“ಕನ್ನಡಿಗರಲ್ಲಿ ಟೊಮೇಟೊ ಕೊಳ್ಳಲು ಗತಿ ಇರೋಲ್ಲ” ಎಂದು ನಿಂದನೆ ಮಾಡಿದ ಹಿಂದಿವಾಲಾ

ಬೆಂಗಳೂರು: ಶೇಕಡಾ 70 ರಷ್ಟು ಹಿಂದಿ ಜನರು ಕರ್ನಾಟಕವನ್ನು ತೊರೆದರೆ, ಟೊಮೆಟೊ ಖರೀದಿಸಲು ನಿಮ್ಮ ಬಳಿ 10 ರೂಪಾಯಿ ಇರುವುದಿಲ್ಲ. ನೀವು ತುಂಬಾ ನಾಟೊಂಕಿ ಜನ, ಕನ್ನಡ ಸೂಪರ್‌ಸ್ಟಾರ್ ಅಂತೀರಿಯೆಂದು ಅನ್ಯರಾಜ್ಯದ ಗ್ರಾಹಕನೊಬ್ಬ ಡೆಲಿವರಿ ಬಾಯ್‌ನೊಂದಿಗೆ ವಾಗ್ವಾದಕ್ಕಿಳಿದ ಘಟನೆ ನಡೆದಿದ್ದು, ಸದ್ಯ ಆತನನ್ನು ಬೇಗೂರು ಪೊಲೀಸರು ಬಂಧಿಸಿದ್ದಾರೆ.

ಕನ್ನಡಿಗರು, ಕನ್ನಡ ಮತ್ತು ಆಹಾರವನ್ನು ನಿಂದಿಸಿದ ತ್ರಿಪುರ ಮೂಲದ 37 ವರ್ಷದ ತ್ರಿಪುರ ಮೂಲದ ಮಸಾಜ್ ಥೆರಪಿಸ್ಟ್ ಮಿಥುನ್ ಸರ್ಕಾರ್‌ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ಆರೋಪಿ ಬೇಗೂರು ಮುಖ್ಯ ರಸ್ತೆಯ ಹೊಂಗಸಂದ್ರದ ನಿವಾಸಿ ಎಂದು ತಿಳಿದುಬಂದಿದ್ದು, ಕಳೆದ ಒಂಬತ್ತು ವರ್ಷಗಳಿಂದ ಸಲೂನ್ ಮತ್ತು ಸ್ಪಾದಲ್ಲಿ ಮಸಾಜ್ ಥೆರಪಿಸ್ಟ್ ಆಗಿ ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಕನ್ನಡ ಸೂಪರ್‌ ಸ್ಟಾರ್‌ ಅಂತೆ

ಮಸಾಜ್‌ ಥೆರಪಿಸ್ಟ್‌ ಆಗಿರುವ ಮಿಥುನ್‌ನನ್ನು ಡೆಲಿವರಿ ಎಕ್ಸಿಕ್ಯೂಟಿವ್‌ ರಂಜಿತ್‌ ಎಂಬುವವರು ನೀಡಿದ ದೂರು ಆಧರಿಸಿ ಮಿಥುನ್‌ನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಿಥುನ್‌, ಆನ್‌ಲೈನ್‌ನಲ್ಲಿಖರೀದಿಸಿದ್ದ ಟೀ ಶರ್ಟ್‌ ಕೊಡಲು ರಂಜಿತ್‌ ಜುಲೈ 17ರಂದು ರಾತ್ರಿ ಆತನ ಮನೆ ಬಳಿ ಹೋಗಿದ್ದರು. ಆಗ ವಿನಾಕಾರಣ ಕನ್ನಡದ ವಿಚಾರವಾಗಿ ಮಾತು ಆರಂಭಿಸಿದ್ದ ಮಿಥುನ್‌, ”ಶೇ.70ರಷ್ಟು ಹಿಂದಿ ಭಾಷಿಕರು ಕರ್ನಾಟಕದಲ್ಲಿದ್ದೇವೆ. ನಿಮ್ಮದು ಅತಿಯಾಗಿದೆ. ನಾವು ಇಲ್ಲಿಂದ ಹೋದರೆ ಕನ್ನಡದವರಿಗೆ ಟೊಮೆಟೊ ಖರೀದಿಸುವುದಕ್ಕೂ 10 ರೂ. ಇರುವುದಿಲ್ಲ. ನಾವು ಬೆಂಗಾಳಿಗಳು ಮಾಡುವ ಊಟವನ್ನು ನೀವು ಕನ್ನಡಿಗರು ಕಲ್ಪಿಸಿಕೊಳ್ಳಲೂ ಆಗುವುದಿಲ್ಲ. ನೀವು ರಾಗಿ ಮುದ್ದೆ, ಇಡ್ಲಿ, ದೋಸೆ, ವಾರದಲ್ಲೊಮ್ಮೆ ಚಿಕನ್‌ ತಿನ್ನುತ್ತೀರಿ,” ಎಂದು ರಂಜಿತ್‌ಗೆ ನಿಂದಿಸಿದ್ದ.

