ಮೈಸೂರಿನ “ಹುಲಿ ರಮ್”ಗೆ ಆಂಧ್ರ ಸಿಎಂ ಆಹ್ವಾನ: ಶುಲ್ಕ ಏರಿಕೆಯಿಂದ ಕರ್ನಾಟಕದಿಂದ ಸ್ಥಳಾಂತರದ ಭೀತಿ!

ದೇಶದಲ್ಲಿಯೇ ಮೊದಲ ಬಾರಿಗೆ ಬೆಲ್ಲದ ರಮ್ ಒಂದು ಈಗಾಗಲೇ ಮಾರುಕಟ್ಟೆಗೆ ಬಿಡುಗಡೆ ಆಗಿದೆ. ಅದರಲ್ಲಿಯೂ ಈ ರಮ್‌ ನಮ್ಮ ಕರ್ನಾಟಕದ್ದು, ಅದೂ ಸಹ ಮೈಸೂರಿನಲ್ಲಿಯೇ ತಯಾರಾಗುವ ರಮ್‌ ಎಂಬ ಅಂಶ ಬಿಡುಗಡೆಯಾದ ವೇಳೆ ದೊಡ್ಡಮಟ್ಟದಲ್ಲಿ ಚರ್ಚೆಗೆ ಕಾರಣವಾಗಿತ್ತು. ಹೌದು, ಮೈಸೂರು ಸ್ಪೆಷಲ್ ಬ್ರಾಂಡ್ ಆಗಿದ್ದು, ಹೆಸರು ಕನ್ನಡದಲ್ಲಿಯೇ ಇಟ್ಟಿರುವುದು ಇದರ ವಿಶೇಷವಾಗಿದೆ.

ಈಗಾಗಲೇ ಮದ್ಯ ಪ್ರಿಯರು ಈ ಹುಲಿ ರಮ್‌ ಟೆಸ್ಟ್‌ ಮಾಡಿ ಸಖತ್‌ ಎಂದು ಹೇಳುತ್ತಿದ್ದಾರೆ. ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ ಈ ಹುಲಿ ರಮ್‌ ಕಡಿಮೆ ಸಮಸಯದಲ್ಲಿ ಸಖತ್‌ ಫೇಮಸ್‌ ಆಘಿದ್ದು, ಸದ್ಯ ರಮ್‌ ಪ್ರೀಯರ್‌ ಲಿಸ್ಟ್‌ ಸೇರಿದೆ. ಆದರೆ ಇದೀಗ ಈ ಹೆಮ್ಮೆಯ ಕರ್ನಾಟಕದ ಬ್ರ್ಯಾಂಡ್‌ ಆಗಿರುವಂತಹ ಹುಲಿ ರಮ್‌ಗೆ ದೊಡ್ಡ ಸಂಕಷ್ಟ ಎದುರಾಗಿದೆ.

ಹುಲಿ ರಮ್‌ಗೆ ಸಂಕಷ್ಟ:

ಹೌದು, ಕರ್ನಾಟಕದಲ್ಲಿ ಅದೆಷ್ಟೋ ಸಾವಿರಾರು ಕೋಟಿ ಹೂಡಿಕೆ ಮಾಡಿರುವ ದೊಡ್ಡ ದೊಡ್ಡ ಕಂಪನಿಗಳಿವೆ. ಅದೇ ರೀತಿ ರಾಜ್ಯದಲ್ಲಿ ಅನೇಕ ಚಿಕ್ಕ ಚಿಕ್ಕ ಅಥವಾ ಮಧ್ಯಮ ಕಂಪನಿಗಳು ಇವೆ. ಇದರ ನಡುವೆ ಇದೀಗ ಕರ್ನಾಟಕದ ದೇಸಿ ಮದ್ಯ ಉದ್ಯಮ ಹುಲಿ ರಮ್‌ಗೆ (Huli Rum) ಸಂಕಷ್ಟ ಎದುರಾಗಿದೆ. ಡಿಸ್ಟಿಲರಿ ನವೀಕರಣ ಶುಲ್ಕ ಶೇ.50ರಷ್ಟು ಏರಿಕೆ ಆಗಿರುವುದೇ ಇದಕ್ಕೆ ಕಾರಣವಾಗಿದೆ. ಹೀಗಾಗಿ ಮಾಲೀಕರು ಉದ್ಯಮವನ್ನೇ ಬೇರೆ ರಾಜ್ಯಕ್ಕೆ ಸ್ಥಳಾಂತರಿಸುವ ಅನಿವಾರ್ಯತೆಗೆ ಸಿಲುಕಿದ್ದಾರೆ.

