ಎಡ್ಜ್‌ಬಾಸ್ಟನ್ ಟೆಸ್ಟ್: ಜಡೇಜಾ ಪಿಚ್‌ನಲ್ಲಿ ಓಡಾಟ ವಿವಾದ, ಇಂಗ್ಲೆಂಡ್ ಆಟಗಾರರ ಅಸಮಾಧಾನ!

ಕ್ರಿಕೆಟ್ ಜಂಟಲ್ ಮ್ಯಾನ್ ಗೇಮ್ ಎಂದು ಎಷ್ಟೇ ಹೇಳಿದರೂ ಆಟಗಾರರ ನಡುವೆ ವಾದ-ವಾಗ್ವಾದ, ಅಸಮಾಧಾನಗಳೆಲ್ಲಾ ಸರ್ವೇಸಾಮಾನ್ಯ. ಎಡ್ಸ್ ಬಾಸ್ಟನ್ ಟೆಸ್ಟ್ ಸಹ ಅಂತಹ ಸಣ್ಣ ಮಾತುಕತೆಯ ಕ್ಷಣಗಳಿಗೆ ಸಾಕ್ಷಿಯಾಯಿತು. ಭಾರತದ ಆಲ್ರೌಂಡರ್ ರವೀಂದ್ರ ಜಡೇಜಾ ಅವರು ಪಿಚ್ ಮಧ್ಯಮದಲ್ಲಿ ಓಡಾಡುತ್ತಿದ್ದಾರೆಂದು ಇಂಗ್ಲೆಂಡ್ ಆಟಗಾರರು ಅಸಮಾಧಾನ ವ್ಯಕ್ತಪಡಿಸಿದರು.

ಅಂಪೈರ್ ಸಹ ಒಮ್ಮೆ ರವೀಂದ್ರ ಜಡೇಜಾ ಅವರಿಗೆ ಈ ಬಗ್ಗೆ ಎಚ್ಚರಿಕೆ ನೀಡಿದರು ಆದರೆ ರವೀಂದ್ರ ಜಡೇಜಾ ಮಾತ್ರ ನಾನು ಸರಿಯಾಗಿಯೇ ರನ್ ಗಾಗಿ ಓಡುತ್ತಿರುವುದಾಗಿ ಸಮರ್ಥಿಸಿಕೊಂಡ ಘಟನೆ ನಡೆಯಿತು.

ದಿನದ ಆರಂಭದಲ್ಲಿಯೇ ರವೀಂದ್ರ ಜಡೇಜಾ ಅವರ ಆಟದ ವೈಖರಿ ಬಗ್ಗೆ ವಿವಾದ ಉಂಟಾಗಿತ್ತು. 87ನೇ ಓವರ್‌ನಲ್ಲಿ ಅಂಪೈರ್ ಶರ್ಫುದ್ದೌಲಾ ಅವರು ಜಡೇಜಾಗೆ ಪಿಚ್‌ನ ಮಧ್ಯಭಾಗದಲ್ಲಿ ಓಡುವಾಗ ಎಚ್ಚರಿಕೆಯಿಂದ ಇರುವಂತೆ ಹೇಳಿದರು. ಪಿಚ್‌ನ ಮಧ್ಯ ಭಾಗವನ್ನು ಸಾಮಾನ್ಯವಾಗಿ “protected area” ಅಥವಾ “dangerous area” ಎಂದು ಪರಿಗಣಿಸಲಾಗುತ್ತದೆ. ಅಂದರೆ ಇದು ಜಡೇಜಾ ಅವರು ಶಾಟ್ ಆಡಿದ ನಂತರ ಆ ಜಾಗದ ಹತ್ತಿರ ಓಡುತ್ತಿದ್ದರು. ಇದನ್ನೇನೂ ಜಡೇಜಾ ಅವರು ಬೇಕೆಂದು ಮಾಡಿರಲಿಲ್ಲ. ಆದರೆ ಅದನ್ನು ಇಂಗ್ಲೆಂಡ್ ಆಟಗಾರರು ತಪ್ಪಾಗಿ ಅರ್ಥೈಸಿದರು.

