ಉತ್ತರ ಪೆಸಿಫಿಕ್ ಮಹಾಸಾಗರದಲ್ಲಿ 6.5 ತೀವ್ರತೆಯ ಭೂಕಂಪ

ಉತ್ತರ ಪೆಸಿಫಿಕ್ ಮಹಾಸಾಗರದಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ್ದು, ರಾಷ್ಟ್ರೀಯ ಭೂಕಂಪನ ಕೇಂದ್ರದ (NCS) ಪ್ರಕಾರ, ಇದರ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 6.5 ರಷ್ಟಿತ್ತು.ಈ ಭೂಕಂಪವು 80 ಕಿ.ಮೀ ಆಳದಲ್ಲಿ ಕೇಂದ್ರೀಕೃತವಾಗಿತ್ತು. ಇದಕ್ಕೂ ಕೆಲವೇ ಗಂಟೆಗಳ ಮೊದಲು ಅದೇ ಪ್ರದೇಶದಲ್ಲಿ 6.2 ತೀವ್ರತೆಯ ಮತ್ತೊಂದು ಭೂಕಂಪ ಸಂಭವಿಸಿತ್ತು.ಈ ಪ್ರದೇಶವು ಸುತ್ತಮುತ್ತಲಿನ ಪೆಸಿಫಿಕ್ ಭೂಕಂಪನ ಪಟ್ಟಿಯ (Ring of Fire) ಅಂಚಿನಲ್ಲಿದ್ದು, ಇದು ವಿಶ್ವದ ಅತಿ ದೊಡ್ಡ ಭೂಕಂಪನ ಪಟ್ಟಿಯಾಗಿದೆ.ಈವರೆಗೆ ಭೂಕಂಪದಿಂದಾದ ಯಾವುದೇ ಹಾನಿ ಅಥವಾ ಸುನಾಮಿ ಎಚ್ಚರಿಕೆಯ ಬಗ್ಗೆ ವರದಿಯಾಗಿಲ್ಲ.ವಿಶ್ವದ ಸುಮಾರು 81 ಪ್ರತಿಶತದಷ್ಟು ದೊಡ್ಡ ಭೂಕಂಪಗಳು ಈ ಪೆಸಿಫಿಕ್ ಅಂಚಿನಲ್ಲಿಯೇ ಸಂಭವಿಸುತ್ತವೆ.