ಎಐ ಬಳಸಿ ‘ಜೀವಂತ ಪ್ರಾಣಿ ಗೌನ್’ ವಿಡಿಯೋ ವೈರಲ್: ಡಿಜೆ ಶರ‍್ರಿ ಸೋನಿ ವಿವಾದಕ್ಕೆ!

ಸೋಶಿಯಲ್ ಮೀಡಿಯಾ ಬಂದ ಬಳಿಕವಂತೂ ಕೆಲವರು ರಾತ್ರೋರಾತ್ರಿ ಸ್ಟಾರ್ ಆಗಿಬಿಡುತ್ತಾರೆ. ಇದೀಗ ಇದೇ ಸೋಶಿಯಲ್ ಮೀಡಿಯಾ ಬಳಸಿಕೊಂಡು ಶರ‍್ರಿ ಸೋನಿ (Sherry Soni) ಹೆಸರಿನ ಮಾಡೆಲ್/ಡಿಜೆ ಮ್ಯೂಸಿಷಿಯನ್ ಫೇಮಸ್ ಆಗಿದ್ದಾರೆ. ಅಷ್ಟಕ್ಕೂ ಈಕೆ ಮಾಡಿದ್ದೇನು ಗೊತ್ತಾ? ನಾಯಿಗಳು, ಕೋಳಿಗಳಿಂದ ಮಾಡಿರುವ ಗೌನ್ ಎಂದು ಘೋಷಿಸಿ ನೋಡುಗರನ್ನ ಯಾಮಾರಿಸಿ ಅಂಥಹ ವೀಡಿಯೋವನ್ನ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈಕೆ ಜೀವಂತ ಪ್ರಾಣಿಯದ್ದು ಎನ್ನುವಂತೆ ಬಿಂಬಿಸಿ ಆ ವಿಡಿಯೋವನ್ನ ಪೋಸ್ಟ್ ಮಾಡುತ್ತಿದ್ದಾರೆ. ನಾಯಿಗಳಿಂದ ಮಾಡಿರುವ ಗೌನ್, ಹಾಗೂ ಕೋಳಿಗಳಿಂದ ಕೂಡಿದ ಗೌನ್ ವಿಡಿಯೋವಂತೂ ಭಯಂಕರ ಕುತೂಹಲ ಹುಟ್ಟಿಸುತ್ತೆ. ಆದರೆ ಇಲ್ಲಿ ಶರ‍್ರಿಸೋನಿ ನೆಟ್ಟಿಗರನ್ನ ಯಾಮಾರಿಸುತ್ತಿದ್ದಾರೆ. ಇದೆಲ್ಲ ನಿಜವಾದುದ್ದಲ್ಲ. ರೆಸ್ಕ್ಯೂ ಮಾಡಲಾದ ಪ್ರಾಣಿಗಳು ಎಂದು ಅವರು ಕ್ಯಾಪ್ಷನ್ ಹಾಕಿ ಇಂಥಹ ವೀಡಿಯೋಗಳನ್ನ ಪೋಸ್ಟ್ ಮಾಡುತ್ತಾರೆ. ಅಂದಹಾಗೆ ಇದೆಲ್ಲ ನಿಜವಾದುದ್ದಲ್ಲ. ಇವೆಲ್ಲ ಎಐ ನಿರ್ಮಿತ ವೀಡಿಯೋವಾಗಿದೆ. ಇದನ್ನ ಬಹಿರಂಗಪಡಿಸದೆ ಶರ‍್ರಿಸೋನಿ ಇಂಥಹ ವೀಡಿಯೋಗಳನ್ನ ಪೋಸ್ಟ್ ಮಾಡುತ್ತಿದ್ದರು. ಬಳಿಕ ಕಾನೂನು ಭಯ ಶುರುವಾಗಿರುವ ಪರಿಣಾಮ ಇವರೇ ಕಾಮೆಂಟ್‌ನಲ್ಲಿ ಡಿಸ್ಕ್ಲೈಮರ್ ಹಾಕಿ ಇದು ಎಐ ನಿರ್ಮಿತ ಎಂದಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ವಿಚಿತ್ರ ಡಿಸೈನರ್ ಉಡುಗೆ ಧರಿಸಿ ಫೇಮಸ್ ಆಗಿದ್ದಾಕೆ ಉರ್ಫಿ ಜಾವಿದ್. ಇದೀಗ ಉರ್ಫಿಯನ್ನು ಮೀರಿಸುವ ಪ್ರಯತ್ನದಲ್ಲಿದ್ದ ಶರ‍್ರಿಸೋನಿ ಜನರನ್ನು ಯಾಮಾರಿಸಿ ಎಡವಿದ್ದಾರೆ. ಆದರೂ ಕೆಲವರಿಗೆ ಈಕೆಯ ಉಡುಗೆಯ ಅಸಲಿಯತ್ತು ಇನ್ನೂ ತಿಳಿದುಬಂದಿಲ್ಲ. ಅಂದಹಾಗೆ ಈ ಶರ‍್ರಿಸೋನಿ ತೃತೀಯಲಿಂಗಿ ಎಂದು ಹೇಳಿಕೊಂಡಿದ್ದಾರೆ.