ದಿನಕ್ಕೆ 2 ಗಂಟೆ ಮಾತ್ರ ಗೋಚರಿಸುವ ಫ್ರಾನ್ಸ್‌ನ ನಿಗೂಢ ರಸ್ತೆ: ಇದು ಪ್ರವಾಸಿಗರ ಪಾಲಿಗೆ ಪವಾಡ!

ಪ್ರಪಂಚದಾದ್ಯಂತದ ಸರ್ಕಾರಗಳು ಹೈಟೆಕ್ ರಸ್ತೆಗಳನ್ನು ನಿರ್ಮಿಸುತ್ತಿವೆ. ಕೆಲವು ರಸ್ತೆಗಳು ಪರ್ವತಗಳಲ್ಲಿ ನೆಲೆಗೊಂಡಿರುವುದರಿಂದ ಇನ್ನೂ ಅಪಾಯಕಾರಿ. ಆದre, ಇವೆಲ್ಲವುಗಳಿಗಿಂತ ಭಿನ್ನವಾಗಿ, ಫ್ರಾನ್ಸ್‌ನಲ್ಲಿ ಒಂದು ವಿಶೇಷ ರಸ್ತೆ ಇದೆ. ಈ ರಸ್ತೆ ದಿನಕ್ಕೆ ಕೇವಲ ಎರಡು ಗಂಟೆಗಳ ಕಾಲ ಮಾತ್ರ ಗೋಚರಿಸುತ್ತದೆ

ಉಳಿದ ಸಮಯದಲ್ಲಿ ಅದು ಕಣ್ಮರೆಯಾಗುತ್ತದೆ. ಈ ನಿಗೂಢ ರಸ್ತೆಯ ಬಗ್ಗೆ ತಿಳಿದುಕೊಳ್ಳುವುದು ತುಂಬಾ ಆಸಕ್ತಿದಾಯಕವಾಗಿದೆ.

ಈ ರಸ್ತೆ ಫ್ರಾನ್ಸ್‌ನ ಅಟ್ಲಾಂಟಿಕ್ ಕರಾವಳಿಯಲ್ಲಿದೆ ಮತ್ತು ಫ್ರಾನ್ಸ್‌ನ ಮುಖ್ಯ ಭೂಭಾಗವನ್ನು ನಾಯ್ರ್ ಮೌಟಿಯರ್ ಎಂಬ ದ್ವೀಪದೊಂದಿಗೆ ಸಂಪರ್ಕಿಸುತ್ತದೆ. ಈ ರಸ್ತೆ ಜಗತ್ತಿಗೆ ಪವಾಡವಾಗಿದ್ದರೂ, ಅಲ್ಲಿನ ಸ್ಥಳೀಯರಿಗೆ ಇದು ದೈನಂದಿನ ವಿಷಯವಾಗಿದೆ. ಈ ರಸ್ತೆಯನ್ನು ಪ್ಯಾಸೇಜ್ ಡು ಗೋಯಿಸ್ ಎಂದು ಕರೆಯಲಾಗುತ್ತದೆ. ಸ್ಥಳೀಯ ಭಾಷೆಯಲ್ಲಿ, ಗೋಯಿಸ್ ಎಂದರೆ ಬೂಟುಗಳನ್ನು ಒದ್ದೆ ಮಾಡಿಕೊಂಡು ರಸ್ತೆ ದಾಟುವುದು. ಸ್ಥಳೀಯ ಜನರು ಅದರ ಮೇಲೆ ನಡೆಯುತ್ತಾರೆ, ವಾಹನಗಳನ್ನು ಓಡಿಸುತ್ತಾರೆ, ಆದರೆ ಇದು ಕೇವಲ 2 ಗಂಟೆಗಳಷ್ಟೇ ಸಾಧ್ಯ.

