ಬಿಯರ್ ಪ್ರಿಯರಿಗೆ ಬಂಪರ್ ಆಫರ್: 3,000 ರೂ. ಬಿಯರ್ ಬಾಟಲಿ ಈಗ 2,000ಕ್ಕೆ ಲಭ್ಯ; ಲೋಕಲ್ ಬ್ರ್ಯಾಂಡ್‌ಗಳಿಗೆ ಟೆನ್ಷನ್

ಭಾರತ ಮತ್ತು ಯುರೋಪಿಯನ್ ಒಕ್ಕೂಟದ ನಡುವೆ ಆಗಿರೋ ಈ ಮುಕ್ತ ವ್ಯಾಪಾರ ಒಪ್ಪಂದ (Free Trade Agreement – FTA) ಪಾರ್ಟಿ ಪ್ರಿಯರ ಮುಖದಲ್ಲಿ ಮಂದಹಾಸ ಮೂಡಿಸಿದೆ. ಇಲ್ಲಿಯವರೆಗೂ ಫಾರಿನ್ ಎಣ್ಣೆ (Imported Liquor) ಅಂದ್ರೆ ಬೆಲೆ ಕೇಳೇ ಸುಮ್ಮನಾಗ್ತಿದ್ವಿ. ಯಾಕಂದ್ರೆ ಅದರ ಮೇಲೆ ಬರೋಬ್ಬರಿ 150 ಪರ್ಸೆಂಟ್ ಆಮದು ಸುಂಕ (Import Duty) ಇತ್ತು.

ಆದ್ರೆ ಇನ್ಮುಂದೆ ಆ ಚಿಂತೆ ಇಲ್ಲ. ಈ ಒಪ್ಪಂದದಿಂದಾಗಿ ವೈನ್ ಮತ್ತು ವಿಸ್ಕಿ ಮೇಲಿನ ಸುಂಕ 150% ಇಂದ 40% ಗೆ ಇಳಿಯಲಿದೆ! ಹಾಗೇ ಬಿಯರ್ ಮೇಲಿನ ಸುಂಕ 110% ಇಂದ 50% ಗೆ ಕುಸಿಯಲಿದೆ. ಅಂದ್ರೆ ಆಮದು ಮಾಡಿಕೊಳ್ಳುವ ಮದ್ಯದ ಬೆಲೆ (Price) ಪಾತಾಳಕ್ಕೆ ಇಳಿಯೋದು ಗ್ಯಾರಂಟಿ.

ಬಿಯರ್ ಬಾಟಲಿ ಮೇಲೆ ಎಷ್ಟು ಉಳಿಯುತ್ತೆ?

ಒಂದು ಉದಾಹರಣೆ ನೋಡೋಣ. ಹೈನೆಕೆನ್ ಬಿಯರ್ (Heineken Beer) ಬಾಟಲಿಗೆ ಮೊದಲು ಸುಮಾರು 3,000 ರೂಪಾಯಿ ಆಗ್ತಿತ್ತು ಅನ್ಕೊಳಿ. ಅದ್ರಲ್ಲಿ ಅರ್ಧಕ್ಕಿಂತ ಜಾಸ್ತಿ ಟ್ಯಾಕ್ಸ್‌ಗೇ ಹೋಗ್ತಿತ್ತು. ಈಗ ಹೊಸ ರೂಲ್ಸ್ ಪ್ರಕಾರ ಅದೇ ಬಾಟಲಿ ನಿಮಗೆ ಸುಮಾರು 2,000 ರೂಪಾಯಿಗೆ ಸಿಗಬಹುದು. ಅಂದ್ರೆ ನೇರವಾಗಿ ಜೇಬಿಗೆ 1,000 ರೂಪಾಯಿ ಉಳಿತಾಯ! ನೆದರ್‌ಲ್ಯಾಂಡ್ಸ್, ಜರ್ಮನಿ, ಡೆನ್ಮಾರ್ಕ್‌ನಿಂದ ಬರೋ ಫೇಮಸ್ ಬಿಯರ್‌ಗಳು ಈಗ ಮಿಡಲ್ ಕ್ಲಾಸ್ ಜನರಿಗೂ ಎಟುಕುವ ಬೆಲೆಗೆ ಸಿಗಲಿವೆ.

ವೋಡ್ಕಾ, ವೈನ್ ಪ್ರಿಯರಿಗೂ ಹಬ್ಬ!

ಬರೀ ಬಿಯರ್ ಅಷ್ಟೇ ಅಲ್ಲ, ಸ್ವೀಡನ್‌ನ ಫೇಮಸ್ ಅಬ್ಸೊಲಟ್ ವೋಡ್ಕಾ (Absolut Vodka) ಬಾಟಲಿ ರೇಟ್ ಕೂಡ ಕಮ್ಮಿ ಆಗಲಿದೆ. ಮೊದಲು 4,000 ಕೊಡ್ತಿದ್ದ ಬಾಟಲಿ ಇನ್ಮುಂದೆ 2,500 ರಿಂದ 3,000 ರೂಪಾಯಿಗೆ ಸಿಗಬಹುದು. ಹಾಗೇ ಫ್ರಾನ್ಸ್‌ನ ವೈನ್ (Wine) 2,000 ರೂಪಾಯಿ ಇದ್ದದ್ದು 1,200 ರೂಪಾಯಿಗೆ ಇಳಿಯೋ ಚಾನ್ಸ್ ಇದೆ. ಹಂತ ಹಂತವಾಗಿ ಈ ಬೆಲೆ ಇನ್ನೂ ಕಮ್ಮಿ ಆಗುತ್ತೆ ಅನ್ನೋದು ಸಂತಸದ ವಿಚಾರ.

