ಆಕ್ಸ್‌ಫರ್ಡ್ ಪದವೀಧನಾದರೂ ಸಿಗಲಿಲ್ಲ ಉದ್ಯೋಗ: ಡೆಲಿವರಿ ಬಾಯ್ ಆಗಿ ಕೆಲಸ

ಆಕ್ಸ್​ಫರ್ಡ್​ ವಿಶ್ವವಿದ್ಯಾಲಯದಲ್ಲಿ ಓದಿದ್ದರೂ ಸೂಕ್ತ ಉದ್ಯೋಗ ಸಿಗದ ಕಾರಣ ಪದವೀಧರ ವ್ಯಕ್ತಿಯೊಬ್ಬರು ಡೆಲಿವರಿ ಬಾಯ್ ಆಗಿ ಕೆಲಸ ಮಾಡುತ್ತಿದ್ದಾರೆ.

ಹೌದು, ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದಲ್ಲಿ ಓದುತ್ತಿದ್ದರೂ, ಸೂಕ್ತವಾದ ಕೆಲಸ ಸಿಗದ ಕಾರಣ ಚೀನಾದ 39 ವರ್ಷದ ಡಿಂಗ್ ಯುವಾನ್‌ಜಾವೊ ಸಿಂಗಾಪುರದಲ್ಲಿ ಡೆಲಿವರಿ ಬಾಯ್ ಆಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮ, 163.com ಮತ್ತು ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್‌ನಲ್ಲಿ ವರದಿ ಮಾಡಿದೆ.
ಇದೀಗ ಈ ಸುದ್ದಿ ಪ್ರಪಂಚದಾದ್ಯಂತ ವೈರಲ್ ಆಗುತ್ತಿದೆ.

ಚೀನಾದ ಪುಜಿಯಾನದಲ್ಲಿ ಜನಿಸಿದ ಡಿಂಗ್ 2004ರಲ್ಲಿ ಉನ್ನತ ಶಿಕ್ಷಣ ಪಡೆದರು. ಚೀನಾದ ಅತ್ಯಂತ ಕಠಿಣ ಪರೀಕ್ಷೆಯಾದ(ವಿವಿ ಪ್ರವೇಶ ಪರೀಕ್ಷೆ) ಗಾವೋಕೊದಲ್ಲಿ 750 ಮಾರ್ಕ್ಸ್​ಗೆ 700 ಅಂಕ ಪಡೆದು ವಿವಿ ಪ್ರವೇಶ ಪಡೆದರು. ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿಯನ್ನು, ಸಿಂಗಾಪುರದ ನಾನ್ಯಾಂಗ್ ತಾಂತ್ರಿಕ ವಿಶ್ವವಿದ್ಯಾಲಯದಿಂದ (NTU) ಜೀವಶಾಸ್ತ್ರದಲ್ಲಿ ಪಿಎಚ್‌ಡಿ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದಿಂದ ಜೀವವೈವಿಧ್ಯದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದರು.

ಅಧ್ಯಯನದ ನಂತರ, ಡಿಂಗ್ ಸಿಂಗಾಪುರದ ರಾಷ್ಟ್ರೀಯ ವಿಶ್ವವಿದ್ಯಾಲಯದಲ್ಲಿ (NUS) ಪೋಸ್ಟ್‌ಡಾಕ್ಟರಲ್ ಸಂಶೋಧಕರಾಗಿ ಕೆಲಸ ಮಾಡಿದರು. ಆದರೆ ಅವರ ಒಪ್ಪಂದವು ಮಾರ್ಚ್ 2024 ರಲ್ಲಿ ಮುಕ್ತಾಯಗೊಂಡಾಗ, ಅವರು ಉದ್ಯೋಗ ಹುಡುಕಾಟವನ್ನು ಪ್ರಾರಂಭಿಸಿದರು.

10 ಕಂಪನಿಗಳಿಂದ ರಿಜೆಕ್ಟ್​

ಇನ್ನು ಡಿಂಗ್​ ಹಲವು ಕಂಪನಿಗಳಿಗೆ ತನ್ನ ರಿಸ್ಯೂಮ್​​ ಕಳುಹಿಸಿದ್ದಾರೆ. ಅಲ್ಲದೆ, 10 ಕ್ಕೂ ಅಧಿಕ ಸಂದರ್ಶನಕ್ಕೆ ಹಾಜರಾಗಿದ್ದಾರೆ. ಆದರೂ ಆರ್ಹತೆ ಹೊರತಾಗಿಯೂ, ಡಿಂಗ್​ ಸೂಕ್ತವಾದ ಕೆಲಸ ಸಿಗಲಿಲ್ಲ. ಹೀಗಾಗಿ, ಡಿಂಗ್​​ಬದಲಾಗಿ, ಅವನು ಬೇರೆ ಮಾರ್ಗವನ್ನು ಆರಿಸಿಕೊಂಡನು. ಸಿಂಗಾಪುರದಲ್ಲಿ ಆಹಾರ ವಿತರಣಾ ರೈಡರ್ ಆಗಿ ಕೆಲಸ ಮಾಡುತ್ತಾನೆ ಎಂದು ವರದಿ ಉಲ್ಲೇಖಿಸಿದೆ
ಡಿಂಗ್​ ಡೆಲಿವರಿ ಬಾಯ್​

ಇನ್ನು ಡಿಂಗ್​ ಡೆಲಿವರಿ ಬಾಯ್​ ಆಗಿ ದಿನಕ್ಕೆ 10 ಗಂಟೆಗಳ ಕಾಲ ಕೆಲಸ ಮಾಡುತ್ತಿದ್ದಾರೆ. ಅವರು ವಾರಕ್ಕೆ SG$700 ಗಳಿಸುತ್ತಿದ್ದಾರೆ( ಸುಮಾರು 47,000 ರೂ.) ಅಂದರೆ ಡಿಂಗ್​ ತಿಂಗಳಿಗೆ 2 ಲಕ್ಷ ರೂ. ಗಳಿಸುತ್ತಿದ್ದಾರೆ. ಇದು ಕೆಲಸದ ಸೋಲಲ್ಲ. ಕುಟುಂಬವನ್ನು ಪೋಷಿಸುವ ಮತ್ತೊಂದು ಮಾರ್ಗವಾಗಿದೆ.

ಇದು ಸ್ಥಿರವಾದ ಕೆಲಸ. ಈ ಆದಾಯದಿಂದ ನಾನು ನನ್ನ ಕುಟುಂಬವನ್ನು ಪೋಷಿಸಬಹುದು. ನೀವು ಕಷ್ಟಪಟ್ಟು ಕೆಲಸ ಮಾಡಿದರೆ, ನೀವು ಚೆನ್ನಾಗಿ ಸಂಪಾದಿಸಬಹುದು. ಇದು ಕೆಟ್ಟ ಕೆಲಸವಲ್ಲ ಎಂದು ಡಿಂಗ್​ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