ಈ ರಸ್ತೆ 4.5 ಕಿಲೋಮೀಟರ್ ಉದ್ದವಾಗಿದೆ. ಈ ರಸ್ತೆಯನ್ನು ಮೊದಲು 1701 ರಲ್ಲಿ ಫ್ರೆಂಚ್ ನಕ್ಷೆಯಲ್ಲಿ ಉಲ್ಲೇಖಿಸಲಾಗಿದೆ. ಆ ಸಮಯದಲ್ಲಿ, ಈ ದ್ವೀಪವನ್ನು ತಲುಪಲು ದೋಣಿಗಳನ್ನು ಬಳಸಲಾಗುತ್ತಿತ್ತು. ಆದರೆ ಕಾಲಾನಂತರದಲ್ಲಿ, ಸಮುದ್ರದಲ್ಲಿ ಸಂಗ್ರಹವಾದ ಮಣ್ಣು ಈ ರಸ್ತೆಯಾಗಿ ರೂಪುಗೊಂಡಿತು. ದಿನಕ್ಕೆ ಕೇವಲ 2 ಗಂಟೆಗಳ ಕಾಲ ಮಾತ್ರ ಗೋಚರಿಸುವ ಈ ರಸ್ತೆ, ಅಲೆಗಳು ಎದ್ದಾಗ ಸಂಪೂರ್ಣವಾಗಿ ಮುಳುಗುತ್ತದೆ.

ಕೆಲವೊಮ್ಮೆ ಈ ರಸ್ತೆ ಸಮುದ್ರದ ಕೆಳಗೆ 13 ಅಡಿ ಆಳಕ್ಕೆ ಹೋಗುತ್ತದೆ. ಅದಕ್ಕಾಗಿಯೇ ಇದನ್ನು ಅಪಾಯಕಾರಿ ರಸ್ತೆ ಎಂದೂ ಕರೆಯುತ್ತಾರೆ. ಅಂದಹಾಗೆ, ಈ ರಸ್ತೆಯು ಅನೇಕ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಈ ಅದ್ಭುತವನ್ನು ನೋಡಲು ಪ್ರತಿ ವರ್ಷ ಸಾವಿರಾರು ಜನರು ಇಲ್ಲಿಗೆ ಬರುತ್ತಾರೆ. ವಿಶೇಷವಾಗಿ ಸಾಹಸವನ್ನು ಇಷ್ಟಪಡುವವರು ಹೆಚ್ಚಾಗಿ ಬರುತ್ತಾರೆ. ಕೆಲವರು ತಮ್ಮ ವಾಹನಗಳಲ್ಲಿ ಈ ರಸ್ತೆಯಲ್ಲಿ ಪ್ರಯಾಣಿಸುತ್ತಾರೆ.

ಈ ರಸ್ತೆ ಅಪಾಯಕಾರಿಯಷ್ಟೇ ಆಸಕ್ತಿದಾಯಕವಾಗಿದೆ. ಇದನ್ನು ನೋಡಲು ಬರುವ ಜನರಿಗೆ ʼನಿಮ್ಮ ಸಮಯದ ಬಗ್ಗೆ ಜಾಗರೂಕರಾಗಿರಿʼ ಎಂದು ಸ್ಥಳೀಯರು ಎಚ್ಚರಿಸುತ್ತಾರೆ. ಏಕೆಂದರೆ ಆ ಸಮಯವನ್ನು ಮೀರಿದರೆ, ಸಮುದ್ರದಲ್ಲಿ ಸಿಲುಕಿಕೊಳ್ಳುವ ಅಪಾಯವಿರುತ್ತದೆ. ಅದಕ್ಕಾಗಿಯೇ ಈ ರಸ್ತೆಯ ಬಳಿ ಎಚ್ಚರಿಕೆ ಫಲಕಗಳನ್ನು ಸಹ ಇರಿಸಲಾಗಿದೆ. ಈ ರಸ್ತೆ ಸ್ಥಳೀಯರಿಗೆ ಸಾಮಾನ್ಯ ವಿಷಯವಾಗಿದ್ದರೂ, ಪ್ರವಾಸಿಗರಿಗೆ ಇದು ಪವಾಡ.