ಡಿಸ್ಟಿಲರಿ ನವೀಕರಣ ಶುಲ್ಕ ಶೇ.50ರಷ್ಟು ಏರಿಕೆಯಿಂದ ಹುಲಿ ರಮ್ ಉದ್ಯಮಕ್ಕೆ ಸಂಕಷ್ಟ ಎದುರಾಗಿದೆ. ಕೆಲ ಮೂಲಗಳ ವರದಿ ಪ್ರಕಾರ ಸದ್ಯ ಹುಲಿ ರಮ್‌ ತನ್ನ ಶಾಖೆಯನ್ನು ಮಹಾರಾಷ್ಟ್ರ ಅಥವಾ ಗೋವಾಗೆ ಶಿಫ್ಟ್‌ ಮಾಡುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಹೀಗಾಗದರೆ ನೂರಾರು ಜನರಿಗೆ ಉದ್ಯೋಗ ಇಲ್ಲದಂತಾಗುತ್ತದೆ. ಏಕೆಂದರೆ ಈ ಕಂಪನಿಯಲ್ಲಿ ಮೈಸೂರಿನ ಸುತ್ತ-ಮುತ್ತಲಿನ ಜನರು ಕೆಲಸ ಮಾಡ್ತಿದ್ದಾರೆ.

ಹುಲಿ ರಮ್‌ಗೆ ಆಂಧ್ರ ಆಹ್ವಾನ:

ಇದರ ನಡುವೆ, ದೇಶದ ಮೊದಲ ಬೆಲ್ಲದ ರಮ್‌ ಆಗಿರುವ ಮೈಸೂರಿನ ಹುಲಿ ರಮ್‌ಗೆ ರಾಜ್ಯದಲ್ಲಿ ಸಮಸ್ಯೆ ಎದುರಾದ ಬೆನ್ನಲ್ಲೇ ಇದೀಗ ಹುಲಿ ರಮ್ ಸಂಸ್ಥಾಪಕ ಸೋಶಿಯಲ್ ಮೀಡಿಯಾ ಪೋಸ್ಟ್ ಮಾಡಿದ್ದರು. ಇದಕ್ಕೆ ಆಂಧ್ರ ಮುಖ್ಯಮಂತ್ರಿಗಳು ನಮ್ಮಲ್ಲಿಗೆ ಬನ್ನಿ ಎಂದು ಹೇಳುವ ಮೂಲಕ ಮುಕ್ತವಾದ ಆಹ್ವಾನ ನೀಡಿದ್ದಾರೆ. ಸದ್ಯ ಈ ದೇಶಿ ರಮ್‌ ನಮ್ಮಲ್ಲಿಯೇ ಉಳಿದರೆ ಉತ್ತಮವಾಗಿದೆ. ಏಕೆಂದರೆ ಇದರಿಂದಾಗಿ ಅನೇಕರಿಗೆ ಸ್ಥಳೀಯವಾಗಿ ಕೆಲಸ ಸಿಗುತ್ತದೆ. ಇದಿಲ್ಲವಾದ್ದಲ್ಲಿ ಅನೇಕರು ನಿರುದ್ಯೋಗಿಗಳಾಗುವ ಸಮಸ್ಯೆ ಎದುರಾಗಬಹುದು.

ಹುಲಿ ರಮ್‌ ಬೆಲೆ ಎಷ್ಟು?

ಮೈಸೂರಿನ ನಂಜನಗೂಡು ತಾಲೂಕಿನಲ್ಲಿರುವ ಭಾರತದ ಮೊದಲ ಮೈಕ್ರೋ-ಡಿಸ್ಟಿಲರಿಯಲ್ಲಿ ಇದನ್ನ ತಯಾರಿಸಲಾಗುತ್ತದೆ. ಈ ಮೂಲಕ ಕರ್ನಾಟಕದಲ್ಲಿ ತಯಾರಾಗಿರುವ ದೇಶದ ಮೊದಲ ಬೆಲ್ಲದ ರಮ್‌ ಇದಾಗಿದೆ. ಅಲ್ಲದೇ ಬೆಲ್ಲದ ಹುಲಿ ರಮ್ ತಯಾರಿಸಲು ಹಲವು ವರ್ಷಗಳನ್ನು ತೆಗೆದುಕೊಳ್ಳಲಾಗಿದ್ದು, ಇದೀಗ ಹುಲಿ ರಮ್‌ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದಕ್ಕಾಗಿ ಬರೋಬ್ಬರಿ 8 ವರ್ಷ ತೆಗೆದುಕೊಂಡಿದ್ದರಂತೆ. ರಮ್ ಹುಲಿ ಬೆಲೆ ಬಾಟಲಿ ಬೆಲೆ 750 MLಗೆ 630 ರೂ ಮತ್ತು ಹೆಚ್ಚುವರಿಯಾಗಿ ಶುಲ್ಕಗಳು ಮತ್ತು ಅಬಕಾರಿ ಸುಂಕದ ನಂತರ ಬಾಟಲಿ ಬೆಲೆ 2,800 ರೂ ಬೆಲೆಯಲ್ಲಿ ಸಿಗಲಿದೆ. ಈ ಮೂಲಕ ಸಾಮಾನ್ಯ ಬೆಲೆಗಿಂತ ಕೊಂಚ ಹೆಚ್ಚಿದ್ದರೂ ಸಹ ಇದರ ರುಚಿ ಬೇರೆಯದೇ ರೀತಿ ಇರಲಿದೆ ಎಂದು ಹೇಳಲಾಗಿದೆ.‌