ಚಿನ್ನದ ಬೆಲೆ ಗಗನಕ್ಕೆ: 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ ₹1 ಲಕ್ಷ ದಾಟಿತು!

ಬೆಂಗಳೂರು: ಜಾಗತಿಕವಾಗಿ ಹಲವು ದೇಶಗಳ ಮೇಲೆ ಹಲವು ರೀತಿಯ ಸುಂಕ ಹೇರಿಕೆ ಮಾಡುತ್ತಿರುವ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನೀತಿಯು ಹೂಡಿಕೆಯ ಮೇಲೆ ಪರಿಣಾಮ ಬೀರುತ್ತಿದ್ದು, ಚಿನ್ನದ ಬೆಲೆ ಭಾರೀ ಹೆಚ್ಚಳ ಆಗುವಂತೆ ಮಾಡಿದೆ. ಅಲ್ಲದೆ ಡಾಲರ್ ಮೌಲ್ಯ ಕುಡಾ ಕುಸಿದಿದೆ, ಇದರಿಂದ ಗೋಲ್ಡ್ ದರ ಹೆಚ್ಚಾಗಿದೆ.
ಇಂದಿನ ಬೆಲೆ ಎಷ್ಟಿದೆ?

ದೇಶೀಯ ಮಾರುಕಟ್ಟೆಯಲ್ಲಿ 24 ಕ್ಯಾರೆಟ್ 1 ಗ್ರಾಂ ಚಿನ್ನದ ಬೆಲೆ 10,588 ರೂಪಾಯಿಗೆ ಏರಿಕೆ ಆಗಿದ್ದು,ಇಂದು 93 ರುಪಾಯಿ ಹೆಚ್ಚಳ ಆಗಿದೆ. 22 ಕ್ಯಾರೆಟ್ ಬೆಲೆಯಲ್ಲಿ 85 ರೂಪಾಯಿ ಹೆಚ್ಚಳ ಆಗಿದ್ದು, 9,705 ರುಪಾಯಿಗೆ ಏರಿಕೆ ಆಗಿದೆ.

10 ಗ್ರಾಂ ಬೆಲೆ ಎಷ್ಟು?

24 ಕ್ಯಾರೆಟ್ ನ 10 ಗ್ರಾಂ ಚಿನ್ನದ ಇಂದಿನ ಬೆಲೆಯು 930 ರೂ ಹೆಚ್ಚಳ ಆಗಿ, 1,05,880 ರುಪಾಯಿಗೆ ಏರಿಕೆ ಆಗಿದೆ. 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 850 ರೂ ಹೆಚ್ಚಳ ಆಗಿ 97,050 ರೂ ಆಗಿದೆ.

ಬೆಂಗಳೂರಿನ ಚಿನ್ನದ ಬೆಲೆ

ಬೆಂಗಳೂರಲ್ಲಿ 1 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 10,588 ರೂ ಇದೆ. ಬೆಳ್ಳಿಯ ಬೆಲೆ ಕೂಡಾ 1 ರೂ ಹೆಚ್ಚಳ ಆಗಿ. ,ಗ್ರಾಂ ಬೆಲೆ 126 ರೂ ಆಗಿದ್ದು, ಕೆಜಿ ಬೆಲೆ 1,26,000 ರೂ ಆಗಿದೆ.
ಬೆಲೆ ಹೆಚ್ಚಳಕ್ಕೆ ಕಾರಣಗಳು?

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿಯೂ ಚಿನ್ನ ಮತ್ತು ಬೆಳ್ಳಿ ದರಗಳು ಏರಿಕೆ ಕಂಡಿವೆ. ಡಾಲರ್ ಮೌಲ್ಯ ಕೂಡಾ ಕುಸಿದಿದೆ. ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿ ದರಗಳನ್ನು ಕಡಿತಗೊಳಿಸುವ ನಿರೀಕ್ಷೆ ಇದೆ. ಡೊನಾಲ್ಡ್ ಟ್ರಂಪ್ ಅವರ ಆರ್ಥಿಕ ನೀತಿಗಳ ಬಗ್ಗೆ ಜಾಗತಿಕವಾಗಿ ಅನಿಶ್ಚಿತತೆ ಇದೆ. ಈ ಕಾರಣಗಳಿಂದಾಗಿ ಚಿನ್ನ ಮತ್ತು ಬೆಳ್ಳಿ ದರಗಳು ಗರಿಷ್ಠ ಮಟ್ಟಕ್ಕೆ ತಲುಪಿವೆ ಎಂದು ಅಂದಾಜಿಸಲಾಗಿದೆ.

ಟ್ರಂಪ್ ಅವರ ಬದಲಾಗುವ ಧೋರಣೆಗಳು ಮತ್ತು ಅನಿರೀಕ್ಷಿತ ನೀತಿಗಳು ಚಿನ್ನದ ಬೆಲೆ ಏರಿಕೆಗೆ ಸದ್ಯ ಪೂರಕವಾಗಿವೆ. ಆರ್ಥಿಕ ಅನಿಶ್ಚಿತತೆಯ ಸಮಯದಲ್ಲಿ ಚಿನ್ನವು ಹೆಚ್ಚು ಬೇಡಿಕೆಯನ್ನು ಪಡೆಯುತ್ತದೆ. ಟ್ರಂಪ್ ಆಡಳಿತವು ತನ್ನ ಪ್ರಮುಖ ವ್ಯಾಪಾರ ಪಾಲುದಾರರೊಂದಿಗೆ ಮಾತುಕತೆ ನಡೆಸುತ್ತಿದೆ. ಆದರೆ, ಈ ಮಾತುಕತೆಗಳ ದಿಕ್ಕು ಸ್ಪಷ್ಟವಾಗಿಲ್ಲ. ಇನ್ನು ಭಾರತವು 25 ಪ್ರತಿಶತದಷ್ಟು ಸೆಕೆಂಡರಿ ಸುಂಕಗಳನ್ನು ತೆಗೆದುಹಾಕಿದರೆ ಮಾತ್ರ ವ್ಯಾಪಾರ ಒಪ್ಪಂದದ ಬಗ್ಗೆ ಚರ್ಚಿಸುವುದಾಗಿ ಅಮೆರಿಕಕ್ಕೆ ಹೇಳಿದೆ. ಚಿನ್ನವನ್ನು ಡಾಲರ್‌ನಲ್ಲಿ ಬೆಲೆ ನಿಗದಿಪಡಿಸಲಾಗುತ್ತದೆ. ಡಾಲರ್ ಮೌಲ್ಯ ಕಡಿಮೆಯಾದಾಗ, ಇತರ ಕರೆನ್ಸಿಗಳಲ್ಲಿ ಚಿನ್ನದ ಬೆಲೆ ಕಡಿಮೆಯಾಗುತ್ತದೆ. ಇದರಿಂದ ಚಿನ್ನದ ಬೇಡಿಕೆ ಹೆಚ್ಚಾಗುತ್ತದೆ