ರಂಜಾನ್ ಎಫೆಕ್ಟ್ :ಗಗನಕ್ಕೇರಿದ ಹಣ್ಣು ಹಂಪಲು ಮಾಂಸದ ಬೆಲೆ

ಮಂಗಳೂರು: ರಮ್ಜಾನ್‌ ವ್ರತಾಚಾರಣೆ ದಿನಗಳು ಆರಂಭಗೊಂಡಿದ್ದು, ಹಣ್ಣುಹಂಪಲುಗಳ ಬೆಲೆಯಲ್ಲಿದಿಢೀರ್‌ ಏರಿಕೆ ಉಂಟಾಗಿದೆ. ಮಾರ್ಚ್ ತಿಂಗಳ ಆರಂಭದಲ್ಲಿಕಿಲೋಗೆ 40 ರೂ. ಇದ್ದ ಕಿತ್ತಳೆ ಹಣ್ಣಿಗೆ ಈಗ 80ರಿಂದ 90 ರೂ.ವರೆಗೆ ಬೆಲೆ ಇದೆ. ಸೆಕೆ ಹೆಚ್ಚಿರುವುದರಿಂದ ಪಾನೀಯ ಇತ್ಯಾದಿಗಳನ್ನು ತಯಾರಿಸಲು ಹಣ್ಣುಗಳನ್ನು ಉಪಯೋಗಿಸಲಾಗುತ್ತಿದ್ದು, ಬೇಡಿಕೆ ಹೆಚ್ಚಾಗಿದೆ. ಕಲ್ಲಂಗಡಿ ಬೆಲೆಯಲ್ಲಿಮಾತ್ರ ಯಾವುದೇ ಬದಲಾವಣೆಯಾಗಿಲ್ಲ. ಕಲ್ಲಂಗಡಿ ಕಿಲೋಗೆ 22ರಿಂದ 25 ರೂ.ವರೆಗೆ ಮಾರಾಟವಾಗುತ್ತಿದೆ. ಹಳದಿ ಕಲ್ಲಂಗಡಿ ಹಣ್ಣಿಗೆ ಕಿಲೋಗೆ 30 ರೂ. ಬೆಲೆ ಇದೆ. ಮಾರ್ಚ್ ತಿಂಗಳ ಆರಂಭದಲ್ಲೂಇದೇ ಬೆಲೆ ಇತ್ತು. ಸ್ಟ್ರಾಬೆರಿ ಬೆಲೆಯಲ್ಲೂಅಷ್ಟೊಂದು ವ್ಯತ್ಯಾಸವಿಲ್ಲ. ಸ್ಟ್ರಾಬೆರಿ ಬಾಕ್ಸ್‌ 50ರಿಂದ 60 ರೂ.ಗೆ ಲಭ್ಯವಿದೆ. ಇದೇ ಸಂದರ್ಭ ಮಾರ್ಚ್ ತಿಂಗಳ ಆರಂಭದಲ್ಲಿಭಾರಿ ಏರಿಕೆ ಉಂಟಾಗಿದ್ದ ನೇಂದ್ರ ಬಾಳೆಹಣ್ಣಿನ ಬೆಲೆಯಲ್ಲಿಇಳಿಕೆ ಉಂಟಾಗಿದೆ. ಕಿಲೋಗೆ 80ರಿಂದ 90 ರೂ.ವರೆಗೆ ಇದ್ದ ನೇಂದ್ರ ಬಾಳೆಹಣ್ಣಿನ ಬೆಲೆ ಈಗ 60ರಿಂದ 70 ರೂ.ಗೆ ಬಂದು ನಿಂತಿದೆ. ನೇಂದ್ರ ಬಾಳೆಹಣ್ಣಿನ ಲಭ್ಯತೆ ಹೆಚ್ಚಾಗಿರುವುದು ಇದಕ್ಕೆ ಕಾರಣವೆನ್ನಬಹುದು.

ಕೋಳಿ ಮಾಂಸಕ್ಕೆ ಬೇಡಿಕೆ
ರಮ್ಜಾನ್‌ ವ್ರತಾಚಾರಣೆ ದಿನಗಳಲ್ಲಿಮೀನು ಮಾರುಕಟ್ಟೆಗಳಲ್ಲಿಅಗತ್ಯದಷ್ಟು ಮೀನುಗಳು ಲಭಿಸದ ಹಿನ್ನೆಲೆಯಲ್ಲಿಕೋಳಿ ಮಾಂಸಕ್ಕೆ ಬೇಡಿಕೆ ಹೆಚ್ಚಾಗಿದೆ. ಇದನ್ನು ಮುಂದಿಟ್ಟುಕೊಂಡು ಕೋಳಿಗೆ ಮನ ಬಂದಂತೆ ಬೆಲೆ ವಸೂಲಿ ಮಾಡುತ್ತಿರುವುದಾಗಿ ದೂರು ಕೇಳಿಬರುತ್ತಿವೆ. ಪ್ರತಿ ವರ್ಷ ರಮ್ಜಾನ್‌ ವ್ರತಾಚಾರಣೆ ದಿನಗಳಲ್ಲಿಮೀನು ಮಾರುಕಟ್ಟೆಗಳಲ್ಲಿಸಿಗಡಿ ಮೊದಲಾದ ಮೀನುಗಳು ಯಥೇಚ್ಛವಾಗಿ ಲಭಿಸುತ್ತಿದ್ದವು. ಆದರೆ ಈ ಬಾರಿ ಮೀನಿನ ಲಭ್ಯತೆ ಕೊರತೆ ಮಾರುಕಟ್ಟೆಯನ್ನು ಬಾಧಿಸುತ್ತಿದೆ. ಲಭಿಸುವ ಮೀನಿನ ಬೆಲೆಯೂ ದುಬಾರಿಯಾಗಿದೆ.

ಕಿಲೋಗೆ 105 ರೂ. ಇದ್ದ ಕೋಳಿಗೆ ಈಗ 125 ರೂ.ವರೆಗೆ ಬೆಲೆ ಇದೆ. ಕೆಲ ಪ್ರದೇಶಗಳಲ್ಲಿ120ರಿಂದ 130 ರೂ.ವರೆಗೆ ಬೆಲೆ ಇದೆ. ಇನ್ನು ಕೆಲವೆಡೆ 95ರಿಂದ 105 ರೂ.ವರೆಗೆ ಬೆಲೆ ಇದೆ. ರಮ್ಜಾನ್‌ ತಿಂಗಳಲ್ಲಿಮೀನಿನ ಲಭ್ಯತೆ ಕುಸಿದಿರುವುದರಿಂದ ಕೋಳಿ ಮಾಂಸವನ್ನು ಆಶ್ರಯಿಸುವವರ ಸಂಖ್ಯೆ ಹೆಚ್ಚಾಗಿದೆ. ಆದುದರಿಂದ ಬೆಲೆ ಹೆಚ್ಚಳ ಜನಸಾಮಾನ್ಯರನ್ನು ಆರ್ಥಿಕವಾಗಿ ಬಾಧಿಸುತ್ತಿದೆ.