ಜೇನ್ ಬಿರ್ಕಿನ್‌ರ ಮೂಲ ‘ಬಿರ್ಕಿನ್ ಬ್ಯಾಗ್’ ₹85 ಕೋಟಿಗೆ ಮಾರಾಟ: ಐಷಾರಾಮಿ ಹರಾಜಿನಲ್ಲಿ ಹೊಸ ದಾಖಲೆ!

ದಿವಂಗತ ನಟಿ, ಗಾಯಕಿ ಹಾಗೂ ಫ್ಯಾಷನ್ ಐಕಾನ್ ಖ್ಯಾತಿ ಜೇನ್ ಬಿರ್ಕಿನ್‌ಗಾಗಿ ಹರ್ಮೆಸ್ ತಯಾರಿಸಿದ ಮೂಲ ಬಿರ್ಕಿನ್ ಬ್ಯಾಗ್, ಪ್ಯಾರಿಸ್ನಲ್ಲಿ ನಡೆದ ಹರಾಜಿನಲ್ಲಿ 5.58 ಮಿಲಿಯನ್ ಯುರೋಗಳಿಗೆ( ಸುಮಾರು 85 ಕೋಟಿ ರೂ.) ಮಾರಾಟವಾಗಿದೆ ಎಂದು ಗುರುವಾರ ವರದಿಯಾಗಿದೆ.

ಪ್ಯಾರಿಸ್ ಮೂಲದ ಪ್ರಸಿದ್ಧ ಹ್ಯಾಂಡ್‌ಬ್ಯಾಗ್ ಸಂಗ್ರಾಹಕರೊಬ್ಬರ ಒಡೆತನದ ಈ ಕ್ಲಾಸಿಕ್ ಬ್ಯಾಗ್ 7.0 ಮಿಲಿಯನ್ ಯುರೋಗಳವರೆಗೆ ಟೆಲಿಫೋನ್ ಬಿಡ್ಡಿಂಗ್ ಆರಂಭವಾಯಿತು. ಅಂತಿಮ ಮಾರಾಟ ಬೆಲೆ ಕಮಿಷನ್ ಮತ್ತು ಶುಲ್ಕದೊಂದಿಗೆ 8.58 ಮಿಲಿಯನ್‌ಗೆ(85 ಕೋಟಿ ರೂ.) ನಿಗದಿಪಡಿಸಲಾಗಿದೆ ಎಂದು ರಾಯಿಟರ್ಸ್ ವರದಿ ಮಾಡಿದೆ.

1984ರಲ್ಲಿ ಪ್ಯಾರಿಸ್ ಫ್ಯಾಷನ್ ಹೌಸ್ ಲಂಡನ್‌ನಲ್ಲಿ ಜನಿಸಿದ ಜೇನ್ ಬಿರ್ಕಿನ್ಗಾಗಿ ಮೊದಲು ರಚಿಸಲಾದ ಬಿರ್ಕಿನ್ ಬ್ಯಾಗ್, ವಿಶ್ವದ ಅತ್ಯಂತ ವಿಶೇಷ ಮತ್ತು ದುಬಾರಿ ಐಷಾರಾಮಿ ವಸ್ತುಗಳಲ್ಲಿ ಒಂದಾಗಿದೆ.

2023ರಲ್ಲಿ 76 ನೇ ವಯಸ್ಸಿನಲ್ಲಿ ನಿಧನರಾದ ಬಿರ್ಕಿನ್, ಒಂದು ದಶಕದ ಕಾಲ ಮೂಲ ಹ್ಯಾಂಡ್ ಬ್ಯಾಗ್ ಹೊಂದಿದ್ದರು ಮತ್ತು 1994ರಲ್ಲಿ ಏಡ್ಸ್ ದತ್ತಿ ಸಂಸ್ಥೆಗೆ ಹಣವನ್ನು ಸಂಗ್ರಹಿಸಲು ಅದನ್ನು ಹರಾಜಿಗೆ ದಾನ ಮಾಡಿದರು. ನಂತರ ಅದನ್ನು ಪ್ಯಾರಿಸ್‌ನಲ್ಲಿ ಐಷಾರಾಮಿ ಅಂಗಡಿ ಹೊಂದಿರುವ ಕ್ಯಾಥರೀನ್ ಬೆನಿಯರ್ ಖರೀದಿಸಿದ್ದರು. ಇದ ಇದೀಗಅದನ್ನು ಮಾರಾಟ ಮಾಡುವ ಮೊದಲು 25 ವರ್ಷಗಳ ಕಾಲ ಅದನ್ನು ಹೊಂದಿದ್ದರು.

2021ರಲ್ಲಿ ವೈಟ್ ಹಿಮಾಲಯ ನಿಲೋಟಿಕಸ್ ಕ್ರೊಕೊಡೈಲ್ ಡೈಮಂಡ್ ರಿಟೋರ್ನ್ ಕೆಲ್ಲಿಯ 28 ಹ್ಯಾಂಡ್‌ಬ್ಯಾಗ್‌ಗಳ ಹಿಂದಿನ ದಾಖಲೆಯ ಬೆಲೆಯನ್ನು ಮುರಿದು ಹೊಸ ದಾಖಲೆ ನಿರ್ಮಾಣ ಮಾಡಿದೆ ಎಂದು ವರದಿ ಉಲ್ಲೇಖಿಸಿದೆ.