ಶಿಸ್ತಿನ ಜೀವನಶೈಲಿ ಮತ್ತು ಆರೋಗ್ಯ: ಏಕೆ ಸಮಯ ಪ್ರಮುಖ?

ನಿತ್ಯ ಹಲ್ಲುಜ್ಜುವುದು, ಸ್ನಾನ ಮಾಡುವುದು ಆರೋಗ್ಯಕರ ಜೀವನಕ್ಕೆ ಮಾನವರಿಗೆ ಇರುವ ಸರಳ ಮಾರ್ಗ. ಆದರೆ ಕೆಲವರಿಗೆ ಯಾವ ಸಮಯದಲ್ಲಿ ಏನು ಮಾಡಬೇಕು ಅನ್ನೋದು ತಿಳಿದಿರೋಲ್ಲ. ಈ ಕಾರಣಕ್ಕೆ ತಾವು ಎಷ್ಟೇ ಶಿಸ್ತಿನ ಜೀವನ ರೂಢಿಸಿಕೊಂಡರೂ ಸಹ ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಒಳಗಾಗುತ್ತಾರೆ.

ಹೌದು, ಈ ನಡುವೆ ಬೆಳಗ್ಗೆ ಯಾವ ಸಮಯದಲ್ಲಿ ಹಲ್ಲನ್ನು ಉಜ್ಜಬೇಕು ಅನ್ನೋ ಪ್ರಶ್ನೆ ಸಾಕಷ್ಟು ಜನರನ್ನು ಕಾಡಿದೆ ಎಂದರೆ ತಪ್ಪಾಗಲಾರದು. ಬೆಳಗ್ಗೆ ಹಲ್ಲುಜ್ಜಲು ಉತ್ತಮ ಸಮಯ ಯಾವುದು ಅನ್ನೋದು ಚರ್ಚೆಯ ವಿಷಯವಾಗಿದೆ. ಅಂತಿಮವಾಗಿ, ನಿಮ್ಮ ಹಲ್ಲುಜ್ಜಲು ಉತ್ತಮ ಸಮಯವು ವೈಯಕ್ತಿಕ ಆದ್ಯತೆಯ ವಿಷಯವಾಗಿದೆ, ಆದರೆ ತಜ್ಞರ ಪ್ರಕಾರ, ಹಲ್ಲುಜ್ಜಲು ಸೂಕ್ತ ಸಮಯ ಯಾವುದು ಎಂದು ನೋಡೋಣ. ದಂತವೈದ್ಯರ ಪ್ರಕಾರ ನಾವು ತಿನ್ನುವಾಗ, ನಮ್ಮ ಬಾಯಿಯಲ್ಲಿರುವ ನೈಸರ್ಗಿಕ ಬ್ಯಾಕ್ಟೀರಿಯಾಗಳು ಆಹಾರದಲ್ಲಿನ ಸಕ್ಕರೆಯನ್ನು ಒಡೆಯಲು ಆಮ್ಲವನ್ನು ಉತ್ಪಾದಿಸುವಂತೆ ನೀವು ಉಪಾಹಾರದ ನಂತರ ಹಲ್ಲುಜ್ಜಿದರೆ ನಿಮ್ಮ ಅಮೂಲ್ಯವಾದ ಹಲ್ಲಿನ ದಂತಕವಚವನ್ನು ಸಹ ತೆಗೆದುಹಾಕಬಹುದು. ಆದ್ದರಿಂದ, ನೀವು ಹಲ್ಲುಜ್ಜಿದರೆ, ನೀವು ಆ ಆಮ್ಲವನ್ನು ಹಲ್ಲಿನ ಮೇಲೆ ಉಜ್ಜುತ್ತಿದ್ದೀರಿ ಎಂದು ಅರ್ಥ. ಈ ಕಾರಣಕ್ಕೆ ಉಪಹಾರದ ಮೊದಲು ಹಲ್ಲನ್ನು ಉಜ್ಜಿ. ಅಥವಾ ಹಲ್ಲು ಉಜ್ಜುವ ಮೊದಲೇ ಏನಾದರೂ ಸೇವನೆ ಮಾಡಿದರೆ ತಕ್ಷಣವೇ ಮತ್ತೆ ಹಲ್ಲನ್ನು ಹುಜ್ಜಬೇಡಿ. ಸುಮಾರು ಅರ್ಧದಿಂದ ಒಂದು ಗಂಟೆ ಕಾದು ನಂತರ ಉಜ್ಜಿರಿ.

ಬೆಳಿಗ್ಗೆ 8 ಗಂಟೆಯ ಮೊದಲು ಉಪಾಹಾರವನ್ನು ಸೇವಿಸಬೇಕು?

ಅಧ್ಯಯನಗಳ ಪ್ರಕಾರ ಬೆಳಿಗ್ಗೆ 9 ಗಂಟೆಯ ನಂತರ ಉಪಾಹಾರ ಸೇವಿಸುವುದಕ್ಕೂ ಬೆಳಿಗ್ಗೆ 8 ಗಂಟೆಯ ಮೊದಲು ಉಪಾಹಾರ ಸೇವಿಸುವುದಕ್ಕೂ ತುಂಬಾ ವ್ಯತ್ಯಾಸ ಇದೆ. ಈ ಇಬ್ಬರಿಗೂ ಹೋಲಿಕೆ ಮಾಡಿದ್ರೆ 9 ಗಂಟೆಯ ನಂತರ ಉಪಾಹಾರ ಸೇವನೆ ಮಾಡುವ ಜನರಿಗೆ ಟೈಪ್ 2 ಮಧುಮೇಹ ಬರುವ ಅಪಾಯವು ಶೇಕಡಾ 59 ರಷ್ಟು ಹೆಚ್ಚಾಗುತ್ತದೆ ಎಂದು ಕಂಡುಕೊಳ್ಳಲಾಗಿದೆ. ಇದರಿಂದ ಆದಷ್ಟು ಬೇಗ ನಿಮ್ಮ ದಿನಚರಿಯನ್ನು ಆರಂಭ ಮಾಡುವುದು ಉತ್ತಮವಾಗಿರುತ್ತದೆ. ಇಷ್ಟೇ ಅಲ್ಲದೆ ಊಟದ ವಿಚಾರದಲ್ಲೂ ಸಹ ಗಮನಹರಿಸಬೇಕು ಎಂದು ತಿಳಿಸಿದ್ದಾರೆ. ಸಂಜೆ 7 ಗಂಟೆ ಅಥವಾ ಅದಕ್ಕೂ ಮೊದಲು ಊಟ ಮಾಡಿದರೆ ಆರೋಗ್ಯಕ್ಕೆ ಉತ್ತಮ ಎಂದು ಹೇಳಲಾಗುತ್ತದೆ. ಇದು ವಿವಿಧ ಆರೋಗ್ಯ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ ಎಂದು ತಜ್ಞರು ತಿಳಿಸಿದ್ದಾರೆ.

ನೆನಪಿಡಿ ಈ ಲೇಖನವು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಮತ್ತು ವೃತ್ತಿಪರ ವೈದ್ಯಕೀಯ ಸಲಹೆಗೆ ಪರ್ಯಾಯವಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ಯಾವುದೇ ಪ್ರಶ್ನೆಗಳಿಗೆ ನಿಮ್ಮ ವೈದ್ಯರ ಸಲಹೆಯನ್ನು ಪಡೆದುಕೊಳ್ಳಿ.