ಕ್ರಿಸ್ ವೋಕ್ಸ್ ಅಸಮಾಧಾನ

89ನೇ ಓವರ್‌ನಲ್ಲಿ ಇಂಗ್ಲೆಂಡಿನ ವೇಗದ ಬೌಲರ್ ಕ್ರಿಸ್ ವೋಕ್ಸ್ ಅವರು ರವೀಂದ್ರ ಜಡೇಜಾ ಅವರ ಮೇಲೆ ಕೋಪಗೊಂಡರು. ಏಕೆಂದರೆ ಅವರು ಮತ್ತೆ “danger area”ದಲ್ಲಿ ಓಡಿದರು. ಇಂಗ್ಲೆಂಡ್ ತಂಡದ ನಾಯಕ ಬೆನ್ ಸ್ಟೋಕ್ಸ್ ಸಹ ಅಸಮಾಧಾನ ವ್ಯಕ್ತಪಡಿಸಿದರು. ನೋಡು ನೀವಿಲ್ಲಿ ಓಡುತ್ತಿದ್ದೀರಿ. ನಾನಿನ್ನು ಈ ಜಾಗದಲ್ಲಿ ಚೆಂಡೆಸೆಯಲು ಸಾಧ್ಯವಾಗುವುದಿಲ್ಲ” ಎಂದು ಹೇಳಿದರು. ಆಗ ರವೀಂದ್ರ ಜಡೇಜಾ ಅವರು ತಾನು ಪಿಚ್‌ನ ಬದಿಯಲ್ಲಿ ಓಡುತ್ತಿದ್ದೇನೆ. ನನ್ನ ಗಮನ ಆಟದ ಕಡೆಗಿರುತ್ತದೆ ಅಷ್ಟೇ” ಎಂದು ತನ್ನ ಆಟವನ್ನು ಸಮರ್ಥಿಸಿಕೊಂಡರು.

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಎರಡನೇ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ರವೀಂದ್ರ ಜಡೇಜಾ ಮತ್ತು ನಾಯಕ ಶುಭ್ಮನ್ ಗಿಲ್ 6ನೇ ವಿಕೆಟ್ ಗೆ ಮಹತ್ವದ 203 ಜೊತೆಯಾಟವಾಡಿದರು. ಶುಭ್ಮನ್ ಗಿಲ್ ಅವರು ಬರ್ಮಿಂಗ್‌ಹ್ಯಾಮ್‌ ಕ್ರಿಕೆಟ್ ಮೈದಾನದಲ್ಲಿ 150ಕ್ಕೂ ಹೆಚ್ಚು ರನ್ ಗಳಿಸಿದ ಮೊದಲ ಭಾರತೀಯ ಆಟಗಾರ ಎನಿಸಿಕೊಂಡರು. ರವೀಂದ್ರ ಜಡೇಜಾ ಸಹ ಉತ್ತಮವಾಗಿ ಆಡಿ 137 ಎಸೆತಗಳಿಂದ 89 ರನ್ ಗಳಿಸಿದರು. ಈ ಪಂದ್ಯದಲ್ಲಿ ಜಡೇಜಾ ಮತ್ತು ಗಿಲ್ ಅವರ ಆಟ ಭಾರತಕ್ಕೆ ಬಹಳ ಮುಖ್ಯವಾಗಿತ್ತು. ಇವರಿಬ್ಬರು ಉತ್ತಮ ಜೊತೆಯಾಟ ಆಡಿದ ಕಾರಣ ಭಾರತ ಬೃಹತ್ ಮೊತ್ತ ಗಳಿಸಲು ಸಾಧ್ಯವಾಯಿತು.
ಇಂಗ್ಲೆಂಡ್ ಗೆ ಆರಂಭಿಕ ಆಘಾತ

ಎರಡನೇ ದಿನಾಂತ್ಯಕ್ಕೆ ಭಾರತ ತಂಡ ಪ್ರಥಮ ಇನ್ನಿಂಗ್ಸ್ ನಲ್ಲಿ 587 ರನ್ ಗಳಿಗೆ ಆಲೌಟ್ ಆಯಿತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ಇಂಗ್ಲೆಂಡ್ ತಂಡ ಕೇವಲ 25 ರನ್ ಗಳಾಗುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿತ್ತು. ಆನುಭವಿ ಜೋ ರೂಟ್ (18) ಮತ್ತು ಹ್ಯಾರಿ ಬ್ರೂಕ್ (30) ಅವರು 4ನೇ ವಿಕೆಟ್ ಗೆ 52 ರನ್ ಗಳ ಜೊತೆಯಾಟ ಆಡುವ ಮೂಲಕ ಆರಂಭಿಕ ಕುಸಿತವನ್ನು ತಡೆಯುವಲ್ಲಿ ಯಶಸ್ವಿಯಾದರು. 2ನೇ ದಿನಾಂತ್ಯಕ್ಕೆ ಇಂಗ್ಲೆಂಡ್ 3 ವಿಕೆಟ್ ನಷ್ಟಕ್ಕೆ 77 ರನ್ ಗಳಿಸಿದೆ. ಜೋ ರೂಟ್ ಮತ್ತು ಬ್ರೂಕ್ ಕ್ರೀಸ್ ಕಾಯ್ದುಕೊಂಡಿರುವುದರಿಂದ 3ನೇ ದಿನದಾಟ ಕುತೂಹಲ ಮೂಡಿಸಿದೆ. ಭಾರತದ ಪರ ವೇಗಿಗಳಾದ ಆಕಾಶ್ ದೀಪ್ 2 ಮತ್ತು ಸಿರಾಜ್ 1 ವಿಕೆಟ್ ಗಳಿಸಿದರು.