ಜಮ್ಮು ಪ್ರವಾಹ: ಪ್ರವಾಹದ ನೀರಿಗೆ ನಡುಗುತ್ತಿದ್ದ ಕರು ರಕ್ಷಿಸಿದ ಮನುಷ್ಯ, ಹೃದಯಸ್ಪರ್ಶಿ ವಿಡಿಯೋ ವೈರಲ್!

ಜಮ್ಮು ಪ್ರವಾಹದಿಂದ ತತ್ತರಿಸಿದೆ. ಪ್ರವಾಹಕ್ಕೆ ಜನ ಜೀವನ ಸಂಕಷ್ಟದಲ್ಲಿದೆ. ಇದರ ನಡುವೆ ಹೃದಯದ್ರಾವಕ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗಿದೆ. ಮನುಷ್ಯರಿಗೆ ತಮ್ಮ ಜೀವದ ಜತೆಗೆ ತಾನು ಸಾಕಿದ ಪ್ರಾಣಿ ರಕ್ಷಣೆ ಕೂಡ ಅಗತ್ಯ ಎನ್ನುವುದು ಈ ವಿಡಿಯೋದಿಂದ ಕಾಣಬಹುದು. ಮನುಷ್ಯನಿಗೆ ಪ್ರಾಣಿಗಳ ಜತೆಗೆ ಎಷ್ಟು ಅಮೂಲ್ಯವಾದ ಪ್ರೀತಿ ಇದೆ ನೋಡಿ. ಪ್ರವಾಹದ ನಡುವೆ ವ್ಯಕ್ತಿಯೊಬ್ಬರು ತಮ್ಮ ಜೀವದ ಜತೆಗೆ ಕರುವಿನ ಜೀವವನ್ನು ಉಳಿಸಿದ್ದಾರೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ವೀಡಿಯೊದಲ್ಲಿ ಕುಸಿದು ಬಿದ್ದ ರಸ್ತೆಗಳು, ಧರೆ ಬಿದ್ದ ದೈತ್ಯ ಮರಗಳು ಮತ್ತೊಂದು ಕಡೆ ಎಲ್ಲವೂ ಜಲಾವೃತಗೊಂಡಿರುವುದನ್ನು ಕಾಣಬಹುದು. ಇದರ ನಡುವೆ ಚಳಿಯಿಂದ ನಡುಗುತ್ತಿದ್ದ ಕರುವೊಂದನ್ನು ಪ್ಲಾಸ್ಟಿಕ್​​​ನಲ್ಲಿ ಸುತ್ತಿಕೊಂಡು ಬೆನ್ನ ಮೇಲೆ ಎತ್ತಿಕೊಂಡಿರುವುದನ್ನು ಕಾಣಬಹುದು.

ಈ ವೈರಲ್​​ ಆಗಿರುವ ವಿಡಿಯೋದಲ್ಲಿ ಪ್ರವಾಹದ ನಡುವೆ ಭಕ್ತನೊಬ್ಬ ಹಸುವನ್ನು ರಕ್ಷಿಸುತ್ತಾನೆ, ಆಶೀರ್ವಾದ ಪಡೆಯುತ್ತಾನೆ ಎಂದು  ಶೀರ್ಷಿಕೆ ಬರೆದಿದ್ದಾರೆ. ನರಿಂದರ್ ಸಿಂಗ್ ಎಂಬ ವ್ಯಕ್ತಿ, ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಕಳೆದ ವಾರದಿಂದ ಸುರಿದ ಭಾರೀ ಮಳೆಯಿಂದಾಗಿ ಜಮ್ಮುವಿನಲ್ಲಿ ಅಪಾರ ಹಾನಿಯಾಗಿದೆ. ಮೇಘಸ್ಫೋಟ, ದಿಢೀರ್ ಪ್ರವಾಹ , ನದಿಗಳ ಉಕ್ಕಿ ಹರಿಯುವಿಕೆ, ಪರ್ವತ ಪ್ರದೇಶಗಳಲ್ಲಿ ಭೂಕುಸಿತ ಮತ್ತು ಸೇತುವೆಗಳು ಮತ್ತು ರಸ್ತೆಗಳಂತಹ ಮೂಲಸೌಕರ್ಯಗಳಿಗೆ ತೀವ್ರ ಹಾನಿಯಾಗಿದೆ. ತಗ್ಗು ಪ್ರದೇಶಗಳು ಇನ್ನೂ ಜಲಾವೃತವಾಗಿದ್ದು, ನಿವಾಸಿಗಳು ತೀವ್ರ ಪರಿಸ್ಥಿತಿಗಳನ್ನು ನಿಭಾಯಿಸಲು ಹೆಣಗಾಡುತ್ತಿದ್ದಾರೆ.

ಈ ವಿಡಿಯೋ ಇನ್‌ಸ್ಟಾಗ್ರಾಮ್‌ನಲ್ಲಿ ವೈರಲ್ ಆಗಿದ್ದು, ಅವರ ಧೈರ್ಯ ಮತ್ತು ಸಹಾಸಕ್ಕೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ. ಪ್ರವಾಹದಲ್ಲಿ ಸಿಲುಕಿದ್ದ, ಕರುವನ್ನು ಪುಟ್ಟ ಮಗುವಿನಂತೆ ಅಪ್ಪಿಕೊಂಡಿ, ಅದಕ್ಕೆ ಚಳಿಯಾಗದಂತೆ ಪ್ಲಾಸ್ಟಿಕ್​​​ ಸುತ್ತಿದ್ದಾರೆ. ಈ ವೀಡಿಯೊವನ್ನು ಆಗಸ್ಟ್ 28, 2025 ರಂದು ಹಂಚಿಕೊಳ್ಳಲಾಯಿತು ಮತ್ತು ಅಂದಿನಿಂದ 40,000 ವೀಕ್ಷಣೆಗಳು ಮತ್ತು ಹಲವಾರು ಕಾಮೆಂಟ್‌ಗಳನ್ನು ಗಳಿಸಿದೆ.

ಇನ್‌ಸ್ಟಾಗ್ರಾಮ್ ಬಳಕೆದಾರರು ಈ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ. ಆ ವ್ಯಕ್ತಿಯ ಧೈರ್ಯ ಮತ್ತು ಕರುಣೆಯನ್ನು ಈ ವಿಡಿಯೋ ಪ್ರತಿಬಿಂಬಿಸುತ್ತದೆ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರೊಬ್ಬರು ನನ್ನನ್ನು ನಂಬಿರಿ, ಅವರು ನಿಜಕ್ಕೂ ರತ್ನ ಎಂದು ಹೇಳಿದ್ದಾರೆ. ಈ ಮನುಷ್ಯನಿಗೆ ದೊಡ್ಡ ಗೌರವ ನೀಡಬೇಕು ಎಂದು ಕಮೆಂಟ್​​ ಮಾಡಿದ್ದಾರೆ.