Ai ನಿಂದ ಆಮೀರ್ ಖಾನ್ ಗೆ ಬಂತು ಕಂಠಕ
-
Sauram Tv
- . April 29, 2025
ಮುಂಬೈ :ಬಾಲಿವುಡ್‌ ನಟ ಆಮೀರ್ ಖಾನ್ ಇತ್ತೀಚೆಗೆ ಪದೇಪದೆ ಸುದ್ದಿಯಾಗುತ್ತಿದ್ದಾರೆ. ಆದರೆ ಅದ್ಯಾಕೋ ಅವರು ಹೆಚ್ಚೆಚ್ಚು ಟ್ರೋಲ್‌ ಕೂಡ ಆಗುತ್ತಿದ್ದಾರೆ. ತಮ್ಮ 60ನೇ ವಯಸ್ಸಿನಲ್ಲಿ ಹೊಸ ಗರ್ಲ್‌ಫ್ರೆಂಡ್‌ ಪರಿಚಯಿಸಿದ್ದ ಆಮೀರ್ ಖಾನ್‌ರನ್ನ ಸೋಷಿಯಲ್‌ ಮೀಡಿಯಾದಲ್ಲಿ ತುಂಬ ಟ್ರೋಲ್‌ ಮಾಡಲಾಗುತ್ತಿದೆ.
ಇದರ ಮಧ್ಯೆಯೇ ಅವರು ವಿವಾದವೊಂದಕ್ಕೆ ಸಿಲುಕಿದ್ದರು. ಸದ್ಯ ಆಮೀರ್ ಖಾನ್ ಅವರ ಸಿಬ್ಬಂದಿ ಈ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ.
ಅಂಥದ್ದೇನಾಯ್ತು?
ಇತ್ತೀಚೆಗೆ ಆಮೀರ್‌ಖಾನ್‌ ಅವರ ಮುಂದಿನ ಸಿನಿಮಾದ್ದು ಎನ್ನಲಾದ ಒಂದು ಪೊಸ್ಟರ್‌ ಮತ್ತು ಟ್ರೇಲರ್‌ ರಿಲೀಸ್‌ ಆಗಿತ್ತು. ಅದರಲ್ಲಿ ಆಮೀರ್ ಖಾನ್ ಅವರು ಗುರುನಾನಕ್‌ ದೇವರ್‌ ಅವರ ಪಾತ್ರ ಮಾಡಿದಂತೆ ಬಿಂಬಿಸಲಾಗಿದೆ. ಟ್ರೇಲರ್‌ ರಿಲೀಸ್‌ ಆಗುತ್ತಿದ್ದಂತೆ ಆಮೀರ್ ಖಾನ್‌ಗೆ ಸೋಷಿಯಲ್‌ ಮೀಡಿಯಾದಲ್ಲಿ ಅವರಿಗೆ ಬಾಯಿಗೆ ಬಂದಂತೆ ಬೈಯಲು ಶುರು ಮಾಡಿದರು. ಆಮೀರ್ ಖಾನ್ ಏನಾದ್ರೂ ಗುರುನಾನಕ್‌ ಅವರ ಪಾತ್ರವನ್ನ ಮಾಡಿದ್ದೇ ಆದಲ್ಲಿ, ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಬಿಜೆಪಿ ವಕ್ತಾರರೊಬ್ಬರು ಹೇಳಿಕೆ ಬಿಡುಗಡೆ ಮಾಡಿದರು. ಅದರ ಬೆನ್ನಲ್ಲೇ ಆಮೀರ್ ಖಾನ್ ಪಿಆರ್‌ ಸಿಬ್ಬಂದಿ ಒಂದು ಸ್ಟೇಟ್‌ಮೆಂಟ್‌ ಬಿಡುಗಡೆ ಮಾಡಿದ್ದಾರೆ. ಇದು ಪಕ್ಕಾ ಫೇಕ್‌ ವಿಡಿಯೊ ಮತ್ತು ಪೋಸ್ಟರ್‌ ಆಗಿದೆ. ಆಮೀರ್ ಖಾನ್ ಅವರು ಅಂಥ ಯಾವುದೇ ಸಿನಿಮಾವನ್ನ ಆಗಲೀ, ಗುರುನಾನಕ್‌ ಪಾತ್ರವನ್ನಾಗಲೀ ಮಾಡುತ್ತಿಲ್ಲ ಎಂದು ಹೇಳಿದ್ದಾರೆ.
ಆಮೀರ್ ಖಾನ್ ಪಿಆರ್‌ ಸಿಬ್ಬಂದಿ ಹೇಳಿದ್ದೇನು?
ಇದೀಗ ರಿಲೀಸ್‌ ಆಗಿರುವ ಪೋಸ್ಟರ್‌ ಮತ್ತು ಟ್ರೇಲರ್‌ ಬಗ್ಗೆ ಪ್ರತಿಕ್ರಿಯೆ ನೀಡಿದ ನಟನ ಪಿಆರ್‌ ತಂಡ ʼಆಮೀರ್ ಖಾನ್ ಅವರು ಗುರು ನಾನಕ್‌ ಪಾತ್ರದಲ್ಲಿ ಕಾಣಿಸಿಕೊಂಡಂತೆ ಪೋಸ್ಟರ್‌ ಮತ್ತು ಟ್ರೇಲರ್‌ ರಿಲೀಸ್‌ ಮಾಡಲಾಗಿದೆ. ಆದರೆ ಇದು ಸಂಪೂರ್ಣ ಫೇಕ್‌. AI ಟೂಲ್‌ ಬಳಸಿ ಹೀಗೆಲ್ಲ ಮಾಡಲಾಗಿದೆ. ಆಮೀರ್ ಖಾನ್ ಅವರು ಅಂಥ ಯಾವುದೇ ಸಿನಿಮಾಗಳನ್ನೂ ಮಾಡುತ್ತಿಲ್ಲ. ಆಮೀರ್ ಖಾನ್ ಅವರಿಗೆ ಗುರು ನಾನಕ್‌ ಬಗ್ಗೆ ಅಪಾರ ಗೌರವ ಇದ್ದು, ಎಂದಿಗೂ ಅವರಿಗೆ ಅವಮಾನ ಮಾಡುವಂತೆ ನಡೆದುಕೊಳ್ಳುವುದಿಲ್ಲʼ ಎಂದು ತಿಳಿಸಿದೆ. ಇನ್ನು ಆಮೀರ್ ಖಾನ್ ಅವರ ಸಿರಾರೆ ಜಮೀನ್‌ ಪರ್‌ ಸಿನಿಮಾವು ಜೂನ್‌ 20ರಂದು ಬಿಡುಗಡೆಯಾಗಲಿದೆ.
