ಸ್ಪಷ್ಟೀಕರಣ: ಕಬ್ಬು ಬೆಳೆಗಾರರ ವರದಿ – ಚಿತ್ರ ಪ್ರಕಟಣೆಯಲ್ಲಿ ಆದ ಪ್ರಮಾದಕ್ಕೆ ವಿಷಾದ

ಮಂಗಳೂರು:ನಮ್ಮ ಮಾಧ್ಯಮದಲ್ಲಿ ದಿನಾಂಕ ನವೆಂಬರ್ 7, 2025 ರಂದು ಪ್ರಕಟಿಸಲಾದ ಕಬ್ಬು ಬೆಳೆಗಾರರ ಪ್ರತಿಭಟನೆಗೆ ಸಂಬಂಧಿಸಿದ ವರದಿಯಲ್ಲಿ ಚಿತ್ರ ಪ್ರಕಟಣೆಯಲ್ಲಿ ಆದ ತಪ್ಪಿನ ಕುರಿತು ನಮ್ಮ ಓದುಗರಿಗೆ ಸ್ಪಷ್ಟೀಕರಣ ನೀಡಲು ಬಯಸುತ್ತೇವೆ.

ಕಬ್ಬು ಬೆಳೆಗಾರರ ಪ್ರತಿಭಟನೆಯ ವರದಿಯನ್ನು ಪ್ರಕಟಿಸುವ ಸಂದರ್ಭದಲ್ಲಿ, ತಾಂತ್ರಿಕ ದೋಷಗಳಿಂದಾಗಿ ನಿಜವಾದ ಪ್ರತಿಭಟನೆಯ ಚಿತ್ರಣದ ಬದಲಿಗೆ ಮತ್ತೊಂದು ಚಿತ್ರಣವು ತಪ್ಪಾಗಿ ಪ್ರಕಟವಾಗಿದೆ. ಈ ಕುರಿತು ನಮ್ಮ ವಿಷಾದ ವ್ಯಕ್ತಪಡಿಸುತ್ತೇವೆ.

ಅದೇ ದಿನ, ಮಂಗಳೂರಿನ ಪಣಂಬೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ತಂದೆ ಮತ್ತು ಮಗಳ ಆತ್ಮಹತ್ಯೆಯನ್ನು ತಡೆದು ನೆರವಾದ ಪೊಲೀಸ್ ಸಿಬ್ಬಂದಿಗೆ ಸನ್ಮಾನ ಕಾರ್ಯಕ್ರಮವನ್ನು ನಾವು ಏರ್ಪಡಿಸಿದ್ದೆವು. ಈ ಪ್ರಮುಖ ವರದಿಯನ್ನು ಸಿದ್ಧಪಡಿಸುವ ತರಾತುರಿ ಹಾಗೂ ತಾಂತ್ರಿಕ ದೋಷಗಳ ಕಾರಣದಿಂದಾಗಿ ಮೇಲೆ ತಿಳಿಸಿದಂತೆ ಚಿತ್ರ ಪ್ರಕಟಣೆಯಲ್ಲಿ ಈ ರೀತಿಯ ಪ್ರಮಾದ ಸಂಭವಿಸಿದೆ.

ನಮ್ಮ ಮಾಧ್ಯಮದಿಂದ ಆದ ಈ ಅಜಾಗರೂಕತೆಯ ಪ್ರಮಾದಕ್ಕಾಗಿ ನಾವು ಓದುಗರಲ್ಲಿ ಕ್ಷಮೆಯನ್ನು ಕೋರುತ್ತೇವೆ. ಇನ್ನು ಮುಂದೆ ಈ ರೀತಿಯ ಘಟನೆಗಳು ಮರುಕಳಿಸದಂತೆ ವರದಿಗಳನ್ನು ಪ್ರಕಟಿಸುವ ಮೊದಲು ಸಂಪಾದಕೀಯ ವಿಭಾಗವು ಸೂಕ್ತ ಎಚ್ಚರಿಕೆ ವಹಿಸಲಿದೆ ಎಂದು ಭರವಸೆ ನೀಡುತ್ತೇವೆ.

ನಿಖರತೆಗೆ ನಮ್ಮ ಬದ್ಧತೆಯನ್ನು ಪುನರುಚ್ಚರಿಸುತ್ತೇವೆ.