ಹಗಲಿನಲ್ಲಿ ಮನೆಯೊಳಗೆ, ರಾತ್ರಿ ಮಾತ್ರ ಹೊರಗೆ: ಚರ್ಮ ಕರಗಿಸುವ ರೋಗದಿಂದ ಬಾಧೆಗೊಳಗಾದ ಗ್ರಾಮ

ಎಲ್ಲರೂ ಆರೋಗ್ಯಕರ ಮತ್ತು ಸುಂದರ ಚರ್ಮವನ್ನು ಬಯಸುತ್ತಾರೆ. ಪೌಷ್ಟಿಕ ಆಹಾರ ಸೇವನೆಯಿಂದ ಹಿಡಿದು, ಚರ್ಮದ ಚಿಕಿತ್ಸೆ, ಫೇಸ್ ಪ್ಯಾಕ್‌ಗಳ ಬಳಕೆಯವರೆಗೆ, ಜನರು ತಮ್ಮ ಚರ್ಮವನ್ನು ಕಾಪಾಡಿಕೊಳ್ಳಲು ಶ್ರಮಿಸುತ್ತಾರೆ. ಯಾಕೆಂದರೆ ಯಾರೂ ಕೆಟ್ಟದಾಗಿ ಕಾಣಲು ಬಯಸುವುದಿಲ್ಲ.

ಸೌಂದರ್ಯವು ಎಲ್ಲರಿಗೂ ಮುಖ್ಯವಾಗಿದೆ. ಆದರೆ ಈ ಜಗತ್ತಿನ ಒಂದು ಸ್ಥಳದಲ್ಲಿ, ಜನರ ಚರ್ಮವು ಬಿಸಿಲಿಗೆ ಹೆಜ್ಜೆ ಹಾಕಿದ ತಕ್ಷಣ ಕರಗಲು ಪ್ರಾರಂಭಿಸುತ್ತದೆ ಎಂದರೆ ನಂಬುತ್ತೀರಾ?

ಹೌದು, ಬ್ರೆಜಿಲ್‌ನ ಸಾವೊ ಪಾಲೊದ ಅರಾರಸ್ ಎಂಬ ಗ್ರಾಮದಲ್ಲಿ ಜನರು ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಇಲ್ಲಿನ ಜನರು ಬಿಸಿಲಿನಲ್ಲಿ ಹೊರಗೆ ಹೋಗುವುದಿಲ್ಲ. ಬದಲಿಗೆ, ಅವರು ರಾತ್ರಿಯಾಗುವವರೆಗೆ ಕಾಯುತ್ತಾರೆ. ರಾತ್ರಿಯ ಬದಲು ಹಗಲಿನಲ್ಲಿ ಹೊರಗೆ ಹೋದರೆ, ಅವರ ಚರ್ಮವು ಕರಗಲು ಪ್ರಾರಂಭಿಸುತ್ತದೆ, ಇದರಿಂದ ಅವರು ಚರ್ಮ ಸುಟ್ಟು ಕುರೂಪಿಯಾಗಲು ಪ್ರಾರಂಭಿಸುತ್ತಾರೆ.

ಎಕ್ಸೋಡರ್ಮಾ ಪಿಗ್ಮೆಂಟೋಸಮ್ ವಿಚಿತ್ರ ಕಾಯಿಲೆ:

ಈ ಗ್ರಾಮದ ಜನರಲ್ಲಿ ಕಂಡುಬರುವ ಈ ರೋಗವನ್ನು ಎಕ್ಸೋಡರ್ಮಾ ಪಿಗ್ಮೆಂಟೋಸಮ್ (XP) ಎಂದು ಕರೆಯಲಾಗುತ್ತದೆ. ಈ ವಿಚಿತ್ರ ಕಾಯಿಲೆಯಿಂದ ಸುಮಾರು ಒಂದು ಡಜನ್ ಜನರು ಬಳಲುತ್ತಿದ್ದಾರೆ. XP ರೋಗಿಗಳ ಚರ್ಮವು ಸೂರ್ಯನ ನೇರಳಾತೀತ (UV) ಕಿರಣಗಳಿಗೆ ಒಡ್ಡಿಕೊಂಡಾಗ ಕರಗಲು ಆರಂಭಿಸುತ್ತದೆ, ಮತ್ತು ಒಮ್ಮೆ ಕರಗಿದ ಚರ್ಮವು ಮತ್ತೆ ಬೆಳೆಯುವುದಿಲ್ಲ. ಇದರಿಂದಾಗಿ, ಇಲ್ಲಿನ ಜನರ ಮುಖಗಳು ಸುಟ್ಟುಹೋದಂತೆ ಕಾಣುತ್ತವೆ, ಇದು ನೋಡುಗರಿಗೆ ಭಯವನ್ನುಂಟುಮಾಡುತ್ತೆ.

ಎಕ್ಸೋಡರ್ಮಾ ಪಿಗ್ಮೆಂಟೋಸಮ್ ಅನುವಂಶಿಕ?
ಈ ರೋಗವು ಆನುವಂಶಿಕವಾಗಿದೆ ಎಂದು ತಜ್ಞರು ನಂಬುತ್ತಾರೆ. ಅರಾರಸ್ ಗ್ರಾಮದಲ್ಲಿ ಕೃಷಿಯೇ ಹೆಚ್ಚಿನ ಜನರ ಜೀವನಾಧಾರವಾಗಿದೆ. ಆದರೆ, ಬಿಸಿಲಿನಲ್ಲಿ ಕೆಲಸ ಮಾಡುವುದು ತಪ್ಪಿಸಲಾಗದ ಸಂದರ್ಭದಲ್ಲಿ, ಅವರ ಚರ್ಮವು ಗಂಭೀರವಾಗಿ ಹಾನಿಗೊಳಗಾಗುತ್ತದೆ. ಕ್ರಮೇಣ, ಈ ರೋಗವು ಚರ್ಮದ ಕ್ಯಾನ್ಸರ್‌ನಂತಹ ಗಂಭೀರ ಸ್ಥಿತಿಗೆ ಕಾರಣವಾಗಬಹುದು.
ಈ ರೋಗದಿಂದ ಬಳಲುವ ಜನರಿಗೆ ಸೂರ್ಯನ ಬೆಳಕನ್ನು ಸಂಪೂರ್ಣವಾಗಿ ತಪ್ಪಿಸುವುದು ಏಕೈಕ ರಕ್ಷಣೆಯಾಗಿದೆ. ಆದರೆ, ಕೃಷಿಕರಿಗೆ ಇದು ಸಾಧ್ಯವಾಗದಿರುವುದರಿಂದ, ಅವರ ಜೀವನವು ಸವಾಲುಗಳಿಂದ ಕೂಡಿದೆ.