ಗ್ಯಾಸ್ ಗೀಸರ್ ವಿಷಾನಿಲ ಸೋರಿಕೆ; ತಾಯಿ ಮತ್ತು ಮಗ ಸಾವು

ಬೆಂಗಳೂರು : ಪಂಚಶೀಲನಗರದಲ್ಲಿ ಭೀಕರ ಘಟನೆಯೊಂದು ನಡೆದಿದ್ದು, ಗ್ಯಾಸ್ ಗೀಸರ್‌ನಿಂದ ವಿಷಾನಿಲ (ಇಂಗಾಲದ ಮಾನಾಕ್ಸೈಡ್) ಸೋರಿಕೆಯಾಗಿ ತಾಯಿ ಮತ್ತು ಮಗ ಮೃತಪಟ್ಟಿದ್ದಾರೆ.ಚಾಂದಿನಿ (26) ಮತ್ತು ಅವರ ನಾಲ್ಕು ವರ್ಷದ ಮಗ ಕಿರಣ್ ಸ್ನಾನಗೃಹದಲ್ಲಿ ಸಾವನ್ನಪ್ಪಿದ್ದು, ಗೋವಿಂದರಾಜನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ಸ್ನಾನಗೃಹಗಳಲ್ಲಿ ವಾತಾಯನ (Ventilation) ಕೊರತೆಯಿಂದ ಗ್ಯಾಸ್ ಗೀಸರ್‌ನಿಂದ ಹೊರಬರುವ ವಿಷಾನಿಲ ಉಸಿರಾಟದ ತೊಂದರೆ ನೀಡಿ ಸಾವಿಗೆ ಕಾರಣವಾಗುತ್ತದೆ.

ಪೊಲೀಸರು ಮತ್ತು ತಜ್ಞರು, ಗೀಸರ್ ಬಳಸುವವರು ವಾತಾಯನ ಖಚಿತಪಡಿಸಿಕೊಳ್ಳುವುದು ಮತ್ತು ಗ್ಯಾಸ್ ಸೋರಿಕೆ ಡಿಟೆಕ್ಟರ್‌ಗಳನ್ನು ಅಳವಡಿಸುವುದು ಕಡ್ಡಾಯ ಎಂದು ಎಚ್ಚರಿಸಿದ್ದಾರೆ.ಗ್ಯಾಸ್ ಗೀಸರ್ ಬಳಕೆದಾರರು ಸೂಕ್ತ ಮುನ್ನೆಚ್ಚರಿಕೆ ವಹಿಸಿ, ಇಂತಹ ದುರಂತಗಳು ಮರುಕಳಿಸದಂತೆ ನೋಡಿಕೊಳ್ಳಲು ಮನವಿ ಮಾಡಲಾಗಿದೆ.