ಯಾವ್ಯಾವ ಬ್ರ್ಯಾಂಡ್ ಸಿಗುತ್ತೆ?

ಯುರೋಪ್ ಅಂದ್ರೆ ಮದ್ಯದ ಕಣಜ. ಅಲ್ಲಿನ 27 ದೇಶಗಳು ಆಲ್ಕೋಹಾಲ್ ಪ್ರೊಡಕ್ಷನ್‌ನಲ್ಲಿ ಟಾಪ್. ಇನ್ಮುಂದೆ ಭಾರತದ ಬಾರ್‌ಗಳಲ್ಲಿ ಬೆಲ್ಜಿಯಂನ ಸ್ಟೆಲ್ಲಾ, ಐರ್ಲೆಂಡ್‌ನ ಗಿನ್ನೆಸ್, ಫ್ರಾನ್ಸ್‌ನ ಮೊಯೆಟ್ ಶಾಂಪೇನ್ ಬಾಟಲಿಗಳು ರಾರಾಜಿಸಲಿವೆ. ಸಿಟಿಗಳಲ್ಲಿ ಈಗಾಗಲೇ ಈ ಬ್ರ್ಯಾಂಡ್‌ಗಳಿಗೆ ಫುಲ್ ಡಿಮ್ಯಾಂಡ್ ಇದೆ, ಬೆಲೆ ಇಳಿದ್ರೆ ಕೇಳಬೇಕಾ? ಸೇಲ್ಸ್ ಡಬಲ್ ಆಗೋದು ಪಕ್ಕಾ.

ಟೂರಿಸಂಗೆ ಹೊಸ ಕಳೆ!

ವಿದೇಶಿ ಮದ್ಯ ಅಗ್ಗವಾದ್ರೆ ಬರೀ ಕುಡಿಯೋರಿಗೆ ಮಾತ್ರ ಲಾಭವಲ್ಲ, ನಮ್ಮ ಟೂರಿಸಂ (Tourism) ಮತ್ತು ಹೋಟೆಲ್ ಉದ್ಯಮಕ್ಕೂ ದೊಡ್ಡ ಲಾಭ. ವಿದೇಶದಿಂದ ಬರೋ ಟೂರಿಸ್ಟ್‌ಗಳಿಗೆ ಅವರಿಷ್ಟದ ಬ್ರ್ಯಾಂಡ್ ಕಮ್ಮಿ ರೇಟಿಗೆ ಸಿಕ್ಕರೆ ಅವರು ಖುಷಿಯಾಗ್ತಾರೆ. 2032ರ ಹೊತ್ತಿಗೆ ಮದ್ಯದ ಆಮದು ದ್ವಿಗುಣ ಆಗಬಹುದು ಅಂತ ತಜ್ಞರು ಹೇಳ್ತಿದ್ದಾರೆ.

ಕಿಂಗ್‌ಫಿಷರ್‌ಗೆ ಶುರುವಾಯ್ತು ಢವಢವ!

ಗ್ರಾಹಕರಿಗೆ ಖುಷಿಯಾದ್ರೆ, ನಮ್ಮ ಲೋಕಲ್ ಕಂಪನಿಗಳಿಗೆ ಟೆನ್ಷನ್ ಶುರುವಾಗಿದೆ. ಕಿಂಗ್‌ಫಿಷರ್‌ನಂತಹ ದೇಶೀಯ ಬ್ರ್ಯಾಂಡ್‌ಗಳು (Domestic Brands) ಇನ್ಮುಂದೆ ಜಾಗತಿಕ ಕಂಪನಿಗಳ ಜೊತೆ ಕಾಂಪಿಟೇಷನ್ ಮಾಡ್ಬೇಕಾಗುತ್ತೆ. ಕ್ವಾಲಿಟಿ ಮತ್ತು ರೇಟ್ ವಿಷ್ಯದಲ್ಲಿ ಸೆಣಸಾಟ ಜೋರಾಗಲಿದೆ.

ರಾಜ್ಯದ ಟ್ಯಾಕ್ಸ್ ಮರೀಬೇಡಿ!
ಇಷ್ಟೆಲ್ಲಾ ರೇಟ್ ಕಮ್ಮಿ ಆದ್ರೂ, ಅಂತಿಮ ಬೆಲೆ ನಮ್ಮ ರಾಜ್ಯ ಸರ್ಕಾರ ಹಾಕುವ ಅಬಕಾರಿ ತೆರಿಗೆ ಮೇಲೆ ಅವಲಂಬಿತವಾಗಿರುತ್ತೆ. ಆದ್ರೂ, ಮೂಲ ಬೆಲೆ ಕಮ್ಮಿ ಆಗಿರೋದರಿಂದ, ಎಷ್ಟೇ ಟ್ಯಾಕ್ಸ್ ಹಾಕಿದ್ರೂ ಹಿಂದಿನ ರೇಟ್‌ಗಿಂತ ಕಮ್ಮಿನೇ ಇರುತ್ತೆ. ಒಟ್ಟಿನಲ್ಲಿ, ವೀಕೆಂಡ್ ಪಾರ್ಟಿ ಇನ್ಮುಂದೆ ಇಂಟರ್ನ್ಯಾಷನಲ್ ಲೆವೆಲ್‌ನಲ್ಲಿ ಇರುತ್ತೆ!