‘ಸುರಕ್ಷಿತವಾಗಿದ್ದೀರೇ?’ ಎನ್ನುತ್ತಿದ್ದಂತೆ ರಾಕೇಶ್ ತಲೆಗೆ ಬಿತ್ತು ಗುಂಡು!

ವಾಷಿಂಗ್ಟನ್ : ಅಮೆರಿಕದ ಪೆನ್ಸಿಲ್ವೇನಿಯಾದ ಪಿಟ್ಸ್​​ಬರ್ಗ್​​ನಲ್ಲಿ ಭಾರತ ಮೂಲದ ವ್ಯಕ್ತಿಯನ್ನು ಗುಂಡು ಹಾರಿಸಿ ಹತ್ಯೆ ಮಾಡಲಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಮೃತರನ್ನು 51 ವರ್ಷದ ರಾಕೇಶ್ ಎಂದು ಗುರುತಿಸಲಾಗಿದೆ. ಅವರು ರಾಬಿನ್ಸನ್ ಟೌನ್‌ಶಿಪ್‌ನಲ್ಲಿ ಪಿಟ್ಸ್‌ಬರ್ಗ್ ಮೋಟೆಲ್ ನಡೆಸುತ್ತಿದ್ದರು. ಸ್ಥಳೀಯ ಮಾಧ್ಯಮಗಳ ವರದಿ ಪ್ರಕಾರ, 37 ವರ್ಷದ ಯುಜೀನ್ ವೆಸ್ಟ್​ ರಾಕೇಶ್ ಅವರ ತಲೆಗೆ ಗುಂಡು ಹಾರಿಸಿದ್ದಾನೆ.

ಮಾಟೆಲ್​ನ ಪಾರ್ಕಿಂಗ್ ಸ್ಥಳದಲ್ಲಿ ಯುಜೀನ್ ಹಾಗೂ ಓರ್ವ ಮಹಿಳೆ ನಡುವೆ ವಾಗ್ವಾದ ನಡೆದಿತ್ತು. ಆ ಸಂದರ್ಭದಲ್ಲಿ ಯುಜೀನ್ ಮಹಿಳೆಗೆ ಗುಂಡು ಹಾರಿಸಿದ್ದ. ಇದನ್ನು ಕೇಳಿ ಓಡಿ ಬಂದ ರಾಕೇಶ್ ಮಹಿಳೆ ಬಳಿ ಓಡಿ ಹೋಗಿ ನೀವು ಸುರಕ್ಷಿತವಾಗಿದ್ದೀರಲ್ಲವೇ ಎಂದು ವಿಚಾರಿಸಿದ್ದರು. ಅದೇ ಸಮಯದಲ್ಲಿ ಯುಜೀನ್ ರಾಕೇಶ್ ತಲೆಗೆ ಗುಂಡು ಹಾರಿಸಿದ್ದಾನೆ.

ಶಂಕಿತ ವ್ಯಕ್ತಿ ಪಿಟ್ಸ್‌ಬರ್ಗ್‌ನ ಮೋಟೆಲ್‌ನಲ್ಲಿ ಮಹಿಳೆ ಮತ್ತು ಮಗುವಿನೊಂದಿಗೆ ಸುಮಾರು ಎರಡು ವಾರಗಳಿಂದ ತಂಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಗಾಯಗೊಂಡ ಮಹಿಳೆ ಕೆರ್ನಿಕ್ ಟೈರ್ ಮತ್ತು ಆಟೋ ಸೇವಾ ಕೇಂದ್ರವನ್ನು ತಲುಪುವಲ್ಲಿ ಯಶಸ್ವಿಯಾದರು, ಅಲ್ಲಿ ಪೊಲೀಸರು ಗಂಭೀರ ಸ್ಥಿತಿಯಲ್ಲಿ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು.

ಮಹಿಳೆಯೊಂದಿಗೆ ಹಿಂದಿನ ಸೀಟಿನಲ್ಲಿ ಕುಳಿತಿದ್ದ ಮಗುವಿಗೆ ಯಾವುದೇ ಗಾಯಗಳಾಗಿಲ್ಲ. ಗುಂಡಿನ ದಾಳಿಯ ಸಮಯದಲ್ಲಿ ರಾಕೇಶ್ ಎಹಾಗ್ಬನ್ ಮೋಟೆಲ್ ಹೊರಗೆ ಬಂದಿದ್ದರು.ರಾಕೇಶ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಯುಜೀನ್ ವೆಸ್ಟ್ ಹತ್ತಿರದಲ್ಲಿ ನಿಲ್ಲಿಸಿದ್ದ ಯು-ಹಾಲ್ ವ್ಯಾನ್ ಕಡೆಗೆ ನಡೆದು ಪರಾರಿಯಾಗಿದ್ದಾನೆ. ಯುಜೀನ್ ವೆಸ್ಟ್ ವಿರುದ್ಧ ಕೊಲೆ, ಕೊಲೆಯತ್ನ ಪ್ರಕರಣವನ್ನು ದಾಖಲಿಸಲಾಗಿದೆ. ಗುಂಡಿನ ದಾಳಿಯ ನಂತರ, ಪೊಲೀಸರು ಗುಂಡು ಹಾರಿಸಿದ ವ್ಯಕ್ತಿಗಾಗಿ ಹುಡುಕಾಟ ನಡೆಸಿದರು ಮತ್ತು ಪಿಟ್ಸ್‌ಬರ್ಗ್‌ನ ಈಸ್ಟ್ ಹಿಲ್ಸ್ ಪ್ರದೇಶದಲ್ಲಿ ಆತನನ್ನು ಪತ್ತೆ ಮಾಡಿದರು. ಪೊಲೀಸರು ಆತನನ್ನು ಬಂಧಿಸಲು ಬಂದಾಗ, ಆತ ಅಧಿಕಾರಿಗಳೊಂದಿಗೆ ಗುಂಡಿನ ಚಕಮಕಿ ನಡೆಸಿದ್ದಾನೆ.

ಇದರಲ್ಲಿ ಒಬ್ಬ ಅಧಿಕಾರಿಗೂ ಗುಂಡು ಹಾರಿಸಲಾಯಿತು. ನಂತರ ಪೊಲೀಸರು ಗುಂಡು ಹಾರಿಸಿ ಯುಜೀನ್ ವೆಸ್ಟ್ ಅವರನ್ನು ಬಂಧಿಸಿದ್ದಾರೆ, ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಇಷ್ಟೆಲ್ಲಾ ಘಟನೆಗಳು ನಡೆದವು. ಆದರೆ ಈ ಘಟನೆಗೆ ಸಂಬಂಧವಿಲ್ಲದ ರಾಕೇಶ್ ಅನ್ಯಾಯವಾಗಿ ಪ್ರಾಣ ಕಳೆದುಕೊಂಡಿದ್ದಾರೆ.