೆ ಮುಂದಿನ ವರ್ಷ ಮತ್ತೊಂದು ಆಕರ್ಚಷಕ ಹಾಗೂ ಬಹುಬೇಡಿಕೆ ಇರುವ ಹೀರೋ ಸ್ಪ್ಲೆಂಡರ್ ಇವಿ ಬೈಕ್ ಸಹ ಅನಾವಣರ ಆಗಲಿದೆ ಎಂಬ ಮಾಹಿತಿ ಇದೆ. ಈ ಬೈಕ್‌ ಸುಮಾರು ಇನ್ನೂರು ಕಿ. ಮೀ ರೇಂಜ್‌ ನೀಡಲಿದೆ ಎಂಬ ಮಾಹಿತಿ ಇದೆ. ಆದರೆ ಹೀರೋ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ತಿಳಿಸಿಲ್ಲ.