ಕಲಬುರಗಿಯಲ್ಲಿ ತೊಗರಿ ಬೆಲೆ ಕುಸಿತ: ರೈತರಿಗೆ ನಿರಾಸೆ, ಗ್ರಾಹಕರಿಗೆ ಸಂತಸ

ಕಲಬುರಗಿ: ತೊಗರಿ ಬೇಳೆ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದೆ. 3-4 ತಿಂಗಳ ಹಿಂದೆ ಪ್ರತೀ ಕೆಜಿಗೆ 120 ರೂಪಾಯಿ ಇದ್ದ ತೊಗರಿ ಬೇಳೆ ದರ ಈಗ 95 ರೂ.ಗೆ ಮಾರಾಟವಾಗುತ್ತಿದೆ.

ಬೆಲೆ ಇಳಿಕೆಯಾಘಿರುವುದರಿಂದ ಗ್ರಾಹಕರು ಕೈಗೆಟುಕುವ ದರದಲ್ಲಿ ತೊಗರಿ ಬೇಳೆ ಖರೀದಿಸಲು ಸಾಧ್ಯವಾಗಿದೆ.

ಆದರೆ, ರೈತರಿಗೆ ಬೆಲೆ ಇಳಿಕೆಯಾಗಿರುವುದು ನಿರಾಸೆ ತಂದಿದೆ. ತೊಗರಿಯ ಕಣಜ ಎಂದೇ ಹೇಳಲಾಗುವ ಕಲಬುರಗಿ ಜಿಲ್ಲೆಯಲ್ಲಿ ಪ್ರಸಕ್ತ ವರ್ಷ ಹೆಚ್ಚಿನ ಬೆಳೆ ಬಂದಿದೆ. ಮಹಾರಾಷ್ಟ್ರ, ಆಂಧ್ರಪ್ರದೇಶದಲ್ಲಿಯೂ ತೊಗರಿ ಉತ್ಪಾದನೆ ಹೆಚ್ಚಾಗಿದೆ. ಇದರ ಪರಿಣಾಮ ತೊಗರಿ ಬೇಳೆ ದರದಲ್ಲಿ ಬಾರಿ ಇಳಿಕೆಯಾಗಿದೆ. ಕಳೆದ ವರ್ಷ ಕ್ವಿಂಟಾಲ್ ಗೆ 12 ಸಾವಿರ ರೂ.ಗೆ ಏರಿಕೆ ಕಂಡಿದ್ದ ತೊಗರಿ ದರ ಈ ಬಾರಿ 6500 ರೂ.ನಿಂದ 7000 ರೂ. ನಷ್ಟು ಇದೆ.