ಅದೇ ರೀತಿ ಮಿಥುನ್‌ ಸರ್ಕಾರ್‌ಗೆ ಕರೆ ಮಾಡಿ, ಸರಿಯಾದ ವಿಳಾಸವನ್ನು ಕೇಳಿದರು. 9.30ಕ್ಕೆ ಸರ್ಕಾರ್ ನನ್ನ ಕರೆಯನ್ನು ಸ್ವೀಕರಿಸಿದರು. ಮೊದಲಿಗೆ ರಂಜಿತ್‌ ಫುಡ್‌ ಆರ್ಡರ್‌ ಡೆಲಿವರಿ ಬಗ್ಗೆ ಮಾತನಾಡಿ, ಪಾರ್ಸೆಲ್ ತಲುಪಿಸಬೇಕಾದ ನಿಮ್ಮ ಮನೆಯ ನಿಖರವಾದ ಸ್ಥಳವನ್ನು ಹಂಚಿಕೊಳ್ಳಲು ಕೇಳಿದ್ದಾರೆ. ಕನ್ನಡ ಬರೋದಿಲ್ಲ. ಹಿಂದಿಯಲ್ಲಿ ಮಾತನಾಡಿ ಎಂದಿದ್ದಾರೆ. ಆ ನಂತರ ಹಿಂದಿಯಲ್ಲಿ ಮಾತನಾಡಿದರೂ ಸಹ ಕನ್ನಡದಲ್ಲಿ ಮಾತನಾಡಿದ್ದಕ್ಕೆ ರಂಜಿತ್‌ರನ್ನು ಬೈಯಲು ಪ್ರಾರಂಭಿಸಿದ್ದಾರೆ.
ನಾವು ಬಂಗಾಳಿ ಜನ ನಿಮ್‌ಹಾಗಲ್ಲ

‘ʻನನ್ನ ಮಾತನ್ನು ರೆಕಾರ್ಡ್‌ ಮಾಡಿಕೋ, ನನ್ನ ಫೋನ್‌ ನಂಬರ್‌ ತೆಗೆದುಕೋ, ಹೊಂಗಸಂದ್ರ ನನ್ನ ಮನೆ ವಿಳಾಸ. ನೀನು ಬಂದು ಭೇಟಿಯಾಗಿ ನಾನು ಬುಕ್‌ ಮಾಡುವ ಆರ್ಡರ್‌ ಕೊಟ್ಟು ಹೋಗು. ಹೊರಗಿನಿಂದ ಬಂದು ಇಲ್ಲಿಕೆಲಸ ಮಾಡುತ್ತಿದ್ದೇವೆ ಎಂದು ನೀವೆಲ್ಲಾ ನಮ್ಮನ್ನು ಹೆದರಿಸುತ್ತೀರಿ. ನೀನು ನನಗೆ ಹೆದರಿಸುತ್ತೀಯಾ,ʼ ಎಂದು ಮಿಥುನ್‌, ರಂಜಿತ್‌ಗೆ ಬೆದರಿಕೆ ಹಾಕಿದ್ದ. ಆಗ ರಂಜಿತ್‌, ʻಸರ್‌ ನಿಮ್ಮ ಮಾತು ರೆಕಾರ್ಡ್‌ ಆಗುತ್ತಿದೆ,ʼ ಎಂದಿದ್ದ. ಇದರಿಂದ ಕೆರಳಿದ ಮಿಥುನ್‌, ಕರ್ನಾಟಕ ಮತ್ತು ಕನ್ನಡಿಗರ ಬಗ್ಗೆ ಅವಾಚ್ಯವಾಗಿ ಮಾತನಾಡಿದ್ದ.

