ಅಜ್ಜನ ಪಿಂಚಣಿಯಲ್ಲಿ ಪಡೆದ ಸೈಕಲ್ ನಿಂದ ದುರಂತ ಅಂತ್ಯ ಕಂಡ ಮಕ್ಕಳು

ಹೈದೆರಬಾದ್:ಹೊಸ ಸೈಕಲ್​ ಖರೀಸಿದ ಖುಷಿಯಲ್ಲಿ ಅಕ್ಕ-ತಮ್ಮ ರಸ್ತೆಯಲ್ಲಿ ಆಡಲು ಹೋದಾಗ ಸೈಕಲ್​ ನಿಯಂತ್ರಣ ತಪ್ಪಿ ಆಕೆ (ಅಕ್ಕ) ನೀರಿನ ಹೊಂಡಕ್ಕೆ ಬಿದ್ದಿದ್ದು, ಅಕ್ಕನನ್ನು ಕಾಪಾಡಲು ಹೋದ ತಮ್ಮ(ಸಹೋದರ) ಕೂಡ ಹೊಂಡದಲ್ಲಿ ಮುಳುಗಿ ಮೃತ ಪಟ್ಟಿರುವ ಘಟನೆ ಹೈದರಾಬಾದ್​ನ ಬಂಜಾರ ಹಿಲ್ಸ್​ ಪ್ರದೇಶದಲ್ಲಿ ಶನಿವಾರ ನಡೆದಿದೆ.

ಇಲ್ಲಿನ ಮಂಡಲ ಕೇಂದ್ರದ ಲಂಕಾ ಸ್ವಾಮಿ ಮತ್ತು ಗೀತಾ ದಂಪತಿಗಳ ಪುತ್ರ ವಿದತ್ (10) ಮತ್ತು ಮಗಳು(11) ಮೃತರು. ಖಾಸಗಿ ಶಾಲೆಯಲ್ಲಿ 5 ಮತ್ತು 6 ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದರು.

ಘಟನೆ ಏನು?

ಅಜ್ಜ ರಾಜೇಶ್ವರ್ ಶುಕ್ರವಾರ ತನ್ನ ಮೊಮ್ಮಗ ಮತ್ತು ಮೊಮ್ಮಗಳಿಗೆ ಹೊಸ ಸೈಕಲ್‌ಗಳನ್ನು ಖರೀದಿಸಿದರು. ಆ ಸಂತೋಷದಲ್ಲಿ, ಇಬ್ಬರೂ ಮಕ್ಕಳು ಶನಿವಾರ ಶಾಲೆಗೆ ಹೋಗಲಿಲ್ಲ. ಅಂದು ಮನೆಯಲ್ಲಿ ಯಾರು ಇಲ್ಲದಿದ್ದಾಗ ಅಕ್ಕ-ತಮ್ಮ ಇಬ್ಬರು ಹೊಸ ಸೈಕಲ್​ಗಳನ್ನು ರಸ್ತೆಯಲ್ಲಿ ಆಡಲು ಹೋಯ್ದಿದ್ದಾರೆ. ರಸ್ತೆಯಲ್ಲಿ ಪೆಡಲ್​ ತುಳಿಯುವ ವೇಳೆ ನಿಯಂತ್ರಣ ತಪ್ಪಿ ನೀರಿನ ಹೊಂಡಕ್ಕೆ ಬಿದ್ದಿದ್ದಾಳೆ. ಆ ಪ್ರದೇಶದಲ್ಲಿ ಯಾರು ಇಲ್ಲದ ಕಾರಣ ಅಕ್ಕನನ್ನು ಕಾಪಾಡಲು ಸಹೋದರನೇ ನೀರಿಗೆ ಇಳಿದಿದ್ದಾನೆ. ಇಬ್ಬರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ. ಮನೆಯಲ್ಲಿ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.