ಕಾಂಗ್ರೆಸ್ ಸರ್ಕಾರ ಸೊಳ್ಳೆ ನಿಯಂತ್ರಿಸುವಲ್ಲಿ ವಿಫಲ; ಭ್ರಷ್ಟಾಚಾರದ ಆರೋಪ ಹೊರಿಸಿದ ಬಿಆರ್‌ಎಸ್ ಶಾಸಕ

ಹೈದರಾಬಾದ್: ಹೈದರಾಬಾದ್‌ನಲ್ಲಿ ಸೊಳ್ಳೆಗಳ ಹಾವಳಿಯನ್ನು ಎತ್ತಿ ತೋರಿಸುತ್ತಾ, ವಿರೋಧ ಪಕ್ಷದ ಬಿಆರ್‌ಎಸ್ ಶಾಸಕ ಡಿ. ಸುಧೀರ್ ರೆಡ್ಡಿ ಗುರುವಾರ ಸೊಳ್ಳೆ ಪರದೆಯಿಂದ ಹೊಲಿಯಲಾದ ಉಡುಪನ್ನು ಧರಿಸಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದರು.ಸೊಳ್ಳೆಗಳ ಹರಡುವಿಕೆಯನ್ನು ನಿಯಂತ್ರಿಸಲು ವಿಫಲವಾದ ಕಾಂಗ್ರೆಸ್ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ನಗರದ ಪ್ರತಿ ವಾರ್ಡ್‌ ಕನಿಷ್ಠ 10 ಫಾಗಿಂಗ್ ಯಂತ್ರಗಳನ್ನು ಒದಗಿಸಬೇಕು ಮತ್ತು ಕೈಯಿಂದ ಮತ್ತು ಡೋನ್ ಮೂಲಕ ಕೀಟನಾಶಕಗಳನ್ನು ಸಿಂಪಡಿಸುವುದು, ಹಯಸಿಂತ್ ತೆಗೆಯುವುದು ಮತ್ತು ಜಲಮೂಲಗಳಲ್ಲಿ ಗ್ಯಾಂಬೂಸಿಯಾ (ಸೊಳ್ಳೆ ಮೀನು) ಬಿಡುಗಡೆ ಮಾಡುವುದು ಸೇರಿದಂತೆ ಇತರ ಕ್ರಮಗಳನ್ನು ತೆಗೆದುಕೊಳ್ಳಬೇಕೆಂದು ಒತ್ತಾಯಿಸಿದರು.”ಸೊಳ್ಳೆಗಳ ಕಾಟವನ್ನು ನಿಯಂತ್ರಿಸಲು ಸಾಧ್ಯವಾಗದ ಸರ್ಕಾರ ಅಧಿಕಾರದಲ್ಲಿ ಮುಂದುವರಿಯಲು ಅರ್ಹವಾಗಿದೆಯೇ ಎಂದು ನಾನು ಕೇಳುತ್ತಿದ್ದೇನೆ” ಎಂದು ಇಲ್ಲಿನ ಎಲ್‌ಬಿ ನಗರದ ಬಿಆರ್‌ಎಸ್ ಶಾಸಕ ಸುಧೀರ್ ರೆಡ್ಡಿ ಹೇಳಿದರು.
ವಿಧಾನಸಭೆ ಆವರಣದಲ್ಲಿ ಭದ್ರತಾ ಸಿಬ್ಬಂದಿ ವಿಶೇಷವಾಗಿ ಹೊಲಿಯಲಾದ ಉಡುಪನ್ನು ಧರಿಸದಂತೆ ಹೇಳುವ ಮೂಲಕ ಉದ್ಧಟತನದಿಂದ ವರ್ತಿಸಿದ್ದಾರೆ ಎಂದು ಅವರು ಆರೋಪಿಸಿದ್ದಾರೆ. ಆದರೆ, ಅಂತಹ ಯಾವುದೇ ಆದೇಶವಿಲ್ಲ.
ಪ್ರತಿಭಟನೆಯ ಅಭಿವ್ಯಕ್ತಿಯಾಗಿ ಈ ಉಡುಪನ್ನು ಧರಿಸಿದ್ದೇನೆ ಎಂದು ಹೇಳಿದ್ದ ರೆಡ್ಡಿ, ಸ್ಪೇಗಳನ್ನು ನಡೆಸುವುದು, ಗ್ಯಾಂಬೂಸಿಯಾ ಮೀನುಗಳನ್ನು ಬಿಡುಗಡೆ ಮಾಡುವುದು ಮತ್ತು ಇತರವುಗಳಲ್ಲಿ ಭ್ರಷ್ಟಾಚಾರ ನಡೆದಿದೆ ಎಂದು ಆರೋಪಿಸಿದರು, ಇದರಿಂದಾಗಿ ನಗರದಲ್ಲಿ ಸೊಳ್ಳೆಗಳ ಕಾಟ ಹೆಚ್ಚುತ್ತಿದೆ.
ಹೈದರಾಬಾದ್‌ಗೆ ಬರುವವರು ಸೊಳ್ಳೆಗಳಿಂದಾಗಿ ನಗರವನ್ನು ತೊರೆಯುತ್ತಿದ್ದಾರೆ ಎಂದು ಹೇಳಿಕೊಂಡ ಅವರು, ಈ ಸಮಸ್ಯೆಯು ನಗರದ ಬ್ರಾಂಡ್ ಇಮೇಜ್‌ಗೆ ಧಕ್ಕೆ ತರುತ್ತಿದೆ ಎಂದು ಹೇಳಿದರು.