ಮಿಥುನ್‌ ವಿರುದ್ಧ ರಂಜಿತ್‌, ಆಡಿಯೊ ಹಾಗೂ ವಿಡಿಯೊ ಸಾಕ್ಷ್ಯಸಮೇತ ದೂರು ಕೊಟ್ಟಿದ್ದರು. ಮಿಥುನ್‌, ಕೆಟ್ಟ ಶಬ್ದಗಳಿಂದ ನಿಂದಿಸಿ ಕನ್ನಡಿಗರ ಭಾವನೆಗಳಿಗೆ ಧಕ್ಕೆ ಉಂಟು ಮಾಡಿ, ಕನ್ನಡ ಹಾಗೂ ಇತರೆ ಭಾಷಿಕರ ನಡುವೆ ವೈಮನಸ್ಸು ಮೂಡಿಸಿ ದ್ವೇಷ ಭಾವನೆ ಉಂಟಾಗುವಂತೆ ಮಾಡಿದ್ದಾನೆ ಎಂದು ರಂಜಿತ್‌ ಆರೋಪಿಸಿದ್ದಾರೆ. ಮಿಥುನ್‌ ಸರ್ಕಾರ್‌, ಕನ್ನಡಿಗರಿಗೆ ಅವಮಾನ ಮಾಡಿದ್ದಾನೆ. ಆತನ ವಿರುದ್ಧ ಕ್ರಮ ಕೈಗೊಳ್ಳಿ ಎಂದು ಕರ್ನಾಟಕ ರಕ್ಷಣಾ ವೇದಿಕೆ ಕಾರ್ಯಕರ್ತರು ಸಹ ದೂರು ಕೊಟ್ಟಿದ್ದಾರೆ. ಮಿಥುನ್‌ನನ್ನು ಬಂಧಿಸಿ ಹೆಚ್ಚಿನ ವಿಚಾರಣೆಗಾಗಿ 5 ದಿನ ಪೊಲೀಸ್‌ ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಸರ್ಕಾರ್‌ ವಿರುದ್ಧ ಎಫ್‌ಐಆರ್

ಸರ್ಕಾರ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅವರು ಪೊಲೀಸರನ್ನು ರಂಜಿತ್‌ ಮನವಿ ಮಾಡಿಕೊಡಿದ್ದಾರೆ. ಭಾರತೀಯ ನ್ಯಾಯ ಸಂಹಿತೆ (BNS) ಸೆಕ್ಷನ್ 196 ರ ಅಡಿಯಲ್ಲಿ ಎಫ್‌ಐಆರ್‌ ದಾಖಲಿಸಲಾಗಿದೆ. ಈ ಸೆಕ್ಷನ್ ಅಡಿಯಲ್ಲಿ ಧರ್ಮ, ಜನಾಂಗ, ಜನ್ಮಸ್ಥಳ, ವಾಸಸ್ಥಳ, ಭಾಷೆ ಇತ್ಯಾದಿಗಳ ಆಧಾರದ ಮೇಲೆ ವಿವಿಧ ಗುಂಪುಗಳ ನಡುವೆ ವೈಷಮ್ಯವನ್ನು ಉತ್ತೇಜಿಸುವುದು ಮತ್ತು ಸಾಮರಸ್ಯವನ್ನು ಕಾಪಾಡಲು ಪೂರ್ವಗ್ರಹ ಪೀಡಿತ ಕೃತ್ಯಗಳನ್ನು ಮಾಡುವುದು ಅಪರಾಧ. ಸೆಕ್ಷನ್ 352 ರ ಅಡಿಯಲ್ಲಿ ಶಾಂತಿ ಭಂಗವನ್ನು ಪ್ರಚೋದಿಸುವ ಉದ್ದೇಶದಿಂದ ಉದ್ದೇಶಪೂರ್ವಕವಾಗಿ ಅವಮಾನಿಸುವುದು ಅಪರಾಧ.

ಸರ್ಕಾರನ್ನು ಬಂಧಿಸಲಾಗಿದೆ. ಅವರನ್ನು ಸಂಜೆಯ ವೇಳೆಗೆ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗುವುದು. ವಿಚಾರಣೆಯ ಸಮಯದಲ್ಲಿ, ಸರ್ಕಾರ್ ನಿರರ್ಗಳವಾಗಿ ಕನ್ನಡ ಮಾತನಾಡಬಲ್ಲರು ಎಂದು ತಿಳಿದುಬಂದಿದೆ. ಸಂಬಳವಾಗದಿದ್ದಕ್ಕೆ ಕೋಪದಲ್ಲಿದ್ದ ಸರ್ಕಾರ್‌ ಅದನ್ನು ಡೆಲಿವರಿಬಾಯ್‌ ಮೇಲೆ ತೋರಿಸಿದ ಬಗ್ಗೆ ಪೊಲೀಸರಿಗೆ ಹೇಳಿದ್ದಾನೆ. ತಾನು ಬೆಳಗ್ಗೆಯೇ ಕುಡಿದಿದ್ದೆ ಎಂದು ಹೇಳಿಕೊಂಡಿದ್ದಾನೆ.