ಸುಪ್ರೀಂ ಕೋರ್ಟ್ ಸ್ಫೋಟದ ಮೂಲದ ಬಗ್ಗೆ ಗೊಂದಲ: ಗ್ಯಾಸ್ ಸಿಲಿಂಡರ್ ಅಥವಾ ಏರ್ ಕಂಡಿಷನಿಂಗ್ ವ್ಯವಸ್ಥೆಯ ದುರಸ್ತಿ!

ಪಾಕಿಸ್ತಾನದ ಸುಪ್ರೀಂ ಕೋರ್ಟ್ ಕಟ್ಟಡದಲ್ಲಿ ಸ್ಫೋಟ ಸಂಭವಿಸಿದ್ದು, 12 ಜನರು ಗಾಯಗೊಂಡಿದ್ದಾರೆ. ಸುಪ್ರೀಂ ಕೋರ್ಟ್‌ನ ನೆಲಮಾಳಿಗೆಯ ಕ್ಯಾಂಟೀನ್‌’ನಲ್ಲಿ ಗ್ಯಾಸ್ ಸಿಲಿಂಡರ್ ಸ್ಫೋಟಗೊಂಡಿದ್ದು, ಈ ಭಾರಿ ಸ್ಫೋಟ ಸಂಭವಿಸಿದೆ ಎಂದು ಪ್ರಾಥಮಿಕ ವರದಿಗಳು ಸೂಚಿಸುತ್ತವೆ. ಆದಾಗ್ಯೂ, ಹವಾನಿಯಂತ್ರಣ ವ್ಯವಸ್ಥೆಯ ದುರಸ್ತಿ ಸಮಯದಲ್ಲಿ ಸ್ಫೋಟ ಸಂಭವಿಸಿದೆ ಎಂದು ಸ್ಥಳೀಯ ಮಾಧ್ಯಮಗಳು ನಂತರ ವರದಿ ಮಾಡಿವೆ.

ಪಾಕಿಸ್ತಾನಿ ಟಿವಿ ಚಾನೆಲ್ ಸಮಾ ಟಿವಿ ಪ್ರಕಾರ, ಕಟ್ಟಡದ ಕೇಂದ್ರ ಹವಾನಿಯಂತ್ರಣ ವ್ಯವಸ್ಥೆಯ ದುರಸ್ತಿ ಸಮಯದಲ್ಲಿ ಸ್ಫೋಟ ಸಂಭವಿಸಿದೆ ಎಂದು ಮೂಲಗಳು ದೃಢಪಡಿಸಿವೆ.

ಹಠಾತ್ ಸ್ಫೋಟದಿಂದಾಗಿ ಸುಪ್ರೀಂ ಕೋರ್ಟ್ ಕಟ್ಟಡದಲ್ಲಿ ಗೊಂದಲದ ವಾತಾವರಣ ಉಂಟಾಯಿತು. ಕಂಪನದಿಂದ ಇಡೀ ಕಟ್ಟಡ ನಡುಗಿತು, ವಕೀಲರು, ನ್ಯಾಯಾಧೀಶರ ಸಿಬ್ಬಂದಿ ಮತ್ತು ಇತರ ನೌಕರರು ಭಯಭೀತರಾಗಿ ಓಡಿಹೋದರು.