ಟ್ರಂಪ್ ನ T1 ಮೊಬೈಲ್ ಫೋನ್ ಬಿಡುಗಡೆ-ಏನಿದರ ವಿಶೇಷತೆ?

ವಾಷಿಂಗ್ಟನ್:ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕುಟುಂಬ ಮೊಬೈಲ್ ಫೋನ್ ಉತ್ಪಾದನೆ ಮತ್ತು ಸೇವಾ ವಲಯಕ್ಕೆ ಪ್ರವೇಶಿಸಿದೆ.

ಅಮೆರಿಕದಲ್ಲಿ ಟ್ರಂಪ್ ಬ್ರಾಂಡ್ ಹೆಸರಿನಲ್ಲಿ ಮೊಬೈಲ್ ಫೋನ್ ಸೇವೆ ಪ್ರಾರಂಭಿಸಲು ಪರವಾನಗಿ ದೊರೆತಿದೆ. ಮೇಡ್ ಇನ್ ಅಮೆರಿಕ ಮೊಬೈಲ್​ಗಳನ್ನು ಉತ್ಪಾದಿಸಲು ಟ್ರಂಪ್ ಮುಂದಾಗಿದ್ದಾರೆ.

ಈ ಯೋಜನೆಯ ಭಾಗವಾಗಿ, T1 ಎಂಬ ಹೆಸರಿನ ಮೊದಲ ಟ್ರಂಪ್ ಮೊಬೈಲ್ ಫೋನ್ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ. ಚಿನ್ನದ ಬಣ್ಣದ ಫೋನ್ ಹಲವು ವೈಶಿಷ್ಟ್ಯ ಹೊಂದಿದೆ. ಸಂಪೂರ್ಣವಾಗಿ ಅಮೆರಿಕದಲ್ಲಿ ತಯಾರಾಗಲಿರುವ ಈ ಫೋನ್ ಆಗಸ್ಟ್ 2025ರಿಂದ ಲಭ್ಯವಾಗುವ ಸಾಧ್ಯತೆಯಿದೆ.

ಟ್ರಂಪ್ ಬ್ರ್ಯಾಂಡ್ T1 ಮೊಬೈಲ್ ಫೋನ್ ಬೆಲೆ 499 ಅಮೆರಿಕನ್ ಡಾಲರ್‌ಗಳು. ಇದು ಭಾರತೀಯ ಕರೆನ್ಸಿಯಲ್ಲಿ ಸರಿಸುಮಾರು 41,000 ರೂಪಾಯಿ ಆಗಲಿದೆ.

ಟ್ರಂಪ್ ಪಡೆದಿರುವ ಟ್ರೇಡ್​ಮಾರ್ಕ್ ನೋಡಿದರೆ, ಮೊಬೈಲ್ ಫೋನ್‌ಗಳು, ಕೇಸ್‌ಗಳು, ಬ್ಯಾಟರಿ ಚಾರ್ಜರ್‌ಗಳು ಮತ್ತು ವೈರ್‌ಲೆಸ್ ಟೆಲಿಫೋನ್ ಸೇವೆಗಳನ್ನು ಒದಗಿಸಲು ಬಳಸಲಿದ್ದಾರೆ ಎನ್ನಲಾಗಿದೆ

ಟ್ರಂಪ್ ಮೊಬೈಲ್ ವಿಶೇಷ
ಟಿ1 ಮೊಬೈಲ್ 6.78 ಇಂಚಿನ ಅಮೋಲೆಡ್ ಸ್ಕ್ರೀನ್ ಹೊಂದಿದ್ದು, 120 ಹರ್ಟ್ಜ್ ರೀಫ್ರೆಶ್​ ರೇಟ್ ಹೊಂದಿದೆ. 50 ಮೆಗಾಪಿಕ್ಸೆಲ್​​ನ ಪ್ರಮುಖ ಕ್ಯಾಮರಾ ಇದ್ದರೆ, 2 ಮೆಗಾಪಿಕ್ಸೆಲ್​​ನ ಡೆಫ್ತ್ ಸೆನ್ಸರ್, 2 ಮೆಗಾಪಿಕ್ಸೆಲ್​​ನ ಮ್ಯಾಕ್ರೋ ಕ್ಯಾಮರಾ ಇದೆ. 16 ಮೆಗಾಪಿಕ್ಸೆಲ್​​ನ ಸೆಲ್ಫೀ, 5000 mAhನ ಬ್ಯಾಟರಿ, 20 ವ್ಯಾಟ್​ನ ಚಾರ್ಜರ್, ಹೆಡ್​ಫೋನ್ ಜಾಕ್, ಫಿಂಗರ್ ಪ್ರಿಂಟ್ ಸೆನ್ಸಾರ್, 12 ಜಿಬಿ ಱಮ್, 256 ಜಿಬಿ ರೋಮ್, ಌಂಡ್ರಾಯ್ಡ್ 15ನ್ನು ಈ ಮೊಬೈಲ್ ಹೊಂದಿದೆ.